Wuj Richin ri Q'axanri'il 14:33 - Kaqchiquel Bible

³³ Jak'a ri iwalk'ual kan xkek'ase' kan, y kawineq juna' k'a ri xkebiyin chupan ri tz'iran ruwach'ulew. Xkebe-kela' xkebe-kela' xtikiben achi'el nikiben ri yuq'unela'. Ja ri iwalk'ual ri xkeq'axan ri tijoj-poqonal, roma rix man xiben ta ri ibin chi niben; y keri' xtikiben k'a toq chi'iwonojel na rix xkixken kan ri pa tz'iran ruwach'ulew.

Wuj Richin ri Q'axanri'il 14:33 ပူးပေါင်းရင်းမြစ်များ

Wuj Richin Bix Chire ri Dios 107:4

Pa rutikeribel jujun chike rije' kan e sachineq k'a pa tz'iran ruwach'ulew. Kan man nikil ta k'a kibey y kiyon rije' xek'oje' chiri'. Kan man jun k'a tinamit nikil chiri' richin ta xek'ase' chupan.

Wuj Richin Bix Chire ri Dios 107:40

jari' toq ri Dios kan xkeretzelaj k'a ri winaqi' ri yebanon ri itzel chike, y kan xtuben k'a chike chi nisach kik'u'x.

Wuj Richin Bix Chire ri Dios 78:33

Roma ri' xuben chire ri kik'aslen chi xk'is achi'el nik'is-el ri kaq'iq', xuben chike chi ri juna' ri xek'ase-el, rik'in ruk'ayewal xkik'owisaj.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Ez 23:35

Roma rat Jerusalem xa xinamestaj kan y xapiskolij-el-awi' chinuwech, roma ri' k'o chi xtatoj ri rutojbalil ri amak toq xachop jun itzel k'aslen, xcha' ri Jehová.

Os 9:1

Rix aj-Israel man kixkikot, man kixtzopiyaj roma kikoten achi'el nikiben ch'aqa' chik tinamit. Rix xa kan ix makuwineq chuqa', xa kan xich'er kan iwi' chire ri qa-Dios. Xa kan xqa' k'a chiwech ri rutojbalil ri itzel taq ibanobal ri xiben ri akuchi nich'ay-wi ri trigo.

Wuj Richin ri Q'axanri'il 32:13

Xyakatej k'a royowal ri Jehová chikij ri qate-qatata' y roma ri' xuben chike chi xek'oje' kawineq juna' pa tz'iran ruwach'ulew, k'a toq xek'is na ri jun sol winaqi' ri man xebiyin ta choj chuwech.

Wuj Richin ri Q'axanri'il 33:38

Toq xtz'aqet yan kawineq juna' ri ke'el-pe ri israelita chupan ri ruwach'ulew Egipto, chupan ri nabey q'ij chire ri ro' ik' chire ri juna' ri', ri sacerdote Aarón xbe-el pa juyu' richin Hor, achi'el bin chire roma ri Jehová y chiri' xken-wi.

Wuj Richin ri Q'axanri'il 5:31

Wi keri', ri achijlonel kan xtitotej k'a chuwech ri atixanik y xa kan xaxe ri ixoq ri xtejqalen ri rumak.

Hechos 7:36

Jak'a rija' ri xkolo-pe kichin ri qati't-qamama' ri chiri' pan Egipto. Rija' k'o k'a ri meyel taq banobel y retal ri xerubanala' chikiwech ri winaqi'. Ek'o k'a ri xerubanala' ri chiri' pan Egipto, ri pa Kaqa-Palou, y ri pa tz'iran ruwach'ulew. Kawineq k'a juna' xkiben ri pa tz'iran ruwach'ulew ri'.

Deut 1:3

Y chupan k'a ri kawineq juna' richin ke'el-pe ri israelita pan Egipto, chupan ri nabey q'ij chire ri ik' julajuj, jari' toq ri Moisés xch'on kik'in ri ruwinaq y xukamuluj ronojel achi'el ri rubin ri Jehová richin nikiben.

Deut 2:14

Kan xaxe k'a toq xojel-pe pa Cadés-barnea, k'a ri q'ij toq xqaq'axaj ri ti ch'uti'n raqen-ya' Zéred, q'axineq-pe juwineq waqxaqlajuj juna'. Y roma ri' konojel ri achi'a' ri e qawinaq ri k'o chik kijuna' richin yebe pa labal toq xojel-pe pan Egipto xa xek'is yan kan, achi'el ri ya'on-tzij ri rubanon ri Jehová.

Deut 2:7

Ri Jehová ri qa-Dios kan ruya'on k'a urtisanik pa ruwi' ronojel ri qabanon-pe; y kan oj ruchajin k'a pe chupan re jun nimalej tz'iran ruwach'ulew re'. Kan chupan k'a chi kawineq juna' k'o-pe qik'in y man jun ri man ta xuya' chiqe.

Deut 29:5

Roma chupan ri kawineq juna', toq xixinyuqej chupan ri tz'iran ruwach'ulew, kan man xtziaqir ta ri itziaq ni ri ixajab.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

Deut 8:4

Chupan ri kawineq juna' man xtziaqir ta ri qatziaq chiqij, y man xesipoj ta ri qaqen roma ri binen.

Wuj Richin ri Josúe 14:10

Xq'ax yan k'a kawineq wo'o' juna' toq ri Jehová xubij re' chire ri Moisés toq k'a yojbiyin na chupan ri tz'iran ruwach'ulew y k'a ruya'on na nuk'aslen k'a re wakami, y wakami jumuch' wo'o' chik nujuna'.

Wuj Richin ri Josúe 5:6

Konojel k'a ri rijatzul kan ri Israel xebiyin pa tz'iran ruwach'ulew kawineq juna' y kan konojel ri aj-labal ri eleneq-pe pan Egipto xek'is k'a, roma man xkitaqej ta ri ruch'abel ri Jehová. Y roma ri' ri Jehová xuya' rutzij chike chi man nikitz'et ta ri ruwach'ulew ri ruya'on rutzij chire chi nuya' chike ri kite-kitata'; ri ruwach'ulew ri akuchi niwachin-wi ronojel ruwech tiko'n.