Wuj Richin ri Q'axanri'il 20:1 - Kaqchiquel Bible

¹ Y toq xq'ax yan juba' juna', ri winaqi' israelita xe'apon chik jun bey pa tz'iran ruwach'ulew Sin, chupan ri nabey ik' chire ri juna'. Y chiri' pa tinamit Cadés xek'oje-qa. Y xken k'a kan ri María y xmuq kan chiri'.

Wuj Richin ri Q'axanri'il 20:1 ပူးပေါင်းရင်းမြစ်များ

Wuj Richin ri Q'axanri'il 13:21

Y rije' jari' toq xebe-el y xbekinik'oj k'a ri ruwach'ulew. Xkichop k'a el ri chiri' pa tz'iran ruwach'ulew rubini'an Sin ri k'o pa xokon y xe'apon k'a pa tinamit Rehob, chunaqaj ri tinamit Hamat.

Wuj Richin ri Q'axanri'il 33:36

Xe'el-pe chiri' y xebek'oje' k'a pa tz'iran ruwach'ulew richin Sin, chiri' pa tinamit Cadés.

Ex 15:20

Y jak'a ri María, ri q'alajirisey ruch'abel ri Dios, ri rana' ri Aarón, xuchop jun q'ojom rubini'an pandero, richin xubixaj rubi' ri Dios. Y konojel k'a ri ixoqi' xkitzeqelibej-el y rije' kik'ualon chuqa' ki-pandero y yetzopiyaj ri yebixan.

Wuj Richin ri Q'axanri'il 27:14

Roma chi ix ka'i' rix kan man xinimaj ta nutzij ri chiri' pa tz'iran ruwach'ulew Sin ri chiri' chuchi' ri ya' pa Meribá ri k'o pa Cadés, toq ri winaqi' xeyakatej richin xkich'ojij kiya' y rix kan chikiwech ri winaqi' xiben-wi chi achi'el xa man jun ok nuq'ij, xcha' ri Jehová.

Wuj Richin ri Q'axanri'il 26:59

Y re Amram re' xk'ule' rik'in jun rijatzul kan ri Leví, ri rubini'an Jocabed, ri xalex toq kan k'a k'o na ri chiri' pan Egipto. Y re ixoq re' xek'oje' e oxi' ral, e ralk'ual ri Amram, ri xkibini'aj Aarón, Moisés y María.

Wuj Richin ri Q'axanri'il 12:1

Ri María y ri Aarón xkichop k'a itzel yech'on chirij ri Moisés, stape' rija' jun achin ri kan yalan ruqasan-ri' chuwech ri Dios, y man achi'el ta konojel ri ch'aqa' chik achi'a' ri ek'o chuwech re ruwach'ulew. Itzel k'a yech'on chirij roma rija' xa rik'in jun ixoq aj-Etiopía k'ulan-wi. Y rije' nikibila' k'a chikiwech: ¿Xaxe kami rik'in ri Moisés nich'on-wi ri Jehová? ¿Man ch'owineq ta kami chuqa' qik'in roj?, xecha'. Y ronojel ri' xrak'axaj-pe ri Jehová.

Wuj Richin ri Miqueas 6:4

Kan ja k'a yin ri xinelesan-pe iwichin pan Egipto y xixinkol-pe chupan ri kowilej taq samaj. Xenteq k'a ri Moisés, ri Aarón y ri María richin ja rije' re xeyuqen-pe iwichin.

Wuj Richin Bix Chire ri Dios 29:8

Toq nich'on ri Jehová, kan nusiloj k'a ri tz'iran ruwach'ulew. Kan nusiloj k'a ri tz'iran ruwach'ulew Cadés.

Deut 32:51

Roma rix ix ka'i' xixmakun chinuwech chikikojol ri iwinaq, man xinimaj ta nutzij chiri' chuchi' ri ya' Meribá-cadés pa tz'iran ruwach'ulew Sin, y man xiya' ta nuq'ij chikiwech rije'.

Deut 2:14

Kan xaxe k'a toq xojel-pe pa Cadés-barnea, k'a ri q'ij toq xqaq'axaj ri ti ch'uti'n raqen-ya' Zéred, q'axineq-pe juwineq waqxaqlajuj juna'. Y roma ri' konojel ri achi'a' ri e qawinaq ri k'o chik kijuna' richin yebe pa labal toq xojel-pe pan Egipto xa xek'is yan kan, achi'el ri ya'on-tzij ri rubanon ri Jehová.

Wuj Richin ri Q'axanri'il 20:16

y roma ri' toq roj xojch'on k'a rik'in ri Jehová y rija' kan xrak'axaj ri qach'abel. Xuteq k'a jun ángel richin xojrelesaj-pe pan Egipto y wakami ojk'o wawe' pa Cadés, tinamit ri k'o chunaqaj ri k'ulba't richin ri aruwach'ulew.

Wuj Richin ri Q'axanri'il 12:15

Y keri', ri María kan xelesex na wi el wuqu' q'ij ri chiri', ri akuchi ek'o-wi-qa. Y k'a toq xtzolej na ri María,

Wuj Richin ri Q'axanri'il 12:10

Ri achi'el sutz' kan jari' xyakatej-el y xuch'er-el-ri' chire ri rachoch rija'. Y jari' toq ri María xutzu-qa ri ruq'a' y xutz'et chi kan achi'el chik nitzu'un ri chuma-tew, keri' ri rubanon. Y toq ri Aarón xutz'et ri yabil ri k'o chirij ri rana',

Ex 2:7

Jari' toq ri ti rana' ri ti ak'ual xubij chire ri rumi'al ri rey: ¿Nawajo' chi ninkanoj-pe jun ixoq israelita richin chi nuya' rutz'um re ak'ual re', richin nuk'iytisaj chawech?, xcha' chire.

Ex 2:4

Y ri ti rana' ri ti ak'ual ri', xk'oje' kan nej richin nunachaj-apo achike xtik'uluwachitej rik'in ri ti ruxibal.

Wuj Richin ri Q'axanri'il 13:26

Y xe'apon k'a rik'in ri Moisés, ri Aarón y ri ch'aqa' chik kiwinaq, ri chiri' pa tz'iran ruwach'ulew Parán, ri chiri' pa tinamit Cadés. Y xkitzijoj k'a ronojel chike y xkik'ut chikiwech ri ruwech ri tiko'n ri nuya' ri chiri'.

Wuj Richin ri Q'axanri'il 20:22

Y toq konojel ri winaqi' israelita xkiya' kan ri tinamit Cadés, xkichop k'a bey y xe'apon k'a ri akuchi k'o-wi ri juyu' rubini'an Hor,

Deut 1:46

Keri', k'o chi xojk'oje' kan k'iy juna' ri chiri' pa Cadés.

Wuj Kichin ri To'onela' 11:16

Roma toq ri qati't-qamama' xe'el-pe pan Egipto, xkiq'axaj ri tz'iran ruwach'ulew ri napon rik'in ri Kaqa-Palou, y xe'apon k'a pa tinamit Cadés.

Wuj Richin ri Rutikeribel 14:7

Y xetzolej k'a pe y xepe pa tinamit En-mispat ri chuqa' nibix Cadés-barnea chire. Y xkich'ek kan ri ruwach'ulew ri xtibe'ok kichin ri rijatzul ri Amalec y chuqa' ri ruwach'ulew ri rijatzul ri Hamor ri k'o pan Hasesón-tamar.

Wuj Richin ri Q'axanri'il 20:28

Y toq xe'apon el, ri Moisés xrelesaj k'a ri tzieq richin sacerdote chirij ri Aarón y xuya' chirij ri Eleazar, ri ruk'ajol. Chiri' k'a xken-wi kan ri Aarón, y k'ari' ri Moisés y ri Eleazar xeqaqa-pe.

Ez 47:19

Ri k'ulba't ri k'o pa xokon nitiker-el rik'in ri tinamit Tamar y choj nibe pa qajbel-q'ij. Niq'ax-el rik'in ri alaxibel-ya' Meribá-cadés y napon k'a pa ti ch'uti'n raqen-ya' richin Egipto y napon k'a pa palou.