Wuj Richin ri Q'axanri'il 18:10 - Kaqchiquel Bible

¹⁰ Ronojel k'a re' kan chuwa-jay chire ri wachoch ri xtitej-wi. Konojel ri achi'a' ri yesamej pa wachoch kan xtikitej chuqa' re sipanik re'; kan keri' k'a tibana' chire ri ch'aron chuwe yin.

Wuj Richin ri Q'axanri'il 18:10 ပူးပေါင်းရင်းမြစ်များ

Wuj Richin ri Chojmirisabelri'il 7:6

Re jun kamelabel re' kan janila rejqalen, y roma ri' xaxe ri sacerdote y ri achi'a' ri e kach'alal-ki' ri utz yetijo.

Wuj Richin ri Chojmirisabelri'il 6:29

Re jun kamelabel re' kan janila rejqalen, y kan xaxe ri sacerdote y ri achi'a' ri e kach'alal-ki' ri utz yetijo.

Wuj Richin ri Chojmirisabelri'il 6:16

Y ri k'ej ri nik'oje' kan chire ri sipanik ri man xporox ta, niban kaxlan-wey chire, xaxe k'a man niya' ta ch'amilej-q'or rik'in, y jari' ri nikitej ri Aarón y ri e ruk'ajol; y k'o chi nikitej ri chiri' chuwa-jay richin ri wachoch ri akuchi cha'on-wi.

Wuj Richin ri Chojmirisabelri'il 21:22

Jak'a rije' utz nikitej ronojel sipanik ri e poron: ri sipanik ri nalex-pe pan iwánima ri nisuj chuwe yin, y ri kamelabel richin mak ri kan xaxe chuwe yin ch'aron-wi.

Wuj Richin ri Chojmirisabelri'il 14:13

K'ari' niqupix ri ruqul ri chikop ri' ri akuchi kan ch'aron richin niqupix ri kiqul ri chikopi' richin kamelabel richin kuyubel-mak y ri chikop richin niporox chijun. Ja ri sacerdote ri k'o chi nikamisan ri chikop ri' richin kamelabel richin ch'a'oj ri chiri'; y ri ruch'akul ri chikop ri' kan ch'aron richin nok richin rija', achi'el ri ruch'akul ri chikop richin nikuyutej mak.

Wuj Richin ri Chojmirisabelri'il 10:17

¿Achike roma xa xiporoj ronojel ri ruch'akul ri chikop richin ri kamelabel ri richin kuyubel-mak y man xitej ta ri akuchi ri kan cha'on-wi? Re kamelabel re' kan richin ri Jehová, y rija' ruya'on chi kan nok iwichin rix, richin chi nitej y utz yixrutz'et.

Wuj Richin ri Chojmirisabelri'il 10:13

Re' kan titija' k'a ri akuchi cha'on-wi. Y re' nok iwichin, roma jare' ri ye'el kan chike ri sipanik ri yesuj chuwech ri Jehová, ri yeporox. Keri' ri rubin ri Jehová chuwe.

Wuj Richin ri Chojmirisabelri'il 6:26

Jak'a ri sacerdote ri nisamajin ri porobel, utz nuk'en ti'ij chire ri sipanik ri' richin nutej. Y re' xtutej ri akuchi cha'on-wi chire ri ruwa-jay richin ri wachoch.

Wuj Richin ri Chojmirisabelri'il 6:18

Konojel k'a ri achi'a' ri e rijatzul ri Aarón kan utz xtikitej, y xaxe rije' k'o kiq'a' chire. Y xabachike k'a ri xtichapo, kan k'o k'a ri nuk'en-pe chire. Y re' kan jun pixa' richin jantape' ri ninya' kan chiwe, xcha' ri Jehová.

Wuj Richin ri Q'axanri'il 18:9

Rat y ri e ak'ajol kan xtik'en-wi k'a juba' chire ronojel ri kamelabel richin kuyubel-mak, ri sipanik richin ri xajanbel y ri sipanik richin jalajoj ruwech ixin. Y ri juba' ri xtik'en, ja ri juba' chire ri man yeporox ta. Ronojel k'a re sipanik re', kan e ch'aron chuwe yin y roma ri' kan awichin k'a rat y kichin chuqa' ri e ak'ajol.

Wuj Richin ri Q'axanri'il 18:11

Chuqa' ri sipanik ri xtok awichin rat, ja ri ch'aqa' chik sipanik ri nikiya' ri awinaq: Ri sipanik ri niyak chikaj y ri nisilox chinuwech. Re' kan awichin-wi rat y kichin ri awalk'ual ri k'a ek'o na awik'in. Konojel k'a ri ek'o pan awachoch ri kan e ch'ajch'oj, utz chuqa' nikitej. Re' kan kere' k'a xtuben-apo richin jantape'.

Ez 42:13

K'ari' ri achin xubij chuwe chi ri jay ri ek'o pa xaman y ri ek'o pa xokon chire ri ruwa-jay ri k'o chuwech ri rachoch ri Dios, re' kan e ch'aron kichin ri sacerdote. Kan chiri' xtikitej-wi ri sipanik ri ch'aron chire ri Jehová, nel chi tzij ri sipanik ri jalajoj ruwech ixin, ri kamelabel richin kuyubel-mak y ri kamelabel richin ch'a'oj, roma re jay re' kan e ch'aron chire rija'.