Wuj Richin ri Q'axanri'il 14:20 - Kaqchiquel Bible

²⁰ K'ari' ri Jehová xubij chire ri Moisés: Roma ri ch'abel ri xabij chuwe, roma ri', yin xinkuy yan k'a ri kimak rije'.

Wuj Richin ri Q'axanri'il 14:20 ပူးပေါင်းရင်းမြစ်များ

Santiago 5:16

Y rix, wi k'o mak ri ibanalon, kan tiq'alajirisala' k'a chiwech. Titola-iwi' richin yixch'on rik'in ri Dios, richin chi yixchojmir. Y wi choj ri ik'aslen chuwech ri Dios, y rik'in ronojel iwánima xkixch'on rik'in, kan k'iy k'a ri xtik'ul chire rija'.

Wuj Richin Bix Chire ri Dios 106:23

Ri Jehová kan xrajo' chi xeruk'is ta konojel ri qati't-qamama'. Jak'a ri Moisés ri rucha'on rija', kan xch'on k'a pa kiwi' rije', richin chi xuqasaj ruwi' ri royowal, richin man xerukamisaj ta.

Wuj Richin Bix Chire ri Dios 99:8

Jehová ri at qa-Dios roj, rat kan xak'uluba' k'a pe ri kich'abel. Rat kan xatok k'a chike rije', jun Dios ri kan kuyunel, stape' xaya' tijoj-poqonal pa kiwi' rije' roma ri kimak.

Wuj Richin ri Jeremías 31:2

Ri Jehová nubij: Toq ri tinamit Israel beneq chukanoxik uxlanenri'il, ri xekolotej kan chuwech ri espada xkil uxlanenri'il pa tz'iran ruwach'ulew.

Ex 8:9

Jari' toq ri Moisés xubij chire ri rey: Xaxe tabij chuwe toq xtawajo' richin nink'utuj chire ri Jehová Dios richin kerelesaj-el re xkalet pan awachoch rat, pa kachoch ri aj-raqen y pa kachoch ri awinaq. Xke'el k'a el pa taq iwachoch y xkek'oje' kan xaxe chupan ri raqen-ya', xcha' ri Moisés.

Ex 32:14

Y jari' toq ri Jehová xuq'et k'a ri' y man xuya' ta chik pe pa kiwi' ri ruwinaq, ri ruk'ayewal ri ruch'obon richin nuya' pa kiwi'.