Wuj Richin ri Q'axanri'il 16:47 - Kaqchiquel Bible

⁴⁷ Y keri' ri Aarón kan xuben k'a achi'el ri xubij ri Moisés chire. Xberuk'ama-pe ri ruporobal-pom y k'ari' junanin xok chikikojol ri winaqi'. Y ri kamik kan ruchapon chik k'a rubanik rusamaj chikikojol, jak'a ri Aarón xusuj ri pom y ri Dios xuk'en chik kiwech ri winaqi'.

Wuj Richin ri Q'axanri'il 16:47 ပူးပေါင်းရင်းမြစ်များ

Wuj Richin Bix Chire ri Dios 106:29

Kan xkiyek k'a royowal ri Dios rik'in ri itzel taq kibanobal. Y roma ri' kan xpe k'a ri kamik chikikojol.

Wuj Richin ri Q'axanri'il 16:46

K'ari' ri Moisés xubij chire ri Aarón: Tabek'ama-pe ri aporobal y taya-pe racheq-q'aq' chupan ri k'o pa ruwi' ri porobel, y chuqa' taya-pe pom pa ruwi'. K'ari' anineq katok chikikojol ri qawinaq richin chi ri Dios nuk'en chik kiwech, roma rija' yakatajineq royowal y ri kamik okineq chikikojol ri winaqi' y janila e k'iy yan keken, xcha-el chire ri Aarón.

Wuj Richin ri Q'axanri'il 16:48

Kan xaxe k'a xpa'e' ri Aarón chikikojol ri winaqi' ri e kaminaqi' chik y chikikojol ri k'a e k'es na, kan jari' toq ri kamik xpa'e'.

Wuj Richin ri Q'axanri'il 25:13

Chuqa' chire ri Finees y chike ri e rijatzul ninjech-wi kan ri samaj richin sacerdote. Y re' jun jikibel-tzij richin q'asen, roma rija' kan xirajo' y xuben chi xkuyutej-kimak ri awinaq, xcha'.

San Mateo 5:44

Jak'a yin ninbij chi kan ke'iwajo' k'a ri ye'etzelan iwichin; tiya' urtisanik pa kiwi' ri ye'etzelan iwichin; utz tibana' kik'in ri xa man utz ta kina'oj iwik'in rix y tik'utuj ri rutzil ri Dios pa kiwi' ri ye'oqotan y ri yeyoq'on iwichin.

Romanos 12:21

Man tiya' q'ij chi yixch'akatej roma ri itzel ri niban chiwe. Rix ja ri utz ri tibana', y jare' ri xtich'akon chirij ri itzel.