Wuj Richin ri Q'axanri'il 14:31 - Kaqchiquel Bible

³¹ Rix xibij chi ri iwalk'ual xke'uk'uex-el koma ri winaqi' ri e etzelanel iwichin. Jak'a yin man xtinya' ta q'ij chi keri' xtibanatej, roma ja yin xkiyuqen-el kichin, y xkenk'uaj chupan ri ruwach'ulew ri xiwixowaj rix.

Wuj Richin ri Q'axanri'il 14:31 ပူးပေါင်းရင်းမြစ်များ

Wuj Richin ri Rutikeribel 25:34

Keri' k'a xuben ri Jacob, xuya' k'a kaxlan-wey y ri keq kineq' chire ri rubanon, y ri Esaú jebel xwa', xuk'ya' y xyakatej-el y xbe. Keri' k'a xuben ri Esaú, kan man jun rejqalen xuya' chire chi ja rija' ri nimalaxel.

Wuj Richin ri Nehemías 9:24

Xe'ach'ek ri winaqi' ri ek'o pa Canaán, y kan xe'ajech ri ki-rey pa kiq'a' ri qati't-qamama', richin xkibanala' chike ri xkajo' rije'. Keri' ri qati't-qamama' xkichinaj k'a ri ruwach'ulew Canaán.

Wuj Richin Bix Chire ri Dios 106:24

Stape' keri', ri winaqi' xa kan xketzelaj k'a ri ruwach'ulew ri kan rayixel. Man xkikuquba' ta kik'u'x rik'in ri ruch'abel rija'.

Wuj Richin Etamabel-Tzij 1:25

rix xa nijech'ej kan ri pixabanik ri ninya' chiwe, y xa niwetzelaj ri ch'olinik ri ninben chuqa' chiwe.

Wuj Richin Etamabel-Tzij 1:30

Chuqa' roma ri man jun rejqalen xiben chire ri pixabanik ri xinya' chiwe, y kan xiniwetzelaj toq yin xixinch'olij.

Ez 20:18

Toq ek'o pa tz'iran ruwach'ulew xinbij k'a chike ri kalk'ual chi man kekitzeqelibej ri itzel taq kibanobal ri kite-kitata' jak'a ke'ok e ch'ajch'oj y man tikiya' kiq'ij ri wachibel.

Wuj Richin ri Q'axanri'il 14:3

¿Achike roma toq ri Jehová nrajo' yojrukusaj chupan ri jun ruwach'ulew ri'? Roma xaxe nibeqaliba-qi' chutza'n espada. Y ri qixjayilal y ri qalk'ual ri ek'o, xaxe richin yebeqajacha' kan pa kiq'a' ri e etzelanel qichin. Más utz nuben chiqe roj wi yojtzolej chik el pan Egipto.

Wuj Richin ri Q'axanri'il 26:64

Y chike konojel ri winaqi' ri e rijatzul kan ri Israel, ri xe'ajlex ojer kan roma ri Moisés y ri nimalej sacerdote Aarón, ri chiri' pa tz'iran ruwach'ulew Sinaí, man jun chik chike ri winaqi' ri' ri k'es ta chupan re jun ajlanik re'.

San Mateo 22:5

Jak'a ri xe'oyox, man xeniman ta pe rik'in ri xbebix chik jun bey chike y xebe k'a pa taq kisamaj; ch'aqa' xebe pa juyu' y ek'o xa xebe pa taq kik'ayij.

Hechos 13:41

Rix ri yixetzelan ri nuch'abel, kan xke'imey k'a; roma yin kan xtinbenbana' k'a jun nimalej banobel chupan re iq'ij rix. Stape' rix xtiya'ox rutzijol chiwe, kan man xtinimaj ta,*f29* nicha', xubij ri Pablo.

Deut 1:39

Stape' rix xich'ob chi ri e etzelanel iwichin xkekik'uaj-el ri taq iwalk'ual, re ak'uala' k'a re', ri k'a man jani k'o kina'oj, xa chike k'a rije' xtinya-wi ri ruwach'ulew, xke'ok-apo y kan xtikichinaj kan.

Wuj Richin ri Josúe 5:7

Wakami jak'a ri alk'ualaxela' ri xek'oje' kan pa kik'exel ri kite-kitata', ja rije' ri xequpix richin ri ketal, roma man jani tiya'ox ri etal ri' chike.