Wuj Richin ri Q'axanri'il 15:30 - Kaqchiquel Bible

³⁰ Y wi k'o ta jun wineq ri kan rik'in rija' nalex-wi-pe chi nimakun, ri wineq ri' stape' ta jun chiwe rix o jun chike ri man e iwinaq ta, k'o chi nikamisex-el, roma xa xuben chuwe yin Jehová chi xa xuqasaj nuq'ij.

Wuj Richin ri Q'axanri'il 15:30 ပူးပေါင်းရင်းမြစ်များ

Wuj Richin ri Rutikeribel 17:14

Y ri achin ri man xtiya'ox ta re etal re' chire, re' kan xtelesex-el chupan ri rutinamit chi'ikojol rix, roma xuq'ej ruwi' ri nujikibel-tzij, xcha'.

Wuj Richin ri Achin Job 38:15

Ri rusaqil ri q'ij man nuya' ta q'ij chike ri maneq Dios chikiwech chi nikiben ri nikajo'.

Wuj Richin Bix Chire ri Dios 19:13

Tabana' utzil tachajij ri asamajel chuwech ri nimirisanen, man ta jun chire re' ri xtik'oje' ta chupan ri nuk'aslen; richin keri' xkinok tz'aqet y ch'ajch'oj chire ri mak.

Wuj Richin Bix Chire ri Dios 69:9

roma kan janila ninwajo' ri awachoch y kan nupaxij wánima ri niban chire, y ri itzel taq ch'abel ri yekibila' chawe richin k'ix, kan chuwij k'a yin niqaqa-wi.

Wuj Richin Bix Chire ri Dios 74:18

Toqaqa k'a chi'ak'u'x chi ri e etzelanel kan kiya'on ak'ix rat Jehová. Chuqa' ri e nakaneq taq winaqi' xa yatkiyoq' k'a rat.

Wuj Richin Bix Chire ri Dios 74:22

Kayakatej k'a nu-Dios, y tato-awi'. toqaqa chi'ak'u'x chi ri e nakaneq jantape' yatkiyoq'.

Wuj Richin Bix Chire ri Dios 79:12

Nimalej Jehová, taya' pa kiwi' ri winaqi' ri ek'o chiqanaqaj wuqu' mul rutojbalil. Taya' rutojbalil roma xatkiyojobej.

Wuj Richin Bix Chire ri Dios 89:51

Nimalej Jehová, ri e etzelanel awichin kan nikiqasaj nuq'ij yin ri in acha'on. Xabakuchi k'a in beneq-wi, kan yetze'en chuwij.

Ex 21:14

Wi k'o jun wineq nukamisaj jun rachpochel roma keri' xpe pa ránima roma kan janila royowal chirij y k'ari' niberewaj-ri' chirij ri nuporobal, kan tibewelesaj-pe ri chiri' y tikamisaj.

Ex 30:33

Roma ri' wi k'o jun ri nibanon aceite achi'el re wichin yin, o k'o ta jun ri niq'ejo pa ruwi' jun xabachike wineq, ri xtibanon keri' kan jumul k'a telesex-el chi'ikojol.

Wuj Richin Etamabel-Tzij 14:31

Ri kan nutz'ila' ri xa man jun k'o rik'in, kan nuyoq' ri Dios ri banayon richin; jak'a ri kan utz runa'oj nuben kik'in ri k'o nik'atzin chike, kan nuya' ruq'ij-ruk'ojlen ri Dios.

Ez 20:27

Rat Ezequiel tabij chike ri awinaq chi yin kere' ninbij: Ri kite-kitata' chuqa' xkiyoq' ri nubi', roma man xkiben ta achi'el ri nubin chike.

Wuj Richin ri Chojmirisabelri'il 20:10

Wi k'o ta jun achin ri nik'oje-qa rik'in ri rixjayil ri rachpochel, ri achin y ri ixoq kan xemakun, y chi e ka'i' k'a xkekamisex.

Wuj Richin ri Chojmirisabelri'il 20:6

Wi k'o ta jun wineq ri xtibe rik'in ri yeruk'ulubej ri kaminaqi' y kik'in ri nikibananej chi ketaman ri peteneq chiqawech-apo y kan yerutzeqelibej, yin kan xkiyakatej chirij ri wineq ri' y kan xtinwelesaj ri ruk'aslen.

Wuj Richin ri Q'axanri'il 15:29

Y re jun chojmilal re' iwichin rix y kichin ri man iwinaq ta roma man ich'obon ta richin yixmakun y xixtzaq pa mak.

Wuj Richin ri Q'axanri'il 9:13

Jak'a ri wineq ri ch'ajch'oj, wi man beneq ta nej chire ri rutinamit y man nunimaq'ijuj ta ri q'ij ri', rija' k'o chi nelesex-el chi'ikojol, roma man xuya' ta apo ri sipanik chire ri Jehová chupan ri q'ij y kan nrejqalej k'a ri rumak.

San Mateo 12:32

Y xabachike k'a wineq ri nibin ch'abel chuwij yin, ri xiqaqa-pe achi'el wineq chi'ikojol, kan k'a nikuyutej na rumak. Jak'a ri nibin ch'abel chirij ri Loq'olej Espíritu, kan man xtikuyutej ta rumak re wakami, ni ri chiqawech apo.

Deut 1:43

Y yin kan xinbij chiwe, jak'a rix man xiwak'axaj ta, rix xa xipaba-iwi' chire ri ruchojmilal ri rubin ri Jehová, rik'in ri inimirisanen, kan xixjote-el chuwi' taq juyu'.

Deut 32:27

Jak'a yin xintz'et yan chi ri e etzelanel iwichin xa xketze'en, roma ri' man xinya' ta q'ij richin nikiqasaj nuq'ij y nikibij ta chuwij: Re' man ja ta ri Jehová ri xya'on ruk'ayewal pa kiwi', xa kan ja roj ri xojbanon, xkecha', keri' xintz'et yan yin, xcha' ri Jehová

Hebreos 10:26

Roma ri ketaman chik ri achike rubanik ri qitzij, y man rik'in ri' k'a nikiben chi yemakun stape' ketaman chi man utz ta, wi keri' kan man jun chik k'a xtiken richin yerukol-pe chupan ri kimak.

Hebreos 10:29

Y wi keri', ¿man nich'ob ta kami rix chi xa más ruk'ayewal niqaqa pa ruwi' ri wineq ri nuxolq'otij ri rubi' ri Ruk'ajol ri Dios, y nuben chi man jun rejqalen ri rukik'el ri xya'on rejqalen ri jikibel-tzij?, roma ja kik' ri' ri xch'ajch'ojirisan ri ruk'aslen. Chuqa' ri wineq ri nixolq'otin richin, kan nretzelaj chuqa' ri Loq'olej Espíritu ri niya'on utzil pa qawi'.

2 Pedro 2:10

Y más niqa' ruk'ayewal pa kiwi' ri winaqi' ri yebanon ri itzel taq rayinik, y ri yeketzelaj ri q'atoy-tzij. Rije' man yek'ix ta, y janila kinimirisan-ki'. Roma ri' ni man nikixibij ta ki' richin nikibij tzij chikij ri itzel taq espíritu.

1 Juan 5:16

Wi xitz'et chi k'o jun qach'alal nimakun, y rija' man ruk'amon ta chi niken, tik'utuj k'a chire ri Dios chi nukol chuwech ri kamik. Jak'a wi nuben jun mak ri kan ruk'amon chi niken, rix man tik'utuj chire ri Dios chi man nrelesaj ta ri ruk'aslen.

1 Sam 2:25

Titz'eta' na pe, wi jun wineq nimakun chuwech jun chik wineq, ek'o k'a yeq'aton-tzij pa ruwi', jak'a ri jun wineq nimakun chuwech ri Jehová ¿Achike k'a xtito'on richin?, xubij ri Elí. Jak'a rije' man xeniman ta chire ri kitata', roma ri Jehová Dios ruch'obon chik richin nrelesaj-el kik'aslen.

1 Sam 3:14

Roma ri' kan ninya' nutzij kik'in ri aj pa rachoch ri Elí chi ri itzel taq kibanobal kan man xtitojtej ta, ni rik'in kamelabel, ni rik'in sipanik, xcha' ri Dios.