Wuj Richin ri Q'axanri'il 16:22 - Kaqchiquel Bible

²² Jak'a ri Moisés y ri Aarón, kexukuk xeqaqa pan ulew chuwech ri Jehová richin yech'on rik'in y xkibij chire: Qa-Dios roj, rat ri at rajaw ri qak'aslen qonojel, ¿kan pa kiwi' kami konojel ri awinaq israelita nawelesaj-wi ri awoyowal, toq xa jun ok chike ri achi'a' ri xmakun chawech?, xecha'.

Wuj Richin ri Q'axanri'il 16:22 ပူးပေါင်းရင်းမြစ်များ

Wuj Richin ri Rutikeribel 18:32

Y ri Abraham xukamuluj chik apo rubixikil: Man ta xtinyek awoyowal yin, nata' Dios, xaxe chik re jun bey re' xkich'on-apo. Rik'in juba' xaxe ta e lajuj ri utz kibanobal ri ek'o, xcha' ri Abraham. Y ri Jehová xubij: Ni, man xtink'is ta ronojel koma ri e lajuj winaqi' ri', xcha'.

2 Sam 24:1

Chirij ronojel re' ri Jehová xyakatej chik jun bey royowal chikij ri winaqi' israelita, y roma ri' xuya' q'ij chi ri David xtaqchi'ix richin chi xuben jun tz'iban bi'aj chiri' pan Israel y pa Judá.

2 Sam 24:17

Y toq ri David xutz'et ri ángel ri nikamisan kichin ri winaqi', xubij chire ri Jehová: ¡Ja yin ri ximakun! ¡Ja yin ri in aj-mak! Ri nuwinaq xa kan e achi'el k'a taq karne'l ri maneq kimak. Yin nink'utuj utzil chawe chi pa kik'exel rije' taya' ri tijoj-poqonal pa nuwi' yin y pa kiwi' ri wijatzul, xcha'.

Wuj Richin ri Achin Job 12:10

Kan ja wi ri ruchuq'a' ri Dios ri xya'on kik'aslen konojel ri ek'o chuwech re ruwach'ulew. Kan ja rija' ri xya'on ri uxla' richin k'aslen chike konojel ri winaqi'.

Wuj Richin Bix Chire ri Dios 99:6

Ri Moisés y ri Aarón kan jeri' ri xe'ok ru-sacerdote, Ri Samuel jari' ri nich'on pa kiwi' ri winaqi' rik'in rija'. Rije' kan xech'on k'a rik'in ri Jehová, y rija' kan xerak'axaj k'a pe.

Wuj Richin ri Molojri'il 12:7

Kan man k'a tamestaj ri k'iytisanel awichin rokik man jani nok chik ulew ri ach'akul y rokik chuqa' man jani nitzolin rik'in ri Dios ri awánima ri kan richin wi k'aslen ri ya'on-pe chawe roma rija'.

Wuj Richin ri Isaías 57:16

Man chaq xtinya' ta rejqal ri nutinamit, ni man chaq xtinben ta oyowal kik'in ronojel mul. Wi keri' xtinben, xa xtimayamo-qa ri kánima ri winaqi' ri e nuk'iytisan yin.

Wuj Richin ri Jeremías 32:27

Ja yin Jehová, Dios kichin konojel ri k'o kik'aslen ri ek'o chuwech re ruwach'ulew. Chinuwech yin kan man jun k'ayew.

Wuj Richin ri Jeremías 38:16

K'ari' ri rey Sedequías xuya' rutzij pan ewel chuwe y xubij: Ninjikiba' nutzij chuwech ri Jehová ri xya'on ri qak'aslen chi man xtinteq ta akamisaxik y man xkatinjech ta pa kiq'a' ri nikajo' yatkikamisaj, xcha'.

Ez 18:4

Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.

Wuj Richin ri Chojmirisabelri'il 10:6

Y ek'o k'a ka'i' chik ruk'ajol ri Aarón, ri kibini'an Itamar y Eleazar. Ri Moisés xeroyoj k'a rije' y ri Aarón, y xubij k'a chike: Ri qawinaq xkebison kichin ri e ka'i' ri xuben ri Jehová chi xk'is kik'aslen roma ri q'aq'. Jak'a rix man tiben keri': xa kan jantape' k'a tichojmirisaj ri rusumal-iwi', y chuqa' man niretz ta ri itziaq chiwij roma bis. Jak'a wi rix xtik'ut richin yixbison, kan xkixken k'a, y xtiyakatej royowal ri Dios chikij konojel ri qawinaq.

Wuj Richin ri Chojmirisabelri'il 4:3

Wi ta ri nimakun ja ri nimalej sacerdote, ri mak ri' niqaqa pa ruwi' ri tinamit. Y roma ri' k'o chi nusuj jun nima-alaj achij wákix ri kan tz'aqet richin kuyubel-mak.

Wuj Richin ri Zacarías 12:1

Ri Dios xuya' chik jun rutzijol chuwe, y jare' ri xubij: Yin Jehová ri xibanon ri kaj y ri ruwach'ulew. Ja yin ri yiya'on ruk'aslen ri wineq.

Wuj Richin ri Q'axanri'il 14:5

Y roma ri xkak'axaj ri Moisés y ri Aarón, rije' xkiqasaj-qa-ki' k'a pan ulew ri chiri' chikiwech ri kiwinaq.

Wuj Richin ri Q'axanri'il 16:23

Y xeri' ri Jehová xch'on chik rik'in ri Moisés y xubij chire:

Wuj Richin ri Q'axanri'il 16:4

Toq ri Moisés xrak'axaj ronojel ri xkibij ri winaqi' ri', rija' xxuke-qa y xuqasaj-qa-ri' k'a pan ulew.

Wuj Richin ri Q'axanri'il 16:45

Kixel-el chikikojol re winaqi' re kimolon-ki' wawe', roma yin kan ja re wakami yan xkenk'is jumul, xcha' ri Dios chire. Jak'a rije' kan kexukuk k'a xeqaqa pan ulew chuwech ri Jehová.

Wuj Richin ri Q'axanri'il 27:16

Rat Jehová Dios, ri at rajaw ronojel k'aslen kichin ri winaqi': Tacha' k'a jun achin richin naya' pa kiwi' re winaqi' re',

Romanos 5:18

Roma k'a jun mak, toq niqa' ruk'ayewal pa qawi' qonojel roj winaqi'. Jak'a roma jun chojmilej banobel, toq qonojel man jun qamak yojk'ulun chuwech ri Dios y niqil ri k'aslen ri man k'isel ta.

1 Corintios 13:7

Ri ajowabel nuben chi niqakoch' ronojel; nuben chi jantape' kuqul qak'u'x. Chuqa' nuben chi niqoyobej ronojel. Y nuben chi rik'in ch'uch'ujil niqaq'axaj ronojel.

Hebreos 12:9

Toq roj k'a oj kokoj na, ri qatata' xojkipixabaj, y man xeqetzelaj ta roma ri'. Xa kan xqaya' kiq'ij. ¿Y man más ta kami ruk'amon chi niqanimaj rutzij ri qatata' Dios, richin niqil ri k'aslen?

Wuj Richin ri Josúe 22:18

¿Kan ximestaj yan k'a ri xqak'uluwachij richin kan ich'aron-iwi' chuwech ri Jehová? Re wakami, wi rix yixyakatej chirij ri Jehová, ri chua'q-kabij rija' xtiyakatej royowal pa ruwi' ri qatinamit Israel.