Wuj Richin ri Q'axanri'il 14:19 - Kaqchiquel Bible

¹⁹ Roma nim ri ajowabel ri k'o awik'in, nink'utuj utzil chawe chi takuyu' kimak re winaqi' re', kan achi'el ri abanon-pe kik'in toq k'a ek'o na pan Egipto, k'a keri' na tabana' kik'in re wakami, xcha'.

Wuj Richin ri Q'axanri'il 14:19 ပူးပေါင်းရင်းမြစ်များ

Ex 34:9

Y xeri' ri Moisés xubij chire ri ajaw: Wi qitzij chi wilon utzil chawech, tabana' utzil jo' qik'in, stape' re atinamit kan man nuqasaj ta ri' chawech. Kan takuyu' k'a ri itzel taq qabanobal, takuyu' ri qamak y tabana' chiqe chi kan yojok-wi atinamit, xcha' ri Moisés.

Wuj Richin Bix Chire ri Dios 78:38

Man rik'in ri' ri Dios kan nujoyowaj kiwech, kan nukuy k'a ri kimak y kan man yeruk'is ta; k'iy k'a mul xuq'et ri royowal y kan man xuya' ta pe pa kiwi'.

Wuj Richin Bix Chire ri Dios 106:45

Kan xuch'ob pa ruwi' ri jikibel-tzij ri rubanon kik'in. Y roma ri janila chi rajowabal kan ja ri utz ri xuben kik'in.

Ex 32:32

Ajaw, jak'a re wakami nink'utuj utzil chawe richin xtayoj ta jumul ri kimak. Roma wi rat man naben ta keri', xa kan más k'a utz tayojo' ri nubi' chupan ri wuj ri akuchi tz'ibatel wi ri kibi' ri kan e awichin rat, xcha' ri Moisés.

Santiago 5:15

Y rik'in ronojel kik'u'x yech'on rik'in ri Dios, richin nik'achoj ri yawa'. Y wi k'o mak rubanon ri yawa' ri', man xaxe ta k'a nik'achoj, xa kan nikuyutej chuqa' ri rumak.

Wuj Richin ri Miqueas 7:18

Kan man jun chik Dios k'o achi'el rat Jehová, roma rat kan nakuy k'a ri qamak, roj ri xojkolotej kan. Man naya' ri awoyowal pa qawi' richin jantape', roma rat kan at jun Dios joyowanel.

Wuj Richin ri Jonás 4:2

Y xch'on rik'in ri Jehová y xubij: ¡Kan xinbij na wi yin toq k'a ink'o na pa nuruwach'ulew, chi kere' naben! Y roma ri' xinanimej richin ta xibe pa Tarsis. Keri' xinben roma wetaman chi at jun Dios koch'onel y joyowanel. Y roma ri awajowabal, kan stape' nabij chi naya' ta jun ruk'ayewal, xa najel chik ri ach'obonik.

Wuj Richin ri Jonás 3:10

Xutz'et k'a ri Dios chi xtzolej-pe kik'u'x ri aj-Nínive chire ri itzel taq kibanobal, y xebe chupan ri chojilej bey. Y roma ri' ri Dios xujoyowaj kiwech y man xuteq ta pe ri ruk'ayewal ri rubin.

Dn 9:19

Ajaw, tabana' utzil kinawak'axaj yan k'a, takuyu' k'a ri qamak. Taya' k'a axikin chire ri nuch'owen ri ninben awik'in. Tak'uluba' k'a pe ri nuch'abel nu-Dios yin, roma ri abi' rat kan jari' k'a ri ninatex pa ruwi' ri awinaq y ri atinamit, xicha'.

Wuj Richin ri Isaías 55:7

Ri winaqi' ri janila e itzel kan tikiya' kan ri itzel taq kibanobal; chuqa' ri kamisanela' kan tikiya' kan ri itzel kich'obonik. Kan titzolej k'a pe kik'u'x wik'in yin Jehová, y yin kan xtinjoyowaj kiwech y ninkuy ri kimak.

1 Rey 8:34

wi keri', rat Ajaw kan xtawak'axaj k'a pe ri chila' chikaj y xtakuy k'a rumak ri atinamit Israel y xketzolej ta chik pe chupan re ruwach'ulew re' ri xaya' rat chike ri qati't-qamama'.

Ex 33:17

Y ri Jehová xubij chik chire ri Moisés: Yin kan xtinben k'a ronojel ri xabij yan qa chuwe, roma kan awilon chik utzil chinuwech yin y jebel wetaman awech, xcha'.

Wuj Richin ri Q'axanri'il 23:21

Man jun itzel banobel ri tz'eton ta chikij ri e rijatzul kan ri Jacob; man jun ruk'ayewal ri niqaqa ta chikij ri israelita. Roma ri Jehová ri ki-Dios kan k'o-wi kik'in; rije' kan nikibij k'a chi ri Dios kan ja wi ri' ri ki-rey.

Wuj Richin Bix Chire ri Dios 85:2

Kan xakuy k'a qamak; ronojel k'a ri mak ri xeqabanala' kan xatz'apej ruwi'.

Wuj Richin ri Habacuc 3:2

Nimalej Jehová, yin kan xinwak'axaj k'a ronojel ri nima'q taq abanobal, y kan xink'en akiy. Nimalej Jehová, tak'utu' chik k'a ri nimalej awuchuq'a' chiqakojol roj. Kan tak'utu' chik k'a chiqawech roj re ojk'o re q'ij re' ri nima'q taq banobel ri xe'aben ri ojer kan. Tabana' utzil chi chupan ri awoyowal xtajoyowaj ta qawech.

Am 7:2

Y chupan ri achik' ri', xintz'et k'a chi ri sak' xkik'is ronojel tiko'n. Y jari' toq yin xisik'in y xinbij: Jehová, takuyu' ri qamak. ¿Achi'el kami toq xtiqakoch' roj ri oj israelita, roma roj xa kan yalan oj juba' ok?, xicha'.

Am 7:5

Jari' toq yin xisik'in y xinbij chire: ¡Jehová ri atk'o pa ruwi' ronojel, tabana' utzil man tateq-pe ri q'aq' pa qawi'! ¿Achi'el kami toq xtiqakoch' roj ri oj israelita, roma roj xa kan yalan oj juba' ok?, xicha'.