Wuj Richin ri Q'axanri'il 20:8 - Kaqchiquel Bible

⁸ Tachapa' ri ch'ame'y, y rat awachibilan ri awach'alal Aarón ke'imolo' konojel ri iwinaq chuwech ri nimalej abej ri k'o chiri'. K'ari' kan chikiwech konojel ri winaqi' ri' kach'on chire ri abej y xtibeq'ejej-pe ya'. Y keri' k'a xtaben chi xtibe'el-pe ya' richin ke'uk'ya' ri awinaq y chuqa' richin ke'uk'ya' ri kawej, xcha'.

Wuj Richin ri Q'axanri'il 20:8 ပူးပေါင်းရင်းမြစ်များ

Ex 4:17

Tak'uaj-el re ach'ame'y, roma rik'in re' xtaben nima'q taq banobel, xcha' ri Dios chire ri Moisés.

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

Wuj Richin ri Isaías 43:20

Kan jajun ri chikopi' ri ek'o pa k'echelaj xtikiya' nuq'ij, achi'el ri utiwa' y ri túkur. Kan xtinya' raqen taq ya' pa tz'iran ruwach'ulew, y xkenjeq rubey ya' chupan ulew ri akuchi man niwachin ta, richin chi xtinya' kiya' ri nutinamit ri kan nucha'on.

Apocalipsis 22:1

Y k'ari' ri ángel ri uk'uayon wichin xuk'ut jun ch'ajch'ojilej raqen-ya' chinuwech ri niya'on k'aslen. Ri raqen-ya' ri', chay-chay nitzu'un y nalex-pe ri akuchi k'o-wi ri rutz'uyubal ri Dios y ri Karne'l.

Hechos 1:14

Y konojel rije' kan jantape' k'a yech'on rik'in ri Dios junan, kachibilan ri María ri rute' ri Jesús, y ri ch'aqa' chik ixoqi' y chuqa' ri e rach'alal ri Jesús.

San Juan 16:24

K'a re wakami kan man jun k'a ri ik'utun ta chire ri nata' pa nubi' yin. Jak'a re wakami kan tik'utuj k'a, y xtik'ul. Richin keri' kan tz'aqet ta k'a ri kikoten ri pa taq iwánima.

San Lucas 11:13

Wi rix ri xa man kan ta utz ina'oj, man yixtikir ta niben keri' chike ri iwalk'ual, k'a ta la' chik k'a ri aj-chikajil qatata'. Rija' kan nuya-wi k'a ri Loq'olej Espíritu chike ri kan nikik'utuj, xcha' ri Jesús.

San Mateo 21:21

Ri Jesús xubij k'a chike: Kan qitzij ninbij chiwe chi wi ta rix kan nikuquba' ik'u'x, y man nipe ta pan iwánima chi xa man nibanatej ta ri nik'utuj; wi ta keri', man xaxe ta chire re wíkix ri yixtikir niben kere'. Xa kan nibanatej k'a chuqa' wi ta nibij chire jun juyu' chi tel-el ri akuchi k'o-wi y tiq'ax chupan ri palou, y kan keri' nibanatej.

Wuj Richin ri Isaías 48:21

Toqaqa k'a chi'ik'u'x chi ri ite-itata' man xchaqi'j ta kichi' toq xebe pa tz'iran ruwach'ulew. Yin xinpaxij ri nima-abej richin chiri' xel-pe ri ya'.

Wuj Richin Bix Chire ri Dios 114:8

Ja rija' xbanon chi ri nima-abej xel-pe k'iy ya' chupan. Xuben chi ri abej xe'ok alaxibel taq ya'.

Wuj Richin Bix Chire ri Dios 105:41

Xujeq k'a ri nimalej abej, y kan xuben chi xbebulbu'x-pe ri ya' chupan. Kan xbiyin k'a el chupan ri chaqi'j ruwach'ulew achi'el jun raqen-ya'.

Wuj Richin Bix Chire ri Dios 33:9

Roma kan xaxe k'a toq xubij rija' jari' toq xbanatej. Achi'el xubij rija' keri' xk'oje' kan ronojel.

Wuj Richin ri Nehemías 9:15

Xe'atzuq k'a rik'in ri wey ri xpe chila' chikaj toq rije' xenum. Xaya' k'a kiya' ri xel-pe chupan ri nimalej abej toq xchaqi'j kichi'. Xabij k'a chike chi nikichinaj ri ruwach'ulew, y rat kan xaya' k'a atzij chi ri ulew kan xok kichin.

Wuj Richin ri Josúe 6:20

Y ri achi'a' xesik'in rik'in ronojel kuchuq'a', toq ri sacerdote xeyaloj xkixupuj ri xupubel, y jari' toq ri achi'a' xkak'axaj y xesik'in-q'anej, ri tz'aq ri rusutin-rij ri tinamit kan xtzaq-qa jumul y jari' toq kan choj xe'ok-apo chupan ri tinamit y xkich'ek.

Wuj Richin ri Josúe 6:5

Y chirij ri' toq xtiwak'axaj chi yeyaloj xtikixupuj ri uk'a' richin karne'l, konojel ri achi'a' xkesik'in rik'in ronojel kuchuq'a', y ri tz'aq richin ri tinamit Jericó xtitzaq jumul k'a pan ulew; jari' toq ri achi'a' choj xke'ok-apo, xcha' ri Jehová chire ri Josué.

Wuj Richin ri Q'axanri'il 21:18

Rat pozo ri at banon kan koma ri achi'a' ri kan k'o kiq'ij. Kan ja ri aj-raqen ri ek'o pa ruwi' ri tinamit ri xak'oton kan, kan rik'in ri kich'ame'y xatkik'ot-wi, xecha'. Xeri' ri israelita xe'el-el ri chiri' pa tz'iran ruwach'ulew y xe'apon pa jun chik ruwach'ulew y xkibij Mataná*f4* chire,

Wuj Richin ri Q'axanri'il 21:15

ri ch'uti'n raqen-ya', jari' ri ruk'ulba't ri Moab, y napon k'a pa tinamit Ar.

Wuj Richin ri Q'axanri'il 20:11

Y jari' toq ri Moisés xutzeqej k'a ri ruch'ame'y y xuk'osij ka'i' mul ri abej. Y kan jari' xbechoxcho-pe ya' chupan ri abej; y xe'uk'ya' k'a konojel ri winaqi', y xe'uk'ya' chuqa' ri kawej.

Ex 17:9

Y ri Moisés xubij k'a chire ri Josué: Chua'q ke'acha' k'a achi'a' chiqakojol, richin chi yixbe pan oyowal chikij ri e rijatzul ri Amalec y yin xkibek'oje' pa ruwi' ri juyu' y nink'uaj ri ch'ame'y richin ri Dios, xcha'.

Ex 14:16

Y rat tayaka' la ach'ame'y y tayuqu-apo pa ruwi' la ya'. Y tajaqa' jun ibey richin keri' kan pa chaqi'j k'a xkixq'ax-wi.

Ex 7:20

Ri Moisés y ri Aarón kan xkiben k'a ronojel ri rubin-el ri Jehová. Ri Aarón xutzeqej k'a ri ruch'ame'y y xuneq-qa ri raqen-ya' Nilo chuwech ri rey y chikiwech ri aj-raqen y ri raqen-ya' kan xok k'a kik'.

Ex 4:20

Y ri Moisés xuk'uaj-el ri rixjayil y ri e ka'i' ruk'ajol y xeruch'okoba-el chirij jun bur y xuchop k'a el bey richin nitzolin pan Egipto, y chuqa' xuk'uaj-el ri ruch'ame'y, ri richin ri Dios.

Ex 4:2

Y ri Jehová xuk'utuj chire chi achike ruk'uan pa ruq'a'. Y ri Moisés xubij: Jun nuch'ame'y, xcha'.

Wuj Richin ri Rutikeribel 18:14

¿Kan k'o kami k'a jun ri man ta yitikir ninben yin? Man keri' ta. Y roma ri' ri juna' apo xkinoqaqa chik awik'in, y jari' toq ri Sara xalex yan ri ti ral chiri', xcha' chire.

Wuj Richin ri Q'axanri'il 20:7

Jari' toq ri Jehová xch'on k'a rik'in ri Moisés y xubij chire: