Wuj Richin ri Q'axanri'il 14:24 - Kaqchiquel Bible

²⁴ Jak'a ri nusamajel Caleb kan xtinya' q'ij chire richin chi xtok chupan ri ruwach'ulew ri', ri rutz'eton chik rija'. Xtok k'a chiri' roma ri ránima kan man junan ta rik'in ri kánima ri ch'aqa' chik; xaxe rija' ri xniman ri nutzij y xirutzeqelibej. Y chuqa' ri e rijatzul rija' kan xkebek'oje' k'a chupan ri ruwach'ulew ri'.

Wuj Richin ri Q'axanri'il 14:24 ပူးပေါင်းရင်းမြစ်များ

Efesios 6:6

Man tiben chi xaxe toq ek'o-apo iwik'in yixsamej, xaxe richin kixnimex chi ix utz taq samajela'. Rix kan rik'in ronojel iwánima kixsamej achi'el xa ta kan rusamaj ri Cristo ri niben, roma jari' ri rurayibel ri Dios.

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Deut 1:36

Xa kan xaxe k'a ri Caleb ri ruk'ajol ri Jefuné ri xtitz'eton ri ruwach'ulew ri akuchi xq'ax-wi. Y re' xtinya' k'a chire rija' y chike ri e rijatzul, roma kan rutijon-pe ruq'ij richin in rutzeliben-pe, chayineq kan ri Jehová.

Wuj Richin ri Q'axanri'il 26:65

Roma ri Jehová rubin chik chike chi rije' xkeken kan ri pa tz'iran ruwach'ulew y xaxe xkek'ase' kan ri Caleb ruk'ajol ri Jefuné y ri Josué ri ruk'ajol ri Nun.

Wuj Richin ri Q'axanri'il 13:30

Y roma xewolol-q'anej ri winaqi' ri ek'o-apo chuwech ri Moisés, roma ri' ri Caleb xuben chike chi ketane-qa chi ch'owen, y xubij chike: Roj kan qitzij chi kan yojtikir chikij. Qojjote-el y tiqamaja' ri ruwach'ulew chikiwech, xcha'.

Colosenses 3:23

Xabachike k'a ri niben, kan rik'in k'a ronojel iwánima tibana' achi'el xa ta kan ja ri rusamaj ri ajaw Jesucristo ri niben y man kichin ta ri winaqi'.

Wuj Richin Bix Chire ri Dios 119:80

Yin kan in tz'aqet ta k'a chupan ri apixa' ri aya'on rat, richin keri' kan man jun bey ta k'a xkik'ixbitej.

2 Crón 25:2

Ri Amasías kan xutaqej k'a ri nubij ri pixa' richin ri Jehová, stape' man kan ta rik'in ronojel ránima.

1 Crón 29:18

Ajaw Dios, ri qa-Dios y ri ki-Dios ri qati't-qamama' ri Abraham, ri Isaac y ri Israel, kan richin ta jantape' xtiqa' chawech ri xuya-apo ri atinamit chawe, y tabana' chike richin xtikijech ta chuqa' ri kánima chawe.

1 Crón 29:9

Ri winaqi' richin ri tinamit janila xekikot roma rik'in ronojel kánima xkiya-apo ronojel re' chire ri Jehová. Chuqa' ri rey David janila xkikot.

Deut 6:5

Kan tiwajo' k'a ri Jehová ri qa-Dios rik'in ronojel iwánima y rik'in ronojel ik'u'x, chupan chijun ri ik'aslen.

Wuj Richin Etamabel-Tzij 23:26

Rat, nuk'ajol yin, kan tajacha' k'a chuwe ri nojibel ri k'o pan awánima, richin nataqej ri nuch'abel; richin kan jebel k'a xtatzu' y jebel chuqa' xtana' chupan ri nubey yin.

Wuj Richin Bix Chire ri Dios 119:145

Jehová, yin kan yich'on awik'in rik'in ronojel wánima. Tak'uluba' k'a pe ri nuch'abel richin kan xkitikir xtintaqej ri apixa'.

Wuj Richin ri Q'axanri'il 14:30

Kan qitzij ninbij chiwe chi rix man xkixok ta chupan ri ruwach'ulew ri nusujun chiwe, ri akuchi yixbek'oje-wi; jak'a ri Caleb, ri ruk'ajol ri Jefuné y ri Josué, ri ruk'ajol ri Nun, kan xke'ok k'a chupan ri ruwach'ulew ri'.