Wuj Richin ri Q'axanri'il 14:21 - Kaqchiquel Bible

²¹ Man rik'in ri', yin ninbij chi kan qitzij chi ri nuk'ojlen kan xtiq'alajin chijun re ruwach'ulew.

Wuj Richin ri Q'axanri'il 14:21 ပူးပေါင်းရင်းမြစ်များ

Wuj Richin ri Habacuc 2:14

Roma ri winaqi' ri ek'o chuwech chijun ri ruwach'ulew, kan xtiketamaj jebel ri ruchuq'a', ri ruq'ij-ruk'ojlen ri Jehová, achi'el nuben ri ya' toq napon chupan ri palou.

Wuj Richin Bix Chire ri Dios 72:19

¡Kan tinimirisex k'a ri nimalej rubi' jantape'! Kan chijun ta ri ruwach'ulew xtinoj rik'in ri ruk'ojlemal, ¡Kan keri' ta k'a xtibanatej, ja' kan keri'!

Wuj Richin ri Isaías 49:18

Kixtzu'un k'a nej, roma konojel ri iwinaq xtikimol-pe-ki' richin xkepe iwik'in. Yin Jehová kan ninya' nutzij chi konojel rije' kan janila e jebel ok xketz'et, achi'el jun wiqobel ri niya'ox chire jun xten ri nik'ule'. Kan keri' xtokibana' iwik'in rix.

Wuj Richin ri Isaías 6:3

Y chikijujunal rije' yesik'in y nikibila': Loq'olej, loq'olej, loq'olej Jehová k'iytisanel richin ronojel. Chijun ri ruwach'ulew nojineq rik'in ri ruk'ojlemal, yecha'.

Deut 32:40

Rija' xtuyek k'a ri ruq'a' richin nujikiba' ri nubij, y xtubij k'a: Xaxe k'a yin ri in qitzij Dios ri tibe-q'ij tibe-seq.

San Mateo 6:10

Ri awajawaren rat ja ta ri' ri xtik'oje' qik'in. Kan nibanatej ta k'a ri nawajo' rat richin nibanatej wawe' chuwech re ruwach'ulew achi'el nikiben ri ek'o awik'in ri chila' chikaj.

Wuj Richin ri Sofonías 2:9

Roma ri' yin Jehová, ri in k'iytisanel richin ronojel, ninya' nutzij chi ri ruwach'ulew Moab xtiberuk'uluwachij achi'el ri Sodoma, y ri Amón achi'el ri Gomorra. Xtibe'ok kan juyu' richin k'ix y ulew richin atz'an. Kan xtitole' k'a kan richin q'asen. Jak'a ri xkekolotej kan chike ri nutinamit yin, xtikichinaj kan ronojel ri k'o rejqalen, y xtok kan kichin rije' richin q'asen.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Ez 18:3

Jak'a yin Jehová ninbij chi man jun bey chik xtikamulux re jun k'ambel-tzij re' chupan ri iruwach'ulew.

Ez 5:11

Rix xitz'ilobisaj ri wachoch rik'in ri kiwachibel ri i-dios y ri itzel taq ibanobal ri kan nuben chuwe chi itzel nintz'et. Roma ri' yin Jehová ri in rajaw ronojel, kan ninya' nutzij y ninbij chi yin kan xkixinwixowaj chuqa'. Man xtinya' ta chik wutzil pan iwi' y man xtinjoyowaj ta chik iwech.

Ez 33:27

Taya' k'a re rutzijol re' chike: Chi'iwonojel rix ri ixk'o kan pa taq tinamit ri e wulatejineq, kan xkixkamisex. Y rix ri ixk'o pa taq juyu', xtinben chiwe chi xkixtij koma ri k'uxunela' taq chikopi'. Y rix ri iwewan-iwi' kojol taq jul xkixken k'a roma yabil.

Wuj Richin ri Jeremías 22:24

Yin Jehová ri k'aslik Dios, yich'on pa ruwi' ri rey Jeconías*f8* ruk'ajol ri Joaquim. Stape' rija' kan k'o ta janila rejqalen achi'el ri lipq'a' ri k'o chirij ri ruwi' nuq'a' ri k'o pa wijkiq'a', yin kan xtinwelesaj-el chupan ri ruq'atbal-tzij roma ri rumak.

Wuj Richin ri Q'axanri'il 14:28

Tibij chike ri winaqi' ri', chi yin qitzij ri ninbij chi achi'el ri nikibij, kan keri' ri xtinben kik'in.

Ex 9:16

Jak'a yin kan qitzij ri ninbij chawe chi kan nuya'on-wi ri ak'aslen, richin chi ri nibanatej awik'in, xtuben chi niq'alajin ri wuchuq'a' yin; y keri' kan xtinimirisex k'a ri nubi', chuwech chijun re ruwach'ulew.

Wuj Richin Bix Chire ri Dios 57:6

Ri e etzelanel wichin kan kiya'on k'a pikbel pa nubey; ri wánima kan janila k'a niq'axon; rije' kan kik'oton k'a jul richin yitzaq, y chupan k'a ri jul ri' xa ja rije' ri xetzaq.

Ez 20:36

Achi'el k'a toq xinq'et-tzij pa kiwi' ri ite-itata' chupan ri tz'iran ruwach'ulew chiri' pan Egipto, keri' chuqa' xtinq'et-tzij pan iwi' rix re wakami.