Wuj Richin ri Q'axanri'il 14:23 - Kaqchiquel Bible

²³ Y roma ri' kan konojel k'a rije' man xtibekitz'eta' ta ri ruwach'ulew ri', ri kan nuya'on nutzij chi ninya' chike ri ite-itata'. Kan man jun k'a chike ri xetzelan wichin, ri xtitz'eton ta ri ruwach'ulew ri'.

Wuj Richin ri Q'axanri'il 14:23 ပူးပေါင်းရင်းမြစ်များ

Wuj Richin ri Q'axanri'il 32:11

man jun chike ri achi'a' ri k'o juwineq kijuna' pa jotol ri xe'el-pe pa ruwach'ulew Egipto, ri xtibekitz'eta' ta ri ruwach'ulew ri xusuj, stape' kan xuya' rutzij chike ri Abraham, ri Isaac y ri Jacob, roma kan man choj ta xkiben chuwech rija'.

Wuj Richin ri Q'axanri'il 26:64

Y chike konojel ri winaqi' ri e rijatzul kan ri Israel, ri xe'ajlex ojer kan roma ri Moisés y ri nimalej sacerdote Aarón, ri chiri' pa tz'iran ruwach'ulew Sinaí, man jun chik chike ri winaqi' ri' ri k'es ta chupan re jun ajlanik re'.

Ez 20:15

Chuqa' chiri' pa tz'iran ruwach'ulew xinjikiba' k'a chike chi man xtinya' ta chike ri ruwach'ulew ri nuya'on chik chike, ri kan más jebel chikiwech ri ch'aqa' chik ri akuchi niwachin ronojel ruwech tiko'n.

Hebreos 4:3

Jak'a roj ri qaniman, niqak'ul ri uxlanen, achi'el xubij ri Dios:*f11* Roma ri' chupan ri woyowal xinya' nutzij, y xinbij chi rije' man xke'ok ta chupan ri ruwach'ulew akuchi k'o uxlanen, nicha'. Rik'in ri' niq'alajin chi roj ri qaniman, yojok chupan ri uxlanen ri nuya' ri Dios. Y ri uxlanen ri' tikerineq-pe ja toq ri Dios xuk'is rubanik re ruwach'ulew.

Wuj Richin Bix Chire ri Dios 106:26

Roma ri' kan xujikiba' rutzij chi xkerukamisaj chiri' pa tz'iran ruwach'ulew.

Wuj Richin Bix Chire ri Dios 95:11

Roma ri' chupan ri woyowal xinya' nutzij, y xinbij chi rije' man xke'ok ta chupan ri ruwach'ulew ri xtikichinaj.

Wuj Richin ri Nehemías 9:23

Rat xaben k'a chi xewinaqir ri kalk'ual achi'el ri ch'umila' ri ek'o chikaj. Xe'ak'uaj k'a pa ruwach'ulew ri xasuj chike ri qati't-qamama', richin chi xkichinaj kan.

Wuj Richin ri Q'axanri'il 26:65

Roma ri Jehová rubin chik chike chi rije' xkeken kan ri pa tz'iran ruwach'ulew y xaxe xkek'ase' kan ri Caleb ruk'ajol ri Jefuné y ri Josué ri ruk'ajol ri Nun.

Deut 1:8

Tiwetamaj k'a chi kan ja yin yiya'on chiwe ri ruwach'ulew, kixok chupan y tichapa' k'a y kan tibana' iwichin chire ri ruwach'ulew ri nuya'on nutzij chire. Yin in Jehová, chi kan chike ri iwati't-imama', Abraham, Isaac y ri Jacob y chiwe rix ri ix kijatzul kan rije' ninya-wi, xcha' ri Jehová, xcha' ri Moisés.

Wuj Richin ri Jeremías 18:10

Jak'a wi ri tzobaj winaqi' ri' nikiben ri etzelal y man nikiben ta ri nubin chik chike, yin kan xtintzolij k'a wi' chuwij rik'in ri utzilej ch'obonik ri xtinbenbana' kik'in rije'.