Wuj Richin ri Q'axanri'il 16:42 - Kaqchiquel Bible

⁴² Jak'a toq ri winaqi' xkimol-ki' richin yeyakatej chikij ri Moisés y ri Aarón, kan jari' xebe-apo chuchi' ri rachoch ri Jehová. Y kan jari' toq ri achi'el sutz' xumatzej rij ri jay ri' y xorepero' k'a ri rusaqil ri ruk'ojlemal ri Jehová.

Wuj Richin ri Q'axanri'il 16:42 ပူးပေါင်းရင်းမြစ်များ

Ex 16:10

Y ri Aarón kan xubij k'a chike ri kiwinaq chi kepe konojel, y ketzu'un k'a apo akuchi k'o-wi ri tz'iran ruwach'ulew y jari' toq ri ruk'ojlen ri Jehová xbek'ulun-pe chupan ri sutz' ri'.

Ex 16:7

Y toq xtiseqer chua'q, rix xtitz'et ri ruk'ojlen ri Jehová, roma rija' kan xixrak'axaj-pe toq xixxebexot chirij. Roj xa choj oj rusamajel rija' y chiqij roj xixxebexot-wi-pe.

Ex 24:16

Y ri ruk'ojlen ri Jehová xok'oje' k'a qa pa ruwi' ri juyu' Sinaí. Y ri sutz' ri k'o chiri', waqi' k'a q'ij xutz'apej rij ri juyu'. Y chupan ri ruwuq q'ij, ri Jehová xroyoj k'a ri Moisés ri k'o chiri' pa runik'ajal ri sutz'.

Wuj Richin ri Chojmirisabelri'il 9:23

K'ari' ri Moisés y ri Aarón xe'ok-apo chupan ri rachoch ri Dios richin molojri'il y toq rije' xe'el-pe, xekurtisaj chik ri winaqi' y jari' toq ri ruk'ojlemal ri Jehová xuk'ut-ri' chikiwech konojel ri winaqi'.

Wuj Richin ri Q'axanri'il 14:10

Y kan jari' toq konojel ri winaqi' ri kimolon-ki' chiri', xkich'ob richin yekikamisaj chi abej, y kan jari' toq ri Jehová xuk'ut-ri' rik'in ruq'ij-ruk'ojlen pa ruwi' ri rachoch ri richin molojri'il chikiwech konojel rije'.

Wuj Richin ri Q'axanri'il 16:19

Y toq ri Coré e rumolon chik k'a ri e 250 rachibil y e pa'el chik chiri', jari' toq xorepero' ri rusaqil ri ruk'ojlemal ri Jehová chikiwech konojel rije'.

Wuj Richin ri Q'axanri'il 16:43

Y toq ri Moisés y ri Aarón xe'apon chuchi' ri rachoch ri Dios,

Wuj Richin ri Q'axanri'il 20:2

Y ri winaqi' xa maneq kiya' chiri' y roma ri' xkimol-ki' y xeyakatej chik jun bey chirij ri Moisés y chirij ri Aarón.

Wuj Richin ri Q'axanri'il 20:6

Y ri Moisés y ri Aarón xekiya' k'a kan ri kiwinaq y xebe k'a chuchi' ri rachoch ri Jehová, y kexukuk xeqaqa pan ulew. Jari' toq ri Jehová xuk'ut-ri' chikiwech, y kan xuq'alajirisaj k'a ri' chupan ri ruk'ojlemal.