Wuj Richin ri Q'axanri'il 14:28 - Kaqchiquel Bible

²⁸ Tibij chike ri winaqi' ri', chi yin qitzij ri ninbij chi achi'el ri nikibij, kan keri' ri xtinben kik'in.

Wuj Richin ri Q'axanri'il 14:28 ပူးပေါင်းရင်းမြစ်များ

Wuj Richin ri Q'axanri'il 14:21

Man rik'in ri', yin ninbij chi kan qitzij chi ri nuk'ojlen kan xtiq'alajin chijun re ruwach'ulew.

Hebreos 3:17

¿Achike ta k'a winaqi' ri kan kawineq juna' xpe royowal ri Dios chike? Konojel ri xemakun, ri xekamiyaj kan ri pa tz'iran ruwach'ulew.

Wuj Richin ri Q'axanri'il 14:23

Y roma ri' kan konojel k'a rije' man xtibekitz'eta' ta ri ruwach'ulew ri', ri kan nuya'on nutzij chi ninya' chike ri ite-itata'. Kan man jun k'a chike ri xetzelan wichin, ri xtitz'eton ta ri ruwach'ulew ri'.

Wuj Richin ri Q'axanri'il 14:2

Y konojel k'a xkichop yech'on chirij ri Moisés y chuqa' chirij ri Aarón y nikibila' k'a: Más ta utz xa ta xojken kan pan Egipto, o re wawe' pa tz'iran ruwach'ulew.

Deut 1:35

Man jun achin chire re itzel sol winaqi' re' ri xtitz'eton ta ri utzilej ruwach'ulew ri nusujun kan chike ri iwati't-imama'.

Wuj Richin ri Q'axanri'il 32:11

man jun chike ri achi'a' ri k'o juwineq kijuna' pa jotol ri xe'el-pe pa ruwach'ulew Egipto, ri xtibekitz'eta' ta ri ruwach'ulew ri xusuj, stape' kan xuya' rutzij chike ri Abraham, ri Isaac y ri Jacob, roma kan man choj ta xkiben chuwech rija'.

Wuj Richin ri Q'axanri'il 11:1

K'o k'a jun q'ij, roma ri ruk'ayewal ri nikiq'axaj ri winaqi', rije' xeyakatej k'a y xexebeloj chirij ri Jehová. Y rija' kan xerak'axaj-pe y roma ri' xyakatej janila royowal y xuteq-pe q'aq' pa kiwi'; y ri q'aq' ri' kan xuk'is k'a ri q'ayis ri k'o chikichi' ri akuchi ek'o-wi-qa.

Wuj Richin ri Q'axanri'il 14:39

Y toq ri Moisés xutzijoj ronojel ri ch'abel chike ri winaqi' richin ri tinamit, rije' janila xq'axon ri kánima y janila xebison.

Deut 1:34

Toq ri Jehová xrak'axaj ri xibij rix, jari' toq xyakatej royowal, y xuya' rutzij y xubij:

Deut 2:14

Kan xaxe k'a toq xojel-pe pa Cadés-barnea, k'a ri q'ij toq xqaq'axaj ri ti ch'uti'n raqen-ya' Zéred, q'axineq-pe juwineq waqxaqlajuj juna'. Y roma ri' konojel ri achi'a' ri e qawinaq ri k'o chik kijuna' richin yebe pa labal toq xojel-pe pan Egipto xa xek'is yan kan, achi'el ri ya'on-tzij ri rubanon ri Jehová.

Deut 2:15

Kan ja ri royowal ri Jehová ri xk'ison-el kichin chiqakojol ri akuchi ojk'o-wi-qa, y roma ri' xek'is kan konojel.

Wuj Richin ri Achin Job 21:20

Ri aj-mak kan tutz'eta' na ri ruk'ayewal ri xtipe pa ruwi', kan tuqumu' na ri royowal ri Dios ri k'o ronojel uchuq'a' pa ruq'a'.

Wuj Richin Bix Chire ri Dios 95:11

Roma ri' chupan ri woyowal xinya' nutzij, y xinbij chi rije' man xke'ok ta chupan ri ruwach'ulew ri xtikichinaj.

Wuj Richin Bix Chire ri Dios 106:26

Roma ri' kan xujikiba' rutzij chi xkerukamisaj chiri' pa tz'iran ruwach'ulew.

Ez 12:25

Roma ri', ja yin Jehová ri xkich'on y ri xtinbij kan xtinben y kan man xtinya' ta chik kan k'iy q'ij. Y kan xtinben k'a richin xtikitz'et ri awinaq ri e yakatajineq chuwij. Yin Jehová ri yibin, xcha'.

Deut 32:40

Rija' xtuyek k'a ri ruq'a' richin nujikiba' ri nubij, y xtubij k'a: Xaxe k'a yin ri in qitzij Dios ri tibe-q'ij tibe-seq.