Wuj Richin ri Q'axanri'il 14:42 - Kaqchiquel Bible

⁴² Man kixbe-el ri pa ruwach'ulew ri', roma wi yixbe ri Jehová man nibe ta iwik'in, xa choj yixbech'akatej-pe, koma ri winaqi' ri aj chiri' ri e etzelanel iwichin.

Wuj Richin ri Q'axanri'il 14:42 ပူးပေါင်းရင်းမြစ်များ

Deut 1:42

Jak'a ri Jehová xa xubij chuwe yin chi tinbij chiwe chi man kixjote-el richin nibebana' oyowal, roma rija' man k'o ta chik iwik'in, y rix xa xkixch'akatej k'a pe koma ri e etzelanel iwichin.

Wuj Richin ri Josúe 7:12

Roma ri' rix man chik xkixtikir ta xkixch'akon chikij ri e etzelanel iwichin. Xa xkixanimej k'a pe chikiwech rije', roma rix chuqa' ruk'amon richin yixk'is jumul. Yin man xkik'oje' ta chik iwik'in, wi man xtik'is ta el chi'ikojol ri ruk'amon richin nik'is jumul.

Wuj Richin ri Josúe 7:8

¡Ajaw! ¿Achike chik k'a xtinbij, roma ri achi'a' richin ri e rijatzul kan ri Israel xa xe'animej chikiwech ri etzelanel qichin?

Wuj Richin ri Q'axanri'il 14:43

Roma ri amalecita y chuqa' ri cananeo xa kan xtikipaba-ki' chiwech, richin xtikiben oyowal iwik'in y xkixkikamisaj chi espada. Ri Jehová kan man xtibe ta iwik'in, roma rix xa man xiwajo' ta chik xitzeqelibej rija', xcha'.

Deut 31:17

Y chupan ri q'ij ri' ri nuq'aq'alen kan xtiqaqa k'a pa kiwi'. Kan xkenmalij k'a kan y man xkento' ta chik. Y kan xtipe k'a k'iy ruk'ayewal y tijoj-poqonal pa kiwi' k'a toq xkenk'is. K'ari' rije' xtikik'utuj ri achike roma maneq chik ri Jehová kik'in y achike roma qajineq re ruk'ayewal re' pa kiwi'.

Wuj Kichin ri To'onela' 16:20

Y xubij chire: ¡Sansón, ri aj-Filistea xepe richin yatkichop!, xcha'. Y toq xuna' ruwech, xubij-qa: Wakami xa xkinanimej chik el jun bey achi'el nubanon-pe ronojel mul, xcha-qa. Y kan man retaman ta chi xa malin chik kan roma ri Jehová.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

Wuj Richin Bix Chire ri Dios 89:43

Pa ruwi' ri' kan man xato' ta chik toq nibe pan oyowal. Xaben chire chi xch'akatej.