Wuj Richin ri Q'axanri'il 20:10 - Kaqchiquel Bible

¹⁰ Y rija' rachibilan ri Aarón kan jari' k'a xekimol konojel ri kiwinaq ri chiri' chuwech-apo ri nimalej abej. K'ari' ri Moisés xch'on kik'in y xubij chike: ¡Tiwak'axaj k'a rix winaqi' ri ipaban-iwi' chuwech ri Jehová! ¿Ninimaj rix chi roj kan niqaben chi nel-pe ya' chupan re abej re' richin chi niqum rix?, xcha' ri Moisés chike.

Wuj Richin ri Q'axanri'il 20:10 ပူးပေါင်းရင်းမြစ်များ

Santiago 3:2

Qonojel k'iy bey xa man ja ta ri yeqaben. Y wi ta k'o jun ri man jun bey nimakun rik'in ri ruch'abel, ri wineq ri' kan tz'aqet ri ruk'aslen. Roma wi nitikir nuq'et ri ruch'abel, kan nitikir chuqa' nuben keri' rik'in chijun ri ruch'akul.

Efesios 4:26

Toq k'o nibanon chiwe chi yixoyower, man kixmakun. Y man tiya' q'ij chi k'a k'o na iwoyowal toq nitzaq-qa ri q'ij.

San Mateo 5:22

Jak'a yin ninbij chi wi k'o ta jun ri, stape' ta xaxe royowal ri nipe chire jun wineq, kan nimakun-wi y kan k'o chi tiq'at-tzij pa ruwi'. Chuqa' ri nibin chire jun chik wineq chi maneq runa'oj; ri nibin keri', kan aj-mak chuqa', roma ri' kan ruk'amon chi nuk'uex chikiwech ri achi'a' ri pa komon yeq'aton-tzij richin chi niq'at-tzij pa ruwi'. Y xabachike k'a ri nibin nakanik chire jun chik wineq, ri' xa kan oyoben chik roma ri q'aq'.

Deut 9:24

Kan ja ri q'ij toq yin xinwetamaj kiwech; xentz'et chi kan yalan kikowirisan-ki' chuwech ri Jehová.

Wuj Richin ri Rutikeribel 41:16

Y ri José xubij k'a chire ri rey: Man wik'in ta k'a yin k'o-wi richin ninbij ri achike yek'ulun-wi chi tzij ri achik', xa kan xaxe k'a ri Dios xtik'uluban-pe awichin, richin nuk'en-pe utzil pan awi', xcha' ri José chire ri rey.

Wuj Richin ri Rutikeribel 40:8

Y rije' xkibij chire: Chiqajujunal roj k'o jun qachik' ri xqaben y man jun ri k'o wawe' chiqakojol ri nitikir ta nibin chiqe achike yek'ulun-wi, xecha' chire ri José. K'ari' ri José xubij chike: Xaxe ri Dios ri nitikir niq'alajirisan ri achik', titzijoj k'a chuwe ri xiwachik'aj, xcha' chike.

1 Corintios 3:7

Roma ri' man jun chiqe chi oj ka'i' ri k'o ta ruq'ij, roma kan ja ri Dios ri xbanon chi xk'iy ri ruch'abel pa taq iwánima.

Ex 17:6

Yin xkinik'o k'a el chawech y xkibek'oje' pa ruwi' ri nimalej abej ri k'o chiri' pan Horeb. K'ari' rat xtak'osij ri nimalej abej ri' y chiri' xtel-pe ya' richin nikiqum ri awinaq. Y ri Moisés kan keri' k'a xuben chikiwech ri achi'a' ri k'o kiq'ij chikikojol ri israelita.

Wuj Richin ri Q'axanri'il 20:24

Rat Aarón yabeken yan, y man xkatok ta chupan ri ruwach'ulew ri nusujun chike ri awinaq israelita, roma rix ix ka'i' xiq'ej ruwi' ri nuch'abel, ri chiri' akuchi xk'oje-wi kan ri ralaxbel-ya' Meribá.

Wuj Richin Bix Chire ri Dios 78:16

Kan chupan k'a ri abej xbebiyin-wi-pe ri ya', y ri ya' ri' kan achi'el k'a raqen taq ya' xuben chike.