Wuj Richin ri Q'axanri'il 16:29 - Kaqchiquel Bible

²⁹ Wi xa ta re achi'a' re' yeken achi'el yeken konojel winaqi', niq'alajin chi man ja ta ri Jehová ri in taqayon-pe.

Wuj Richin ri Q'axanri'il 16:29 ပူးပေါင်းရင်းမြစ်များ

1 Rey 18:36

Toq xek'achoj chire ronojel re', jari' toq ri Elías ri q'alajirisey ruch'abel ri Dios xpa'e' chikiwech ri winaqi', xch'on, y xubij: Jehová Dios richin ri Abraham, ri Isaac y ri Jacob: Tak'utu' k'a awi' wakami chi kan ja rat ri at qa-Dios richin Israel, y chi yin in asamajel rat y chi yin xinben ronojel re', achi'el ri abin chuwe.

1 Rey 22:28

Y ri Micaías xubij chire: Wi rat xkatzolin-pe rik'in uxlanibel-k'u'x, man ja ta k'a ri Jehová ri xbin chuwe ri xinbij chawe ri', xcha'. Y ri Micaías chuqa' xubij chike ri winaqi': Rix kan xiwak'axaj k'a ri xinbij chire ri Acab, xcha'.

2 Crón 18:27

Y ri Micaías xubij chire ri Acab: Wi rat xkatzolin-pe rik'in uxlanibel-k'u'x, man ja ta k'a ri Jehová ri xbin chuwe ri xinbij chawe. Y chike ri winaqi' xubij chike: Rix kan xiwak'axaj k'a ri xinbij chire ri Acab, xcha'.

Wuj Richin ri Achin Job 35:15

Rat nabij chi ri Dios kan nipe-wi royowal, jak'a xa man nuya' ta rutojbalil ri mak, y man nuya' ta rejqalen ri kibanobal ri e aj-maki'.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Ex 32:34

Wakami k'a, kabiyin, tak'uaj-el ri tinamit k'a chupan ri ruwach'ulew ri nubin chik chawe. Y ri nu-ángel kan xtik'o k'a el chiwech. Man rik'in ri' toq xtapon k'a ri q'ij richin chi xtinya' ri rutojbalil chike, re winaqi' re' kan xtinya-wi ruk'ayewal pa kiwi' roma ri kimak, xcha' ri Jehová.

Wuj Richin ri Molojri'il 3:19

Y xa kan qitzij na wi chi ri wineq y ri chikop xa nibetane' ri kik'aslen: Ri wineq niken y chuqa' ri chikop niken. Chi e ka'i' nikijiq'aj kaq'iq'; ri wineq man kan ta janila rukojol rik'in ri chikop. Xa kan ronojel k'a q'axel.

Wuj Richin ri Isaías 10:3

¿Achike k'a xtiben rix chupan ri q'ij richin ri rutojbalil, toq xkepe nej ri ruk'ayewal? ¿Achoq ik'in xtito-iwi'? ¿Achoq ik'in xke'iya' kan ri ibeyomel?

Wuj Richin ri Jeremías 5:9

Roma ri' xtinya' rutojbalil-mak pan iwi'. Kan rik'in ronojel wánima xtinya' ruk'exel chiwe. Ja yin Jehová ri yibin.

Wuj Richin ri K'uxla'anik 4:22

Jak'a roj ri oj aj-Sión xtik'is ri ruk'ayewal pa qawi'. Ri Jehová kan xqojruk'en-pe jun bey chik chupan ri qaruwach'ulew. Jak'a pa kiwi' ri winaqi' edomita kan xtuya' k'a ri rutojbalil. Ri mak ri xekiben xa kan xtuq'alajirisaj k'a ronojel.

Apocalipsis 11:5

Y wi k'o jun wineq ri k'o jun etzelal ri nrajo' nuben chike, rije' nel q'aq' pa kichi' richin nikik'is ri etzelanel kichin.