Wuj Richin ri Q'axanri'il 18:23 - Kaqchiquel Bible

²³ Xa kan xaxe k'a ri levita xkesamej ri pa wachoch. Re jun ruchojmilal re' kan kere' k'a xtuben-apo richin jantape' pa kiwi' ri e kijatzul kan rije'; kan man xke'ichinan ta wi junan kik'in ri ch'aqa' chik kiwinaq.

Wuj Richin ri Q'axanri'il 18:23 ပူးပေါင်းရင်းမြစ်များ

Ex 27:21

Ja ri Aarón y ri e ruk'ajol ri xke'ilin-apo ri candil ri yetzije' chuwech ri Jehová, toq niqaqa ri q'ij k'a ri nimaq'a' richin ri jun chik q'ij. Re candelabro re' xtik'oje-pe re juk'an chire ri peraj tzieq ri tasayon rupan ri wachoch, ri k'o-pe chuwech ri káxa richin tununri'il. Y re' kan jun pixa' ri richin jantape' y kichin ri iwijatzul ri xkepe chi wiq chi tanaj.

Ez 44:10

Ek'o k'a levita ri xkich'er kan ki' wik'in toq ri iwinaq xkijech'ej kan ki' wik'in y xinkimalij kan richin xkiya' kiq'ij wachibel. Y roma ri' xtikejqalej ri kimak.

Wuj Richin ri Q'axanri'il 18:1

Y ri Jehová xch'on chik rik'in ri Aarón y xubij chire: Tataqa' kik'amik ri ch'aqa' chik levita y ja rije' ri xketo'on awichin, rokik rat y ri e ak'ajol yixsamej-apo chupan ri wachoch. Kan ja rat, ri e ak'ajol y ri ch'aqa' chik levita ri xkixejqalen ronojel ri man utz ta nibanatej chupan ri wachoch. Jak'a ronojel ri man utz ta ri xtikiben ri sacerdote, kan xaxe k'a rat y ri e ak'ajol ri xkixejqalen.

Wuj Richin ri Q'axanri'il 18:20

Y ri Jehová xubij chuqa' chire ri Aarón: Rix man xtiwichinaj ta k'a ulew, kan man xkixichinan ta k'a junan kik'in ri iwinaq. Roma chikikojol rije', rix kan ja yin ri xkiniwichinaj.

Wuj Richin ri Q'axanri'il 19:21

Re' kan xtok k'a jun ruchojmilal richin jantape' chiwe rix. Y ri nichikan ri ya' richin ch'ajch'ojirisanik k'o chi nuch'ej chuqa' ri rutziaq. Y xabachike ri xtichapo ri ya' ri' kan xtok man ch'ajch'oj ta k'a toq xtok na qa ri aq'a'.

Wuj Richin ri Q'axanri'il 26:62

Y ri kajlabal ri e rijatzul kan ri Leví ek'o k'a e 23,000, ri k'o jun kik' pa jotol. Rije' man junan ta xe'ajlex kik'in ri ch'aqa' chik tzobaj kichin ri e rijatzul kan ri Israel, roma ri' man xya'ox ta kulew.

Wuj Richin ri Q'axanri'il 3:7

Y rije' xke'ok samajela' rik'in ri Aarón y xtikiben chuqa' ronojel samaj ri k'o chupan ri wachoch pa kik'exel ri iwinaq.

Wuj Richin ri Q'axanri'il 35:29

Ja pixa' re' richin chojmirisabel iwichin rix y pa kiwi' ri iwalk'ual, xabakuchi ta k'o-wi ri iwachoch.

Deut 10:9

Roma ri' ri e levita maneq ulew richin tiko'n xkichinaj chikikojol ri kach'alal, roma ri xkichinaj rije' ja ri xek'oje' kan pa rusamaj ri Jehová, achi'el rubin rija' chike.

Wuj Richin ri Josúe 13:14

Jak'a ri tzobaj richin ri Leví man jun xkichinaj kan, roma ri kichin rije', ja ri nel kan chire ri niporox chuwech ri Jehová ri ki-Dios; jari' ri kichinan kan rije', achi'el rubin ri Jehová chike.