Wuj Richin ri Q'axanri'il 20:15 - Kaqchiquel Bible

¹⁵ Rat awetaman chi ri qati't-qamama' xebe-qa k'a pan Egipto, y xojk'oje' chiri' janila k'iy juna'. Awetaman chuqa' chi ri winaqi' aj chiri' kan janila xojkiya' pa tijoj-poqonal roj, kan achi'el chuqa' xkiben-el kik'in ri qati't-qamama';

Wuj Richin ri Q'axanri'il 20:15 ပူးပေါင်းရင်းမြစ်များ

Wuj Richin ri Rutikeribel 15:13

K'ari' ri Jehová xubij chire: Kan tawetamaj chi ri awijatzul xkebe'ok q'axel chupan jun chik ruwach'ulew ri man kichin ta rije'. Chiri' xkebexime-wi pa samaj, janila xketz'ilox y xtibekitija' poqon 400 juna'.

Wuj Richin ri Rutikeribel 46:6

Xekik'uaj k'a el ronojel ri kawej y ronojel ri kibeyomel ri kibanon chik ri chiri' pa ruwach'ulew Canaán, richin chi xebe k'a pa ruwach'ulew Egipto, y keri' ri Jacob y konojel ri e rijatzul xebe pan Egipto.

Wuj Richin ri Rutikeribel 46:7

Konojel k'a xebe, ri ruk'ajol, ri rumi'al, y konojel rumam chi xten chi ala'.

2 Sam 12:18

Y chupan ri ruwuq q'ij chi tuchop yabil ri ak'ual, xa xken. Jari' toq ri rusamajela' ri David nikixibij-ki' nikibij-apo chire chi xken ri ak'ual. Y nikibila' chikiwech: Toq k'a k'es ri ak'ual, yojch'on rik'in y man nrajo' ta yojrak'axaj; ¿K'a ta la' chik re wakami chi xtiqabij-apo chire chi xa xken ri ak'ual?, yecha'.

Ex 1:16

Toq yixbe kik'in ri ixoqi' israelita toq ye'alan, kan titz'eta' chi'anin ri achike ri nalex, wi ti ala' ri nalex, tikamisaj y wi ti xten, tik'asba' kan, xcha' chike.

Ex 1:22

Y toq ri rey xutz'et chi xa man nitikir ta yerukamisaj, jari' toq xubij chike ri ruwinaq chi toq ye'alex ri ak'uala' taq alaboni' chikikojol ri winaqi' israelita, kan ketorix-el pa raqen-ya', y wi taq xtani' ri ye'alex, kekik'asba' kan.

Ex 12:40

Ri e rijatzul kan ri Israel xek'oje' k'a 430 juna' chiri' pan Egipto.

Ex 5:14

Y toq man xetikir ta xkiben, kan janila k'a xech'ay ri caporal koma ri aj-raqen ri e ruya'on ri rey, y xkik'utuj k'a chike: ¿Achike roma man xijech ta ronojel ri xan richin iwir y chuqa' re wakami man xijech ta achi'el ri ibanon-pe?, xecha' chike.

Wuj Richin ri Q'axanri'il 11:5

Noqaqa chiqak'u'x toq xqatej ker ri chila' pan Egipto, ri choj keri' xya'ox chiqe y chuqa' toq xqatej ri pepino, ri melón, ri xunaket, ri achi'el xunaket y ri anx.

Wuj Richin ri Q'axanri'il 16:13

Roma man xaxe ta xojawelesaj-pe ri pa ruwach'ulew ri akuchi jebel xojwa' y wakami nawajo' yojakamisaj kan chi wayjal chupan re tz'iran ruwach'ulew re'. Y man xaxe ta ri', roma kan nawajo' chi yak'oje' pa qawi', richin yapa'e' chiqij rik'in ri aq'atbel-tzij.

Wuj Richin ri Q'axanri'il 20:14

Toq ri Moisés y ri ruwinaq ek'o k'a chiri' pa tinamit Cadés, rija' xeruteq k'a uk'uey rutzijol k'a rik'in ri rey richin ri ruwach'ulew Edom, y kere' k'a ri xuteq-el rubixik chire: Roj ri awach'alal, ri oj rijatzul kan ri Israel, niqabij k'a chawe: Kan awetaman k'a chi roj ronojel ruwech ruk'ayewal ri qaq'axan-pe re xojoqaqa k'a re wawe'.

Wuj Richin ri Q'axanri'il 20:16

y roma ri' toq roj xojch'on k'a rik'in ri Jehová y rija' kan xrak'axaj ri qach'abel. Xuteq k'a jun ángel richin xojrelesaj-pe pan Egipto y wakami ojk'o wawe' pa Cadés, tinamit ri k'o chunaqaj ri k'ulba't richin ri aruwach'ulew.

Hechos 7:15

Kere' k'a rubanik toq xxule-qa ri Jacob pan Egipto. Chiri' xken-wi rija' y ri e ruk'ajol ri e qati't-qamama' roj.

Hechos 7:19

Y re k'ak'a' rey re' kan nowineq k'a chubanik ri etzelal chike ri qawinaq judío. Xuben k'a chike chi xkik'owisaj tijoj-poqonal ri qati't-qamama', toq kan xuben chike chi ri kalk'ual xa k'a kalaxik xebetorix kan, roma kan xrajo' chi man ta xek'iyer.

Deut 26:6

Jak'a ri aj-Egipto janila xekiya' pa tijoj-poqonal. Kan janila xekiya' pa tijoj-poqonal y pan ilinri'il.