Wuj Richin ri Q'axanri'il 15:15 - Kaqchiquel Bible

¹⁵ Y xaxe jun ruchojmilal ri xtuk'uan iwichin rix y ri winaqi' ri man e iwinaq ta. Re jun ruchojmilal re' richin q'asen y xtik'atzin chike konojel ri winaqi' ri chi wiq chi tanaj e peteneq; roma chinuwech yin xa ix junan rix y ri winaqi' ri man e iwinaq ta.

Wuj Richin ri Q'axanri'il 15:15 ပူးပေါင်းရင်းမြစ်များ

Wuj Richin ri Q'axanri'il 15:29

Y re jun chojmilal re' iwichin rix y kichin ri man iwinaq ta roma man ich'obon ta richin yixmakun y xixtzaq pa mak.

Wuj Richin ri Q'axanri'il 9:14

Y wi k'o jun wineq chi'ikojol ri xa man iwinaq ta y rija' nrajo' nunimaq'ijuj ri q'ij ri', utz ninimaq'ijun, xaxe k'o chi nuben ri ruchojmilal ri niben rix, xcha' ri Jehová.

Ex 12:49

Re ruchojmilal re' kan xtik'atzin chiwe rix y chike chuqa' ri man e iwinaq ta, ri nikajo' yek'ase' chi'ikojol, xcha' ri Jehová chire ri Moisés y chire ri Aarón.

Gálatas 3:28

Junan k'a rubanik richin xa jun xqaben rik'in ri Cristo, stape' judío, o man judío ta, stape' ximil pa samaj, o totajineq, stape' achin o ixoq.

1 Sam 30:25

Y kan keri' xbanatej, chi kan ja q'ij ri' ri David xuben chire chi kan xok jun pixa', y jun chojmirisabel ri chiri' pan Israel.

Wuj Richin ri Q'axanri'il 10:8

Ja ri e ruk'ajol ri Aarón, ri e sacerdote ri xkexupun ri trompeta. Re' kan xtok k'a jun pixa' richin jantape' chiwe rix y chike ri iwijatzul ri yepe chi wiq chi tanaj.

Wuj Richin ri Chojmirisabelri'il 24:22

Re pixa' re' nuya'on chiwe rix israelita y ri man iwinaq ta ri ek'o chi'ikojol, roma ja yin Jehová ri i-Dios ri yibin. Keri' tabij chike ri awinaq, xcha'.

Ex 12:43

Y ri Jehová xubij k'a chike ri Moisés y ri Aarón: Jare' ri chojmilal richin ri nimaq'ij ri'. Man jun wineq ri xa man iwinaq ta ri utz nutej ri ti'ij richin ri chikop ri nisuj chuwe.

Ex 12:24

Kan titaqej k'a re jun ruchojmilal re', rix y ri iwijatzul. Kan xtok k'a jun pixa' iwichin rix.

Ex 12:14

Y re q'ij re' kan k'o chi xtinimaq'ijuj rix, chuqa' keri' xtikiben ri iwijatzul ri xkepe chi wiq chi tanaj. Kan keri' k'a ri k'o chi niben richin jantape'.

Colosenses 3:11

Y roma k'o ri k'ak'a' qak'aslen, man jun nuben chiqe wi oj judío o man oj judío ta, wi k'o qetal o maneq, wi k'o juba' qaq'ij o maneq, wi oj ximon pa samaj o oj totajineq chik. Roma xaxe ri Cristo ri k'o rejqalen y k'o pa ruwi' ronojel.

Wuj Richin ri Q'axanri'il 18:8

Xeri' ri Jehová xubij chuqa' chire ri Aarón: Yin kan nuya'on pan aq'a' ronojel ruwech sipanik ri nikijech chuwe ri awinaq israelita. Y re' kan nuya'on chawe rat y chike ri ak'ajol richin chi rik'in re' niq'axabej-iwi'. Y re' kan kere' xtuben-apo richin jantape'.

Wuj Richin ri Q'axanri'il 15:14

Chuqa' ri winaqi' ri xa man e iwinaq ta y kan niqa' chikiwech richin yek'oje' chi'ikojolil, toq nikajo' nikiya' jun sipanik, k'o chi nikiben achi'el ri niben rix.

Ex 28:43

Ri Aarón y ri e ruk'ajol kan k'o k'a chi nikikusaj re jun rupan tzieq re' toq xke'ok chupan ri wachoch o toq ye'apon-apo rik'in ri porobel-pom richin yinkisamajij yin. Roma ri' kan tikikusaj-el ri tzieq ri' toq ye'apon pa wachoch, richin keri' man yemakun ta y man yeken ta. Y jare' ri pixa' re ninya' chire ri Aarón y chike ri e rijatzul richin jantape'.

Wuj Richin ri Josúe 8:33

Y chiri' chuwech ri porobel y ri káxa richin ri rujikibel-tzij ri Dios, ri e sacerdote rijatzul ri Leví ri e uk'uayon ri káxa kibanon ka'i' tzobaj, ri nik'aj ek'o ri juk'an y ri nik'aj chik ek'o re juk'an chire ri káxa. Konojel ri e rijatzul kan ri Israel, ri aj-raqen pa kiwi' ri winaqi', ri aj-raqen pa kiwi' ri aj-labal, ri to'onela', y chuqa' ek'o-apo ri man e kiwinaq ta: Konojel rije' e pa'el-apo chikiwech ri e ka'i' tzobaj. Nik'aj chike rije' ek'o chuwech ri juyu' Ebal y ri nik'aj chik ek'o chuwech ri juyu' Gerizim, y ri e ka'i' tzobaj kan e kitzuliben k'a ri e sacerdote, achi'el rubin kan ri Moisés ri rusamajel ri Dios toq xch'on chirij ri urtisanik pa ruwi' ri Israel.

Ester 9:27

ri winaqi' judío xkijikiba' ri nimaq'ij ri'. Y xkiya' kitzij chi keri' xtikiben chi wiq chi tanaj, y kan keri' chuqa' ri winaqi' ri ek'o chikikojol ri xe'ok kiwinaq rije'. Y ri nimaq'ij ri' kan ja ri q'ij kajlajuj y wolajuj chire ri ik' Adar ri nikinimaq'ijuj.