Wuj Richin ri Q'axanri'il 14:34 - Kaqchiquel Bible

³⁴ Ri nachanela' kawineq q'ij ri xbekibana' richin xbekinik'oj ri ruwach'ulew. Y rix xtiq'axaj tijoj-poqonal roma ri imak y k'ari' xtiwetamaj achike rupoqonal ri xtiqaqa pan iwi', roma yin in yakatajineq chiwij. Re' k'o chi niq'axaj kawineq juna', jun juna' roma jun q'ij.

Wuj Richin ri Q'axanri'il 14:34 ပူးပေါင်းရင်းမြစ်များ

1 Rey 8:56

¡Nimalej ruq'ij-ruk'ojlen ri Jehová roma ruya'on chik uxlanibel-k'u'x chiqe roj ri oj rutinamit, achi'el ri rusujun kan rija'! Kan man jun k'a ch'abel chire ronojel ri rusujun kan chire ri rutinamit ri man ta banatajineq; ronojel ri xubij chire ri Moisés ri rusamajel, kan xbanatej-wi.

2 Crón 36:21

Ronojel re' xbanatej richin xtz'aqet ri rubin ri Jehová chire ri Jeremías ri q'alajirisey ruch'abel. Keri' ri ruwach'ulew Judá xk'oje' kan rik'in uxlanenri'il, k'a toq xtz'aqet na oxk'al lajuj juna' richin xuxlan.

Wuj Richin Bix Chire ri Dios 105:42

Keri' xuben ri Jehová roma ri ya'on tzij ri rubanon; ri ruch'abel ri rubin kan chire ri Abraham, ri rusamajel.

Wuj Richin Bix Chire ri Dios 38:4

Y roma ri ralal kan yijiq' yan. Kan achi'el k'a jun ejqa'n rubanon chuwij, ri kan man yitikir ta nink'uaj.

Wuj Richin Bix Chire ri Dios 77:8

¿Kan xk'is kami ri rajowabal ri man k'isel ta? ¿Kan xk'is kami chiri' jumul ri rusujun chuwe?

Wuj Richin Bix Chire ri Dios 95:10

Kawineq k'a juna' xq'axon ri wánima kik'in ri winaqi' ri'. Roma ri' yin kan xinbij k'a chi rije' chi chaq kaka' kik'u'x. Y xa man kitaqen ta k'a ri nupixa'.

Ez 14:10

Y ri xk'uluben richin, keri' chuqa' xtinben rik'in.

Ez 23:35

Roma rat Jerusalem xa xinamestaj kan y xapiskolij-el-awi' chinuwech, roma ri' k'o chi xtatoj ri rutojbalil ri amak toq xachop jun itzel k'aslen, xcha' ri Jehová.

Ez 4:6

Y toq xtitz'aqet ri 390 q'ij, k'o chi yatzale' pan awijkiq'a' kawineq q'ij. Y re' nuk'exewachuj ri kawineq juna' ruk'ayewal ri xtikiq'axaj ri awinaq judío roma ri kimak.

Dn 9:24

Ri Dios nubij chi 490 juna' nrajo' richin chi yekolotej ri awinaq israelita y ri atinamit Jerusalem, y richin nik'is ri rutojbalil ri yakatajinenri'il y ronojel mak. Chupan ri q'ij ri' xtikik'ul ri kuyubel-mak, y xtik'oje' k'a ri ruchojmilal jantape' achi'el ri e q'alajirisan y ri xk'utumej chawech. K'ari' xtijaqatej ri k'ak'a' rachoch ri loq'olej Dios.

Os 9:12

Wi k'o ta kalk'ual xkenimer-q'anej, xa kan xkenwelesaj k'a el chikikojol. Kan toq'ex k'a kiwech rije' toq yin xkenmalij kan, nicha' ri Jehová.

Wuj Richin ri Chojmirisabelri'il 20:19

Man jun tik'oje' rik'in ri ruch'utite': Ri rach'alal ri rute' o rana' ri rutata', ri achin nuben chire chi maneq rejqalen. Ri xkebanon keri' kan xtikejqalej ri itzel kibanobal roma kan pa kachoch-qa rije' xk'uluwachitej keri'.

Wuj Richin ri Zacarías 11:10

Xinchop k'a el ri nuch'ame'y rubini'an Utzil y xinq'ej; re' jun retal chi xyojtej kan ri jikibel-tzij ri xinben kik'in.

Wuj Richin ri Q'axanri'il 13:25

Y toq q'axineq chik k'a kawineq q'ij, k'ari' xetzolej-pe.

Wuj Richin ri Q'axanri'il 18:23

Xa kan xaxe k'a ri levita xkesamej ri pa wachoch. Re jun ruchojmilal re' kan kere' k'a xtuben-apo richin jantape' pa kiwi' ri e kijatzul kan rije'; kan man xke'ichinan ta wi junan kik'in ri ch'aqa' chik kiwinaq.

Wuj Richin ri Q'axanri'il 32:13

Xyakatej k'a royowal ri Jehová chikij ri qate-qatata' y roma ri' xuben chike chi xek'oje' kawineq juna' pa tz'iran ruwach'ulew, k'a toq xek'is na ri jun sol winaqi' ri man xebiyin ta choj chuwech.

Hechos 13:18

Kawineq k'a juna' ri xkik'owisaj chupan ri tz'iran ruwach'ulew, ri Dios xukoch' ri kibanobal.

Deut 2:7

Ri Jehová ri qa-Dios kan ruya'on k'a urtisanik pa ruwi' ronojel ri qabanon-pe; y kan oj ruchajin k'a pe chupan re jun nimalej tz'iran ruwach'ulew re'. Kan chupan k'a chi kawineq juna' k'o-pe qik'in y man jun ri man ta xuya' chiqe.

Hebreos 4:1

Roma ri' tiqachajij-qi', man xa tiqaben achi'el xkiben ri winaqi' ri' y xa man yojok ta chupan ri uxlanen ri rubin ri Dios ri k'a nusuj na chiqe.

Wuj Richin ri Josúe 14:10

Xq'ax yan k'a kawineq wo'o' juna' toq ri Jehová xubij re' chire ri Moisés toq k'a yojbiyin na chupan ri tz'iran ruwach'ulew y k'a ruya'on na nuk'aslen k'a re wakami, y wakami jumuch' wo'o' chik nujuna'.

Apocalipsis 11:3

Y yin xkenteq k'a el ri e ka'i' nusamajela', richin nikiq'alajirisaj ri nuch'abel chupan ri 42 ik' ri'.*f2* Y rije' kikusan tzieq richin bis, xcha'.

1 Sam 2:30

Roma ri', yin Jehová ri i-Dios ninbij chi stape' yin xibin chi ri aj pan awachoch y ri aj pa rachoch ri atata' ye'ok nu-sacerdote richin q'asen, jak'a re wakami ninbij chi man jun bey chik xtinben kere'. Wakami k'a, ri xtuya' nuq'ij xtinya' ruq'ij, y ri xkinketzelaj, kan xtinben chike chi man jun kejqalen. Ja yin Jehová ri yibin.