Wuj Richin ri Q'axanri'il 20:20 - Kaqchiquel Bible

²⁰ Jak'a ri rey richin Edom man xuya' ta q'ij chike richin xeq'ax-el chiri'. K'ari' rija' y janila chi aj-labal xeyakatej k'a chikij ri winaqi' israelita.

Wuj Richin ri Q'axanri'il 20:20 ပူးပေါင်းရင်းမြစ်များ

Am 1:11

Kere' nubij ri Jehová pa kiwi' ri aj-Edom: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xekitzeqelibej ri kiwinaq israelita richin xekikamisaj. Y kan man xkijoyowaj ta kiwech. Ri ch'upun-k'u'x ri xk'oje' kik'in kan janila nim. Kan man xkiq'et ta ruwi' ri koyowal.

Wuj Kichin ri To'onela' 11:17

Jari' toq xekiteq achi'a' ri e uk'uey rutzijol rik'in ri rey richin Edom, y xkibij chire: Niqak'utuj utzil chawe richin naya' ta q'ij chiqe richin yojq'ax pa iruwach'ulew, xecha' chire. Jak'a ri rey ri' xa xuben richin man xniman ta chike. Chuqa' xkiteq rutzijol chire ri Balac rey richin Moab, y chuqa' rija' man xrajo' ta; y roma ri' ri qati't-qamama' xek'oje-qa chiri' pa Cadés.

Wuj Richin Bix Chire ri Dios 120:7

Yin kan ja ri uxlanibel-k'u'x ri niqa' chinuwech, jak'a toq ninnataj re' chike, rije' kan yinkichop chi oyowal.

Wuj Kichin ri To'onela' 11:20

Jak'a ri Sihón man xukuquba' ta ruk'u'x kik'in ri qawinaq israelita richin xuya' ta q'ij chike richin xeq'ax ta el chupan ri kiruwach'ulew. Xa xerumol k'a konojel aj-labal, y xebek'oje' pa tinamit Jahas, richin xkiben oyowal kik'in ri qati't-qamama'.

Wuj Richin ri Q'axanri'il 20:18

Jak'a ri rey richin Edom xa xubij: Rix man xkixq'ax ta chupan re nuruwach'ulew; roma wi kan xtiben chi yixpe kere', yin xkiyakatej chi oyowal chiwij e wachibilan ri aj-labal ri ek'o wik'in, xcha' ri rey.

Wuj Richin ri Rutikeribel 32:6

Y toq ri e uk'uey rutzijol ri e rutaqon-el ri Jacob xetzolin-pe, xokibij chire: Xojpe rik'in ri awach'alal Esaú. Y rija' chuqa' peteneq richin yatoruk'ulu' y e rachibilan-pe e 400 achi'a', xcha'.

Wuj Richin ri Rutikeribel 27:41

Ri Esaú kan xretzelaj k'a ri ruchaq' roma ri urtisanik ri xya'ox chire y xubij k'a: K'o na jun q'ij ri nata' xtiken; k'ari' xtinbenkamisaj ri nuchaq' toq xtik'o-el ri qabis, xcha' ri Esaú.

Wuj Richin ri Q'axanri'il 20:21

Y roma rija' kan man xuya' ta q'ij chike ri winaqi' israelita richin chi yeq'ax chupan ri ruruwach'ulew, roma ri' rije' xkijel kibey y k'a nej chik xebesutin-pe.