Wuj Richin ri Q'axanri'il 18:19 - Kaqchiquel Bible

¹⁹ Kan ronojel k'a ri sipanik ri nisilox chinuwech, ri nikiya' ri awinaq, re' kan awichin k'a rat y kichin chuqa' ri awalk'ual, ri kan k'a ek'o na awik'in y re' kan kere' k'a xtuben-apo richin jantape'. Re' kan xtok k'a jun jikibel-tzij chinuwech yin, awichin rat y kichin chuqa' ri awijatzul, y man jun k'a xtijalo richin, xcha'.

Wuj Richin ri Q'axanri'il 18:19 ပူးပေါင်းရင်းမြစ်များ

2 Rey 12:16

Jak'a ri méro ri xkik'en-pe roma ri kimak y richin nikuyutej kimak, man xkik'uaj ta apo chiri' roma kan nok kan kichin ri e sacerdote.

2 Crón 13:5

¿Man iwetaman ta k'a rix, chi ri Jehová ri qa-Dios qonojel ri oj rijatzul kan ri Israel, kan xujech richin q'asen ri q'atbel-tzij pa ruq'a' ri David y pa kiq'a' ri e rijatzul toq xuben ri jikibel-tzij rik'in?

2 Crón 31:4

Ri Ezequías chuqa' xubij chike ri winaqi' ri ek'o chiri' pa Jerusalem chi k'o chi nikiya' chike ri e sacerdote y ri e levita ri kan k'o chi niya'ox chike, richin keri' rije' yetikir nikijech-ki' jumul chupan ri rusamaj ri Jehová.

Ex 29:27

Y rat kan xtach'er k'a kan ri ruwa-ruk'u'x y ri racheq ri karne'l, ri richin pa rajxokon, ri xsilox y xyak chikaj chinuwech yin, chupan re q'ij re' toq ri Aarón y ri e ruk'ajol xek'oje' kan chupan ri samaj.

Ez 43:24

K'ari' xtasuj chinuwech y ri sacerdote xtikiya' atz'an chikij ri kich'akul y xkekiporoj jumul chinuwech yin richin nikiya' nuq'ij.

Wuj Richin ri Chojmirisabelri'il 2:13

Y ri jalajoj ruwech ixin ri nasuj, naya' atz'an rik'in, y man jun bey xtasuj wi maneq atz'an rik'in, roma ri atz'an jun retal richin jun jikibel-tzij chiqakojol; y ronojel k'a re sipanik re' kan k'o atz'an rik'in.

Wuj Richin ri Chojmirisabelri'il 21:22

Jak'a rije' utz nikitej ronojel sipanik ri e poron: ri sipanik ri nalex-pe pan iwánima ri nisuj chuwe yin, y ri kamelabel richin mak ri kan xaxe chuwe yin ch'aron-wi.

Wuj Richin ri Chojmirisabelri'il 7:14

Y rija' xtuk'en k'a jujun kaxlan-wey chike ri oxi' ruwech ri maneq ch'amilej-q'or rik'in y chuqa' xtuk'en jun chire ri k'o ch'amilej-q'or rik'in, y jare' ri xtisuj chuwe yin y xtiq'ax kan chire ri sacerdote ri nichikan ri kik' chi kaji' ruwech ri porobel y pa taq ruxikin.

Wuj Richin ri Q'axanri'il 18:11

Chuqa' ri sipanik ri xtok awichin rat, ja ri ch'aqa' chik sipanik ri nikiya' ri awinaq: Ri sipanik ri niyak chikaj y ri nisilox chinuwech. Re' kan awichin-wi rat y kichin ri awalk'ual ri k'a ek'o na awik'in. Konojel k'a ri ek'o pan awachoch ri kan e ch'ajch'oj, utz chuqa' nikitej. Re' kan kere' k'a xtuben-apo richin jantape'.

Wuj Richin ri Q'axanri'il 18:8

Xeri' ri Jehová xubij chuqa' chire ri Aarón: Yin kan nuya'on pan aq'a' ronojel ruwech sipanik ri nikijech chuwe ri awinaq israelita. Y re' kan nuya'on chawe rat y chike ri ak'ajol richin chi rik'in re' niq'axabej-iwi'. Y re' kan kere' xtuben-apo richin jantape'.

Wuj Richin ri Q'axanri'il 31:29

Re juba' re' xtaya' chire ri sacerdote Eleazar, kan achi'el xa ta chuwe yin naya-wi.

Wuj Richin ri Q'axanri'il 31:41

K'ari' ri Moisés xujech re sipanik re' chire ri Jehová, y kan xjach pa ruq'a' ri Eleazar, achi'el rubin kan ri Jehová chire.

Deut 12:26

Jak'a ronojel sipanik ri ich'aron chire ri Jehová, re' kan xtik'uaj k'a el ri akuchi rucha'on-wi rija'.

Deut 12:6

Chiri' k'a xtik'uaj-wi ri isipanik: Ri chikop ri niporox, ri sipanik richin ri jun chire ri lajuj, ri sipanik ri nalex-pe pan iwánima, ri sipanik toq nijikiba-tzij y ri nabey taq kal ri iwawej.