Wuj Richin ri Q'axanri'il 14:29 - Kaqchiquel Bible

²⁹ Kan chupan k'a ri tz'iran ruwach'ulew xkech'otot kan ri kich'akul konojel ri k'o juwineq kijuna' pa jotol, roma xa xech'ojin chuwe yin.

Wuj Richin ri Q'axanri'il 14:29 ပူးပေါင်းရင်းမြစ်များ

Hebreos 3:17

¿Achike ta k'a winaqi' ri kan kawineq juna' xpe royowal ri Dios chike? Konojel ri xemakun, ri xekamiyaj kan ri pa tz'iran ruwach'ulew.

Wuj Richin ri Q'axanri'il 26:64

Y chike konojel ri winaqi' ri e rijatzul kan ri Israel, ri xe'ajlex ojer kan roma ri Moisés y ri nimalej sacerdote Aarón, ri chiri' pa tz'iran ruwach'ulew Sinaí, man jun chik chike ri winaqi' ri' ri k'es ta chupan re jun ajlanik re'.

1 Corintios 10:5

Man rik'in ri' rije' xa man xkiben ta ri niqa' chuwech ri Dios, y roma ri' ri kich'akul xepunupuxin kan pa tz'iran ruwach'ulew.

Judas 1:5

Y wakami ninwajo' k'a ninnataj chiwe ri xuben ri Dios ojer kan. Rix iwetaman chi ri Dios xerelesaj-pe ri qati't-qamama' chupan ri ruwach'ulew Egipto. Jak'a toq xekolotej yan pe, k'ari' xeruk'is ri man xkikuquba' ta kik'u'x rik'in.

Deut 2:14

Kan xaxe k'a toq xojel-pe pa Cadés-barnea, k'a ri q'ij toq xqaq'axaj ri ti ch'uti'n raqen-ya' Zéred, q'axineq-pe juwineq waqxaqlajuj juna'. Y roma ri' konojel ri achi'a' ri e qawinaq ri k'o chik kijuna' richin yebe pa labal toq xojel-pe pan Egipto xa xek'is yan kan, achi'el ri ya'on-tzij ri rubanon ri Jehová.

Wuj Richin ri Josúe 5:6

Konojel k'a ri rijatzul kan ri Israel xebiyin pa tz'iran ruwach'ulew kawineq juna' y kan konojel ri aj-labal ri eleneq-pe pan Egipto xek'is k'a, roma man xkitaqej ta ri ruch'abel ri Jehová. Y roma ri' ri Jehová xuya' rutzij chike chi man nikitz'et ta ri ruwach'ulew ri ruya'on rutzij chire chi nuya' chike ri kite-kitata'; ri ruwach'ulew ri akuchi niwachin-wi ronojel ruwech tiko'n.

Wuj Richin Bix Chire ri Dios 78:33

Roma ri' xuben chire ri kik'aslen chi xk'is achi'el nik'is-el ri kaq'iq', xuben chike chi ri juna' ri xek'ase-el, rik'in ruk'ayewal xkik'owisaj.

Ez 20:38

Xkenwelesaj k'a el chi'ikojol ri man e nimey ta tzij y ri e yakatajineq chuwij. Jak'a rix xkixinwelesaj chupan ri jalajoj kiwech ruwach'ulew ri akuchi ixk'o-wi y man xkixok ta chi'iwonojel chupan ri ruwach'ulew Israel. Kere' xtinben richin xtiwetamaj chi ja yin Jehová.

Wuj Richin ri Q'axanri'il 26:65

Roma ri Jehová rubin chik chike chi rije' xkeken kan ri pa tz'iran ruwach'ulew y xaxe xkek'ase' kan ri Caleb ruk'ajol ri Jefuné y ri Josué ri ruk'ajol ri Nun.

Wuj Richin Bix Chire ri Dios 106:26

Roma ri' kan xujikiba' rutzij chi xkerukamisaj chiri' pa tz'iran ruwach'ulew.