Wuj Richin ri Q'axanri'il 14:22 - Kaqchiquel Bible

²² Jak'a konojel re winaqi' re' kitz'eton ri nuk'ojlen; kitz'eton ronojel ri nima'q taq banobel ri xinben pan Egipto; kitz'eton chuqa' ri xinben ri chiri' chupan ri tz'iran ruwach'ulew. Man rik'in ri' xa xinkitejtobej yan lajuj bey y man nikinimaj ta nutzij.

Wuj Richin ri Q'axanri'il 14:22 ပူးပေါင်းရင်းမြစ်များ

Wuj Richin ri Rutikeribel 31:41

Keri' nubanon-pe kawineq juna' ri ink'o-pe chupan ri awachoch, kajlajuj juna' xatinwilij koma ri ami'al y waqi' juna' in samajineq-pe awik'in richin xinch'ek juba' taq wawej, ¿y jampe' man ta xajel wajel?

Wuj Richin ri Rutikeribel 31:7

Y man rik'in ri' ri itata' janila k'iy mul kiruq'ol. Lajuj yan mul tujel ri wajel. Jak'a ri Dios man ruya'on ta q'ij chire richin nuben itzel chuwe.

Wuj Richin ri Achin Job 19:3

Janila mul yan iqasan nuq'ij, y kan man yixk'ix ta juba', xa kan nik'o ruwi' ri niben chuwe.

Wuj Richin Bix Chire ri Dios 106:14

Xa kan xkijech k'a ki' chubanik ri itzel taq rayibel ri chiri' pa tz'iran ruwach'ulew. Xa kan xkitejtobej k'a ri Dios ri chiri'.

Wuj Richin Bix Chire ri Dios 106:26

Roma ri' kan xujikiba' rutzij chi xkerukamisaj chiri' pa tz'iran ruwach'ulew.

Wuj Richin Bix Chire ri Dios 78:41

Kan jantape' k'a xkiyoq'oya' ri Dios beneq ruwech xkiyek royowal ri loq'olej qa-Dios.

Ex 14:11

Y chuqa' xkibij k'a chire ri Moisés: ¿Kan maneq kami ri akuchi ta xojmuq-wi pan Egipto, richin chi xojawelesaj na pe richin chi xa wawe' pa tz'iran ruwach'ulew yojken-wi kan? ¿Achike roma kere' xaben chiqe, chi xojawelesaj-pe pan Egipto?

Ex 15:24

Y ri winaqi' xkichop yexebexot chirij ri Moisés y nikibila' k'a: ¿Achike k'a xtiqaqum wakami?, yecha'.

Ex 16:2

Chiri' pa tz'iran ruwach'ulew ri winaqi' israelita xa yexebexot k'a chirij ri Moisés y chirij ri Aarón,

Ex 17:2

Y roma ri' toq ri winaqi' xkich'ojij k'a kiya' chire ri Moisés, jak'a ri Moisés xubij chike: ¿Achike roma toq xa chuwe yin nich'ojij-wi ri iya'? ¿Y achike roma toq rix nich'ob chi ri Jehová man nitikir ta nuya' iya' richin niqum?, xcha' chike.

Ex 17:3

Y ri winaqi' kan janila k'a xchaqi'j kichi' ri chiri' y xa xexebexot chirij ri Moisés y xkibij chire: ¿Achike roma xojawelesaj-pe pan Egipto, xaxe richin yojken kan roma chaqi'j-chi'ij qonojel roj, ri qalk'ual y ri qawej?, xecha'.

Ex 17:7

Y rije' xkibij Masá y Meribá*f7* chire ri abej ri'. Keri' xubini'aj ri chiri' roma ri koyowal ri israelita y roma xkitejtobej ri Jehová y xkibij: ¿Kan k'o k'a ri Jehová chiqakojol, o xa maneq?, xecha'.

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Ex 5:21

Y ri aj-raqen ri' xkibij chike ri Moisés y ri Aarón: Ja ri Jehová xtuq'et-tzij pan iwi', roma ri yixajin chubanik roma ja rix ri k'o imak chi ri rey y ri e rusamajela', man yojqa' ta chik chikiwech, y kan jak'a rix ri xixbanon chi xkichop ri ki-espada richin yojkikamisaj, xecha'.

Wuj Richin ri Isaías 42:20

Rix kan itz'eton janila chi banobel, jak'a xa man nich'ob ta rij jebel. Kan ijaqon jebel ri ixikin, jak'a xa man jun niwak'axaj.

Dn 1:20

Ri rey kan xubij k'a chike ri alaboni' ri' chi nikiq'alajirisaj na'oj y nojibel chire. Keri' ronojel ri xuk'utuj chike, ri kan nrajo' etamabel y nojibel kan xq'alajin k'a chuwech chi ri ketamabal rije' kan ik'owineq k'a lajuj bey chikiwech ri aj-itza' y ri aj-q'ija' ri ek'o chupan ri ajawaren.

Wuj Richin ri Malaquías 3:15

Chuqa' nibij chi ri nima'q nikina-ki' kan yekikot, y ri kijachon-ki' chubanik ri etzelal kan ronojel utz nel chikiwech, y ri nikipaba-ki' chinuwech man jun nikik'uluwachij, ncha' ri Dios.

Wuj Richin ri Q'axanri'il 11:1

K'o k'a jun q'ij, roma ri ruk'ayewal ri nikiq'axaj ri winaqi', rije' xeyakatej k'a y xexebeloj chirij ri Jehová. Y rija' kan xerak'axaj-pe y roma ri' xyakatej janila royowal y xuteq-pe q'aq' pa kiwi'; y ri q'aq' ri' kan xuk'is k'a ri q'ayis ri k'o chikichi' ri akuchi ek'o-wi-qa.

Wuj Richin ri Q'axanri'il 11:4

Y chikikojol k'a ri israelita e beneq chuqa' winaqi' ri xa man e kiwinaq ta y xaxe wa'in ri nikich'ob y ja rije' ri xe'uk'uan kichin ri israelita y xkichop oq'ej y nikibila' k'a: ¡K'ate' ta k'o jun ri niya'on juba' ti'ij chiqe richin niqatej!

Wuj Richin ri Q'axanri'il 12:1

Ri María y ri Aarón xkichop k'a itzel yech'on chirij ri Moisés, stape' rija' jun achin ri kan yalan ruqasan-ri' chuwech ri Dios, y man achi'el ta konojel ri ch'aqa' chik achi'a' ri ek'o chuwech re ruwach'ulew. Itzel k'a yech'on chirij roma rija' xa rik'in jun ixoq aj-Etiopía k'ulan-wi. Y rije' nikibila' k'a chikiwech: ¿Xaxe kami rik'in ri Moisés nich'on-wi ri Jehová? ¿Man ch'owineq ta kami chuqa' qik'in roj?, xecha'. Y ronojel ri' xrak'axaj-pe ri Jehová.

Wuj Richin ri Q'axanri'il 14:11

Ri Jehová xubij chire ri Moisés: ¿K'a jampe' k'a xketane' re winaqi' richin yinketzelaj? ¿K'a jampe' xtapon ri q'ij richin chi rije' nikikuquba' ta kik'u'x wik'in, stape' rije' kan kitz'eton ri meyel taq banobel ri nubanon chikiwech?

Wuj Richin ri Q'axanri'il 14:2

Y konojel k'a xkichop yech'on chirij ri Moisés y chuqa' chirij ri Aarón y nikibila' k'a: Más ta utz xa ta xojken kan pan Egipto, o re wawe' pa tz'iran ruwach'ulew.

Wuj Richin ri Q'axanri'il 32:12

Xaxe k'a ri Caleb, ruk'ajol ri Jefuné ri quenizita, y ri Josué, ruk'ajol ri Nun, ri xke'ok, roma xaxe rije' ri choj xkiben chuwech.

San Mateo 4:7

Jak'a ri Jesús xubij: Kan tz'ibatel kan chuqa',*f11* chi man ruk'amon ta chi niqatejtobej ri Jehová ri qa-Dios, xcha'.

1 Corintios 10:5

Man rik'in ri' rije' xa man xkiben ta ri niqa' chuwech ri Dios, y roma ri' ri kich'akul xepunupuxin kan pa tz'iran ruwach'ulew.

1 Corintios 10:9

Ek'o chuqa' chike rije' ri xkitejtobej ri Dios. Y roma ri' xeken pa kiq'a' kumatzi'. Roma ri' rix man k'a titejtobej ri Dios.

Deut 9:7

Roma ri' toqaqa k'a chi'ik'u'x y man timestaj chi xiyek royowal ri Jehová ri qa-Dios, ichapon-pe kan ja toq xojel-pe pan Egipto, y chijun ri tz'iran ruwach'ulew y wakami re ojk'o wawe', kan man iniman ta k'a rutzij ri Jehová.

Hebreos 3:9

Roma chiri' ri iwati't-imama' xinkitejtobej. Xinkitejtobej, stape' kan xkitz'et ri nima'q taq nubanobal kawineq juna'.