Wuj Richin ri Q'axanri'il 14:41 - Kaqchiquel Bible

⁴¹ Jak'a ri Moisés xa xubij chike: ¿Achike roma jun bey chik man ninimaj ta ri rupixa' ri Jehová? Roma wi xkixbe-el re wakami, ronojel man utz ta xtel chiwech.

Wuj Richin ri Q'axanri'il 14:41 ပူးပေါင်းရင်းမြစ်များ

2 Crón 24:20

K'ari' ri Espíritu richin ri Dios xpe rik'in ri Zacarías, ruk'ajol kan ri Joiadá. Y xapon kik'in ri winaqi' y xpa'e' chikiwech akuchi ri más pa jotol, y xubij: Kere' nubij ri Dios: ¿Achike roma rix man itaqen ta ri nupixa'? ¿Achike roma xa iyon rix xikanoj ruk'ayewal? Roma rix xa xinimalij kan, keri' chuqa' yin xkixinmalij kan, nicha' ri Jehová, xcha'.

Wuj Richin ri Jeremías 32:5

Chuqa' xabij chi rija' xkiruk'uaj-el pa Babilonia y ri chiri' ja ri Jehová xtiya'on ruk'ayewal pa nuwi'. Y chuqa' xabij chi stape' roj xtiqaben oyowal kik'in rije', kan man xqojch'akon ta, xacha' chuwe.

Wuj Richin ri Jeremías 2:37

Kan xkixel-pe chiri' pan Egipto rik'in k'ixbilal, roma yin man utz ta chik yentz'et ri achoq ik'in ikuquban-wi ik'u'x. Y man jun bey xkixbe pa jotol koma rije', xcha' ri Dios.

Wuj Richin ri Achin Job 4:9

Y ja winaqi' re' ri xkerukamisaj ri Dios rik'in ri kaq'iq' ri nel-pe pa ruchi'; y kan xkeruk'is k'a el jumul rik'in ri xkeruxupuj-el rik'in royowal.

Wuj Richin ri Q'axanri'il 14:25

Naqaj chik k'a ek'o-wi-apo ri winaqi' amalecita y ri winaqi' cananeo, ri chiri' pa taq taq'aj; jak'a rix, chua'q k'a xkixtzolej chik ri pa tz'iran ruwach'ulew y choj xkixbe pa ruchojmilal ri Kaqa-Palou, xcha'.

Deut 1:42

Jak'a ri Jehová xa xubij chuwe yin chi tinbij chiwe chi man kixjote-el richin nibebana' oyowal, roma rija' man k'o ta chik iwik'in, y rix xa xkixch'akatej k'a pe koma ri e etzelanel iwichin.

1 Sam 15:19

¿Achike k'a roma man xanimaj ta ri xubij ri Jehová chawe? Y xa xak'en chuwi-kiq'a' ri etzelanel qichin ri k'o rejqalen y xa chirij ri' xbe awánima. Re' kan itzel xaben chuwech ri Jehová, xcha' ri Samuel.