Wuj Richin ri Q'axanri'il 16:33 - Kaqchiquel Bible

³³ Kan e k'es k'a xebe-qa chuxe' ri ulew, kachibilan ronojel ri k'o kik'in; y k'ari' ri ruwach'ulew xutz'apej chik ri' y keri' toq xe'el-el chikikojol ri kiwinaq.

Wuj Richin ri Q'axanri'il 16:33 ပူးပေါင်းရင်းမြစ်များ

Wuj Richin Bix Chire ri Dios 141:7

Ri kibaqil rije' kan xkek'aq k'a kan chuchi' ri jul richin muqbel, achi'el toq yeban boloj y k'a nik'oje' na kan k'olok'eq ulew chupan.

Wuj Richin Bix Chire ri Dios 143:7

Tabana' utzil Jehová, tak'uluba-pe ri nuch'abel chi'anin roma yin xa yiken yan qa. Man tawewaj-awi' chinuwech, man taben chuwe chi in achi'el chik jun kamineq.

Wuj Richin Bix Chire ri Dios 55:15

Re winaqi' kere' kan chaq k'ate' ta k'a xtiqaqa ri kamik pa kiwi'. Kan k'a e k'es ta k'a xke'apon chupan ri jul richin muqbel, roma rije' xa kan xaxe k'a ri etzelal ri k'o chikikojol.

Wuj Richin Bix Chire ri Dios 55:16

Jak'a yin kan rik'in k'a ri nu-Dios ri xkitzijon-wi. Y rija' kan xkirukol-wi.

Wuj Richin Bix Chire ri Dios 55:23

Nu-Dios yin, rat xtaben chi ri winaqi' ri nikiben itzel taq banobel xkeken chi'anin. Xtaben k'a chi ri winaqi' ri kan xaxe ri kamik nikajo' nikiben y e q'olonel, man xkek'ase' ta k'a k'iy juna'. Jak'a yin kan awik'in rat ninkuquba' nuk'u'x jantape'.

Wuj Richin Bix Chire ri Dios 69:15

Man taya' q'ij chi yiruqirirej-el ri ya', ni man ta yirubeq' ri nimalej siwan, man ta yimuqutej kan chupan ri nimalej jul.

Wuj Richin Bix Chire ri Dios 9:15

Ri winaqi' richin ch'aqa' chik ruwach'ulew xekibanala' jul, xekiyala' pikbel y xa ja rije' ri xeqaqa chupan.

Wuj Richin ri Isaías 14:15

Jak'a re wakami xa chupan ri jul richin muqbel xabe-wi-qa. Xa kan xabe k'a qa pa ruk'isibel chire ri nimalej jul.

Wuj Richin ri Isaías 14:9

Ri akuchi ek'o-wi ri kaminaqi', konojel rije' xkich'ob xesilon-el, richin xatokik'ulu' k'a el. Kan xeyakatej-pe konojel richin xatokiq'ejela-el. Ri tata'al ri xek'oje-pe ojer, e tz'uyul pa kitz'uyubal richin q'atoj-tzij; y toq xatapon-qa rat, rije' yepa'e' richin xatokik'ulu-el.

Wuj Richin ri Isaías 38:18

Jak'a ri ek'o chupan ri jul richin muqbel man yetikir ta nikiya' aq'ij, y ri kaminaqi' man yetikir ta nikoyobej ri awutzil ri man nik'is ta.

Ez 31:14

Y re' xtibanatej chi kan man jun chik ruwach'ulew xtinimer-q'anej achi'el re jun che' re', stape' kan chuchi' ya' k'o-wi. Konojel k'a ruwach'ulew k'o chi yek'is; achi'el yeken ri winaqi' y k'o chi yemuq chuxe' ulew y nibekimolo-ki' chiri' akuchi ek'o-wi ri ch'aqa' kaminaqi', keri' xtibanatej kik'in rije'.

Ez 32:18

Rat Ezequiel, katoq' junan kik'in ri ixoqi' richin ch'aqa' chik ruwach'ulew ri kan k'o kiq'ij. Katoq' pa kiwi' ri janila chi winaqi' ri e richin ri ruwach'ulew Egipto ri xkebe pa jul richin muqbel kik'in ri e kaminaqi' chik el.

Ez 32:30

Chiri' ek'o-wi konojel ri e aj-raqen ri xek'oje' pa xaman y konojel ri winaqi' aj-Sidón. Stape' re winaqi' re' xkiya' jun xibinri'il chike ri ch'aqa' chik winaqi', jak'a re wakami xa ek'o chik chikikojol ri xeken pa labal y kan xqasex k'a kiq'ij. Re winaqi' re' man xkiya' ta nuq'ij y re wakami xa e muqun chik.

Wuj Richin ri Q'axanri'il 16:32

y ri ruwach'ulew kan xch'aratej k'a y xerubeq' ri Coré y konojel ri aj pa rachoch y ronojel ri beyomel ri k'o kik'in.

Wuj Richin ri Q'axanri'il 16:34

Y toq xerubeq' k'a ri ruwach'ulew kan xesik'in k'a; y konojel k'a ri winaqi' ri ek'o-apo chikinaqaj, chuqa' xesik'in, xe'animej y nikibila' k'a: Re ruwach'ulew xa xqojrubeq' chuqa' roj, xecha'.

Wuj Richin ri Q'axanri'il 22:33

Ri bur xirutz'et y kan chi'anin xujel ri rubey chinuwech; y wi man ta xuch'er-ri' chinuwech, xatinkamisaj yan ta rat y la abur xink'asba' ta kan, xcha' ri ángel chire.

Wuj Richin ri Q'axanri'il 26:11

Jak'a ri e ruk'ajol ri Coré k'a xek'oje' na kan: Rije' man xeken ta.

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

Judas 1:11

Kan toq'ex k'a kiwech ri winaqi' ri', roma xa kan achi'el ri itzel k'aslen ri xuk'uaj ri Caín ojer kan, jari' chuqa' ri kik'uan rije'. Y chuqa' nikiben achi'el xuben ri Balaam ri xa ja ri ch'akoj méro ri xurayij. Chuqa' rije' kan nikipaba-ki' chuwech ri Dios, achi'el xuben ri Coré y roma ronojel ri mak ri', xkek'is konojel.