Wuj Richin ri Q'axanri'il 20:11 - Kaqchiquel Bible

¹¹ Y jari' toq ri Moisés xutzeqej k'a ri ruch'ame'y y xuk'osij ka'i' mul ri abej. Y kan jari' xbechoxcho-pe ya' chupan ri abej; y xe'uk'ya' k'a konojel ri winaqi', y xe'uk'ya' chuqa' ri kawej.

Wuj Richin ri Q'axanri'il 20:11 ပူးပေါင်းရင်းမြစ်များ

1 Corintios 10:4

chuqa' xkiqum ri ya' ri xuya-pe ri Dios chike. Ri ya' ri' xel-pe pa jun nimalej abej ri kan kachibilan. Y ri abej ri', nuk'exewachuj ri Cristo.

Ex 17:6

Yin xkinik'o k'a el chawech y xkibek'oje' pa ruwi' ri nimalej abej ri k'o chiri' pan Horeb. K'ari' rat xtak'osij ri nimalej abej ri' y chiri' xtel-pe ya' richin nikiqum ri awinaq. Y ri Moisés kan keri' k'a xuben chikiwech ri achi'a' ri k'o kiq'ij chikikojol ri israelita.

Deut 8:15

Ri Jehová xuben chiqe richin xojruk'uaj chupan ri nimalej tz'iran ruwach'ulew ri kan nak'en rukiy, ri nojineq rik'in kumatzi' y alacrán ri yekamisan, y akuchi janila xchaqi'j qachi' roma maneq ya'. Y rija' xuya' ri qaya' richin xqaqum ri xel-pe pa jun nimalej abej.

Wuj Richin ri Q'axanri'il 20:8

Tachapa' ri ch'ame'y, y rat awachibilan ri awach'alal Aarón ke'imolo' konojel ri iwinaq chuwech ri nimalej abej ri k'o chiri'. K'ari' kan chikiwech konojel ri winaqi' ri' kach'on chire ri abej y xtibeq'ejej-pe ya'. Y keri' k'a xtaben chi xtibe'el-pe ya' richin ke'uk'ya' ri awinaq y chuqa' richin ke'uk'ya' ri kawej, xcha'.

Santiago 1:20

Roma toq rix iwoyowal man yixtikir ta niben ri nrajo' ri Dios chi niben.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Os 13:5

Ja yin xichajin awichin chupan ri tz'iran ruwach'ulew, chupan ri chaqi'j ruwach'ulew.

Wuj Richin Bix Chire ri Dios 78:16

Kan chupan k'a ri abej xbebiyin-wi-pe ri ya', y ri ya' ri' kan achi'el k'a raqen taq ya' xuben chike.

1 Crón 15:13

Ri pa nabey man xqak'ulubej ta ri Jehová pa ruwi' ri k'atzinel richin ta xqaben, y roma rix man xixk'oje' ta apo ri chiri', roma ri' ri Jehová xrelesaj-el ruk'aslen jun chiqakojol roj, xcha' ri David.

1 Sam 15:24

K'ari' ri Saúl xubij chire ri Samuel: Yin kan ximakun, roma man xinnimaj ta rutzij ri Jehová y ri ach'abel rat, roma xink'en kikiy ri aj-labal y xinnimaj kitzij. Takuyu' k'a ri numak wakami.

1 Crón 15:2

K'ari' xubij: Wakami xa kan xaxe k'a ri e levita ri ye'uk'uan ri káxa richin ri rujikibel-tzij ri Dios, y man jun achike ta chik, roma ri Jehová kan e rucha'on rije' richin jantape' nikik'uaj ri káxa y nikisamajij, xcha'.

1 Sam 15:19

¿Achike k'a roma man xanimaj ta ri xubij ri Jehová chawe? Y xa xak'en chuwi-kiq'a' ri etzelanel qichin ri k'o rejqalen y xa chirij ri' xbe awánima. Re' kan itzel xaben chuwech ri Jehová, xcha' ri Samuel.

Wuj Richin ri Chojmirisabelri'il 10:1

Y ek'o k'a e ka'i' chike ri e ruk'ajol ri Aarón kibini'an, Nadab y Abihú, y chikijujunal rije' xkiya' racheq-q'aq' chupan ri kiporobal-pom y k'ari' xkiya-el juba' pom pa ruwi'. Jak'a ri Dios man rubin ta chi tikikusaj xabachike racheq-q'aq'.

Wuj Richin Bix Chire ri Dios 74:15

Xe'ajeq k'a ri ralaxbel taq ya' y ri ch'uti'n raqen taq ya', y xachaqirisaj k'a rupan ri nima'q taq raqen-ya'.

Wuj Richin Bix Chire ri Dios 78:15

Xupaxij k'a ri abej pa tz'iran ruwach'ulew, y xuya' k'a kiya' pa ruk'iyal, richin xkiqum konojel.

Wuj Richin Bix Chire ri Dios 78:20

qitzij wi chi rija' xupaxij ri abej; chi xuben chi xbebulbu'x-pe ya' y xmu'e' ri ruwach'ulew rik'in ri ya' ri'. Jak'a ¿kan nitikir kami nuya' chuqa' qaway? ¿Kan nitikir kami nuya' ti'ij chiqe roj ri oj rutinamit?, xecha'.

Wuj Richin Bix Chire ri Dios 105:41

Xujeq k'a ri nimalej abej, y kan xuben chi xbebulbu'x-pe ri ya' chupan. Kan xbiyin k'a el chupan ri chaqi'j ruwach'ulew achi'el jun raqen-ya'.

Wuj Richin Bix Chire ri Dios 114:8

Ja rija' xbanon chi ri nima-abej xel-pe k'iy ya' chupan. Xuben chi ri abej xe'ok alaxibel taq ya'.

Wuj Richin ri Isaías 43:19

Jak'a re wakami yin xtinben k'a jun k'ak'a' banobel. Y kan chi'anin xbek'ulun-pe. Y rix ¿kan man nitz'et ta chi xchapatej yan? Ninbenjaqa' jun bey ri pa tz'iran ruwach'ulew, y kan ninya' raqen taq ya' chupan ri ruwach'ulew akuchi ri man niwachin ta.

Wuj Richin ri Isaías 48:21

Toqaqa k'a chi'ik'u'x chi ri ite-itata' man xchaqi'j ta kichi' toq xebe pa tz'iran ruwach'ulew. Yin xinpaxij ri nima-abej richin chiri' xel-pe ri ya'.

Wuj Kichin ri To'onela' 15:19

Jari' toq ri Dios xujeq k'a jun raqen-jul ri k'o chiri' pa Lehi, y chiri' xbebulbu'x-pe ya'; y ri Sansón xuk'ya' k'a, y xuben chire chi xk'oje' chik ruchuq'a'. Y ri ralaxbel-ya' ri' xubini'aj kan En-hacoré,*f7* y keri' rubini'an k'a re wakami.