Wuj Richin ri Q'axanri'il 18:24 - Kaqchiquel Bible

²⁴ Roma ri' yin kan xinbij-wi chike rije' chi pa ruk'exel ulew yin ninya' chike ronojel ri numol-ri' ri jun chire ri lajuj ri nikiya' chuwe yin ri awinaq achi'el jun sipanik, xcha' ri Dios chire ri Aarón.

Wuj Richin ri Q'axanri'il 18:24 ပူးပေါင်းရင်းမြစ်များ

Wuj Richin ri Nehemías 10:38

Y toq rije' nikik'ul ri jun chire ri lajuj, k'atzinel chi kachibilan jun sacerdote ri rijatzul kan ri Aarón. Y xtikik'uaj ronojel re' chiri' pa yakonabel richin ri beyomel chupan ri rachoch ri Dios.

Wuj Richin ri Nehemías 13:12

Y k'ari' konojel ri nuwinaq xkiya' chik ri jun chire ri lajuj chire ri jalajoj ruwech ixin, ri vino y ri aceite chupan ri yakonabel richin ri Dios.

Wuj Richin ri Chojmirisabelri'il 27:30

Ri jun chire ri lajuj chire ri itiko'n ri ibanon-qa y ri kiwech che' ri yetij kan yech'ar k'a richin ye'ok wichin yin.

Wuj Richin ri Q'axanri'il 18:25

Ri Jehová xch'on chik rik'in ri Moisés y xubij chire:

Wuj Richin ri Q'axanri'il 18:26

Kere' tabij chike ri levita: Toq rix xtik'ul kan ronojel ri nimolotej chire ri lajuj ri xtikiya' ri iwinaq, ri ninya' yin chiwe richin niwichinaj, rix kan niwelesaj jun chire ri lajuj chire ronojel ri xtik'ul y jari' ri nisuj chuwe yin Jehová.

Wuj Richin ri Q'axanri'il 26:62

Y ri kajlabal ri e rijatzul kan ri Leví ek'o k'a e 23,000, ri k'o jun kik' pa jotol. Rije' man junan ta xe'ajlex kik'in ri ch'aqa' chik tzobaj kichin ri e rijatzul kan ri Israel, roma ri' man xya'ox ta kulew.

Deut 10:9

Roma ri' ri e levita maneq ulew richin tiko'n xkichinaj chikikojol ri kach'alal, roma ri xkichinaj rije' ja ri xek'oje' kan pa rusamaj ri Jehová, achi'el rubin rija' chike.

Deut 26:12

Ronojel juna' k'o chi niya' jun chire ri lajuj, jak'a pa rox juna' ri jun chire ri lajuj, k'o chi niya' chike ri e levita, ri man e iwinaq ta, ri meba'i' y ri malkani' ri ek'o chi'ikojol, richin rije' yewa' y ye'uk'ya' pa taq itinamit y nikitej ronojel ri nikirayij.

Wuj Richin ri Josúe 13:14

Jak'a ri tzobaj richin ri Leví man jun xkichinaj kan, roma ri kichin rije', ja ri nel kan chire ri niporox chuwech ri Jehová ri ki-Dios; jari' ri kichinan kan rije', achi'el rubin ri Jehová chike.