Wuj Richin ri Q'axanri'il 18:8 - Kaqchiquel Bible

⁸ Xeri' ri Jehová xubij chuqa' chire ri Aarón: Yin kan nuya'on pan aq'a' ronojel ruwech sipanik ri nikijech chuwe ri awinaq israelita. Y re' kan nuya'on chawe rat y chike ri ak'ajol richin chi rik'in re' niq'axabej-iwi'. Y re' kan kere' xtuben-apo richin jantape'.

Wuj Richin ri Q'axanri'il 18:8 ပူးပေါင်းရင်းမြစ်များ

2 Rey 12:16

Jak'a ri méro ri xkik'en-pe roma ri kimak y richin nikuyutej kimak, man xkik'uaj ta apo chiri' roma kan nok kan kichin ri e sacerdote.

2 Crón 31:4

Ri Ezequías chuqa' xubij chike ri winaqi' ri ek'o chiri' pa Jerusalem chi k'o chi nikiya' chike ri e sacerdote y ri e levita ri kan k'o chi niya'ox chike, richin keri' rije' yetikir nikijech-ki' jumul chupan ri rusamaj ri Jehová.

2 Crón 31:5

Y toq ri israelita xkak'axaj re', kan rik'in k'a ronojel kánima xkiya-apo ri nabey taq ruwech kitiko'n, ri jalajoj ruwech taq ixin, ri k'ak'a' ruya'al uva, ri aceite richin olivo, ri kab ri nikiya' taq chikopi' y ronojel k'a ri yetik pa juyu'. Chuqa' xkiya-apo ri jun chire ri lajuj chire ri kitiko'n; y pa ruk'iyal k'a ri xkiya'.

Ex 28:43

Ri Aarón y ri e ruk'ajol kan k'o k'a chi nikikusaj re jun rupan tzieq re' toq xke'ok chupan ri wachoch o toq ye'apon-apo rik'in ri porobel-pom richin yinkisamajij yin. Roma ri' kan tikikusaj-el ri tzieq ri' toq ye'apon pa wachoch, richin keri' man yemakun ta y man yeken ta. Y jare' ri pixa' re ninya' chire ri Aarón y chike ri e rijatzul richin jantape'.

Ex 29:21

Y ri juba' chik kik' ri k'o pa ruwi' ri porobel xtaxol rik'in ri aceite richin cha'onri'il, y xtachikaj k'a pa ruwi' ri Aarón y chirij ri rutziaq chuqa'. Keri' chuqa' xtaben chike ri e ruk'ajol y chire ri kitziaq rije'. Richin keri' ri Aarón, ri e ruk'ajol y chuqa' ri kitziaq xkench'er chire ri nusamaj.

Ex 29:28

Ri ruwa-ruk'u'x y ri racheq ri karne'l, ri richin pa rajxokon, richin ri kamelabel ri nikisuj ri winaqi' israelita, kan k'o k'a chi nich'ar kan. Kan xtok k'a kan jun pixa' ri richin jantape'. Kan kere' k'a xtiban toq k'o jun kamelabel richin nijunamatej-ruwech ri wineq wik'in yin Jehová. Sipanik ri niyak-q'anej chikaj chinuwech yin.

Ex 29:29

Ri tzieq ri nukusaj ri Aarón toq yirusamajij, xtok k'a kan kichin ri e rijatzul, ri xke'ok nimalej taq sacerdote. Toq rije' xkecha'ox y xke'ok kan pa samaj.

Ex 40:13

K'ari' xtawiq ri Aarón rik'in ri tzieq richin ri rusamaj y xtaqasaj aceite pa ruwi', richin nok nu-sacerdote y utz chik richin chi yirusamajij.

Ex 40:15

y kan xtaqasaj k'a aceite pa kiwi' achi'el xaben chire ri Aarón, rik'in keri' kan xke'ok k'a nu-sacerdote, richin chi yinkisamajij. Y re' kan xtuben k'a chi xe'ok yan kan pa samaj ri e kijatzul ri xkepe chi wiq chi tanaj, xcha' ri Jehová.

Wuj Richin ri Isaías 10:27

Y chupan k'a ri q'ij ri', rije' kan man xkixkineq ta chik, achi'el toq nelesex jun ejqa'n chiwij, achi'el nelesex ri che' ri ya'on chikiqul ri bóyix.

Wuj Richin ri Chojmirisabelri'il 21:10

Ri nimalej sacerdote, xaxe rija' ruk'amon nukusaj ri tzieq ri ch'aron richin ri nusamaj, roma xya'ox aceite richin cha'onri'il pa ruwi'. Man tuya' q'ij chi nich'ixch'o-qa ri rusumal-ruwi' y man turetz ri rutziaq chirij retal richin bis.

Wuj Richin ri Chojmirisabelri'il 23:20

Ri sacerdote xkesuju ri chikopi' richin jun sipanik silon chinuwech yin, junan kik'in ri kaxlan-wey richin ri nabey taq ruwech tiko'n y ri ka'i' achija' taq karne'l. Re' kan xtijach k'a chinuwech yin y nok richin ri sacerdote.

Wuj Richin ri Chojmirisabelri'il 6:16

Y ri k'ej ri nik'oje' kan chire ri sipanik ri man xporox ta, niban kaxlan-wey chire, xaxe k'a man niya' ta ch'amilej-q'or rik'in, y jari' ri nikitej ri Aarón y ri e ruk'ajol; y k'o chi nikitej ri chiri' chuwa-jay richin ri wachoch ri akuchi cha'on-wi.

Wuj Richin ri Chojmirisabelri'il 6:18

Konojel k'a ri achi'a' ri e rijatzul ri Aarón kan utz xtikitej, y xaxe rije' k'o kiq'a' chire. Y xabachike k'a ri xtichapo, kan k'o k'a ri nuk'en-pe chire. Y re' kan jun pixa' richin jantape' ri ninya' kan chiwe, xcha' ri Jehová.

Wuj Richin ri Chojmirisabelri'il 6:20

Toq k'o jun chike ri achi'a' ri e rijatzul ri Aarón nok nimalej sacerdote, xtuk'uaj k'a ka'i' libra rik'in nik'aj chayun k'ej; ri nik'aj chire ri k'ej xtusuj nimaq'a' y ri nik'aj chik xtusuj ri tiqaq'ij. Re' xtuben toq nusuj ri sipanik poron, kan achi'el ri ruchojmilal.

Wuj Richin ri Chojmirisabelri'il 6:26

Jak'a ri sacerdote ri nisamajin ri porobel, utz nuk'en ti'ij chire ri sipanik ri' richin nutej. Y re' xtutej ri akuchi cha'on-wi chire ri ruwa-jay richin ri wachoch.

Wuj Richin ri Chojmirisabelri'il 7:14

Y rija' xtuk'en k'a jujun kaxlan-wey chike ri oxi' ruwech ri maneq ch'amilej-q'or rik'in y chuqa' xtuk'en jun chire ri k'o ch'amilej-q'or rik'in, y jare' ri xtisuj chuwe yin y xtiq'ax kan chire ri sacerdote ri nichikan ri kik' chi kaji' ruwech ri porobel y pa taq ruxikin.

Wuj Richin ri Chojmirisabelri'il 7:28

Xch'on chik jun bey ri Jehová rik'in ri Moisés y xubij chi

Wuj Richin ri Chojmirisabelri'il 7:6

Re jun kamelabel re' kan janila rejqalen, y roma ri' xaxe ri sacerdote y ri achi'a' ri e kach'alal-ki' ri utz yetijo.

Wuj Richin ri Chojmirisabelri'il 8:30

Xeri' xuchop juba' aceite richin cha'onri'il y xuxol rik'in juba' kik' ri k'o pa ruwi' ri porobel, y xuchikaj chirij ri Aarón y chirij ri rutziaq, chikij ri e ruk'ajol y chikij ri kitziaq. Keri' k'a xban chire ri Aarón y ri rutziaq, ri e ruk'ajol y ri kitziaq, toq xech'ar richin xe'ok pa rusamaj ri Dios.

Wuj Richin ri Q'axanri'il 18:9

Rat y ri e ak'ajol kan xtik'en-wi k'a juba' chire ronojel ri kamelabel richin kuyubel-mak, ri sipanik richin ri xajanbel y ri sipanik richin jalajoj ruwech ixin. Y ri juba' ri xtik'en, ja ri juba' chire ri man yeporox ta. Ronojel k'a re sipanik re', kan e ch'aron chuwe yin y roma ri' kan awichin k'a rat y kichin chuqa' ri e ak'ajol.

Wuj Richin ri Q'axanri'il 5:9

Ronojel ri sipanik ri nikijech ri awinaq chire ri sacerdote, kan xtok richin rija'.

1 Corintios 9:13

Jak'a wi ta xqak'utuj, man ta itzel chuqa', roma keri' nikiben ri yesamej pa rachoch ri Dios chiri' pa Jerusalem. Ri yesamej chiri' nikitej k'a juba' chire ri yesuj pa ruwi' ri porobel.

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.

Deut 12:6

Chiri' k'a xtik'uaj-wi ri isipanik: Ri chikop ri niporox, ri sipanik richin ri jun chire ri lajuj, ri sipanik ri nalex-pe pan iwánima, ri sipanik toq nijikiba-tzij y ri nabey taq kal ri iwawej.

Deut 18:1

Ri e sacerdote levita y chijun ri tzobaj richin Leví man jun xtikichinaj achi'el ri ch'aqa' chik qawinaq. Roma ri kamelabel y ri sipanik ri niqasuj chuwech ri Jehová, jari' ri xtok kichin rije'.

Deut 26:13

Jari' k'a toq kere' xtibij chire ri Jehová ri qa-Dios: Kan xinch'er yan kan ri nutiko'n ri ninya' chawe rat; richin xtintaluj chikiwech ri e levita y ri man e nuwinaq ta, richin xtinya' chike ri meba'i' y ri malkani', achi'el ri abin chuwe. Y man nuq'ajon ta ruwi' re apixa' re', y man numestan ta ri rubanik.

Hebreos 1:9

Kan niqa' chawech ri ruchojmilal y ri etzelal kan nawetzelaj. Roma ri' kan xarucha' ri Dios, kan xarunojisaj rik'in kikoten, más ke chikiwech ri awachibil.

1 Juan 2:20

Jak'a rix kan xik'ul yan ri Loq'olej Espíritu roma ri Cristo. Y chuqa' iwetaman chik ri qitzij.

1 Juan 2:27

Jak'a rix kan ja ri Loq'olej Espíritu ri k'o pa taq iwánima, ri ya'on chiwe roma ri Jesucristo. Ja rija' ri nitijon iwichin y man nik'atzin ta na jun chik. Ri nuk'ut rija', kan qitzij y man q'oloj ta. Tinimaj k'a ri nubij chiwe, y jantape' jun tibana' rik'in ri Jesucristo.