Wuj Richin ri Q'axanri'il 2:10 - Kaqchiquel Bible

¹⁰ Ri pa xokon chire ri wachoch, chiri' xkek'oje-wi konojel ri winaqi' ri xketzeqeliben ri tzieq ruk'exewach ri tzobaj richin ri Rubén. Ri aj-raqen ri k'o pa kiwi' ri rutzobaj ri Rubén, ja ri Elisur ruk'ajol ri Sedeúr.

Wuj Richin ri Q'axanri'il 2:10 ပူးပေါင်းရင်းမြစ်များ

Wuj Richin ri Q'axanri'il 1:5

Ja kibi' re achi'a' re' ri aj-raqen pa kiwi' ri tzobaj ri xketo'on iwichin. Ri aj-raqen richin ri tzobaj richin Rubén, ja ri Elisur ruk'ajol ri Sedeúr. Ri tzobaj richin Simeón ja ri Selumiel ruk'ajol ri Surisadai. Ri tzobaj richin Judá ja ri Nahasón ruk'ajol ri Aminadab. Ri tzobaj richin Isacar ja ri Natanael ruk'ajol ri Suar. Ri tzobaj richin Zabulón ja ri Eliab ruk'ajol ri Helón. Ri tzobaj richin Efraín ja ri Elisamá ruk'ajol ri Amihud. Ri tzobaj richin Manasés ja ri Gamaliel ruk'ajol ri Pedasur. Ri tzobaj richin Benjamín ja ri Abidán ruk'ajol ri Guidoní. Ri tzobaj richin Dan ja ri Ahiézer ruk'ajol ri Amisadai. Ri tzobaj richin Aser ja ri Paguiel ruk'ajol ri Ocrán. Ri tzobaj richin Gad ja ri Eliasaf ruk'ajol ri Reuel. Ri tzobaj richin Neftalí ja ri Ahirá ruk'ajol ri Enán, xcha' ri Dios.

1 Crón 5:1

Ri Rubén, ri nabey ruk'ajol ri Israel kan ja wi rija' ri k'o más ruq'ij, jak'a roma xmakun, roma ri' xelesex chire chi ja rija' ri k'o más ruq'ij, roma xk'oje-qa rik'in ri rixjayil ri rutata'. Y ri k'o ruq'a' rija' chire, xya'ox chike ri e ruk'ajol ri José, ri jun chik ruk'ajol ri Israel; ri Rubén man xya'ox ta chik rejqalen.

Wuj Richin ri Q'axanri'il 10:18

Chikij k'a rije' xebe konojel ri winaqi' ri yetzeqeliben ri tzieq ruk'exewach ri tzobaj richin ri Rubén y ri aj-raqen pa kiwi' rije', ja ri Elisur, ri ruk'ajol ri Sedeúr.

Wuj Richin ri Q'axanri'il 2:11

Y ri kajlabal ri aj-labal chikikojol rije' e 46,500.

Wuj Richin ri Q'axanri'il 10:6

Y toq xkexupux chik pa ruka'n mul, jari' toq xtikichop-el bey ri winaqi' ri ek'o pa xokon chire ri wachoch. Ja retal ri' richin chi nikichop-el bey.