Wuj Richin ri Q'axanri'il 14:14 - Kaqchiquel Bible

¹⁴ Rije' xtikitzijoj k'a chike ri winaqi' aj-Canaán. Y ri winaqi' aj-Canaán kak'axan chik k'a chawij rat, Jehová, chi kan atk'o chiqakojol roj y naya' q'ij chiqe richin chi yojtzijon awik'in; y kak'axan chi ri sutz' k'o pa qawi' ri paq'ij y toq niqachop binen, jari' ri nuk'uan qichin y ri chaq'a' nusaqirisaj ri qabey.

Wuj Richin ri Q'axanri'il 14:14 ပူးပေါင်းရင်းမြစ်များ

Ex 15:14

Re' kan xtikak'axaj k'a ri winaqi' y kan xkebaybot. Kan man xtikil ta k'a achike xtikiben ri winaqi' aj-Filistea.

Deut 5:4

Kan ja ri Jehová xch'on-pe qik'in pa runik'ajal ri q'aq' ri chiri' pa ruwi' ri juyu' ri'.

Ex 33:11

Ri Jehová y ri Moisés kan nikitzu' k'a ki' toq yetzijon, kan achi'el toq jun wineq nitzijon rik'in jun rachibil. Y toq ri Moisés tzijowineq chik kan rik'in ri Jehová, nitzolin k'a ri akuchi ek'o-wi-qa. Jak'a ri Josué, ri to'onel richin ri Moisés, kan jantape' k'o chiri' chupan ri rachoch ri Dios.

San Juan 1:18

Kan man jun k'a wineq ri tz'eteyon ta richin ri Dios, xa kan xaxe ri ruk'ajol ri tz'eteyon richin. Ri Dios xaxe ri juney ruk'ajol k'o y janila nrajo'. Jari' ri xoq'alajirisan-qa ri Dios chiqawech re wawe' chuwach'ulew.

Wuj Richin Bix Chire ri Dios 78:14

Ri paq'ij xeruyuqej rik'in jun sutz' pa'el chikaj. Y ri chi'aq'a' rik'in jun ruxaq-q'aq' pa'el chikaj.

Wuj Richin ri Nehemías 9:19

Rat kan janila xajoyowaj kiwech, y roma ri' man xe'amalij ta kan ri chiri' pa tz'iran ruwach'ulew. Ri rumujal ri sutz' man xeruya' ta kan chi paq'ij chi chaq'a' ri akuchi k'o chi xebe-wi.

Wuj Richin ri Nehemías 9:12

Y toq xebiyin pa tz'iran ruwach'ulew ri paq'ij xe'ayuqej rik'in ri sutz' pa'el chikaj, y ri chi'aq'a' re sutz' re' xe'asaqirisaj ri akuchi k'o chi xebe-wi.

Wuj Richin ri Josúe 5:1

Konojel ri rey kichin ri amorreo ri ek'o re juk'an-pe chire ri ruchi' ri raqen-ya' Jordán pa qajbel-q'ij y konojel ri rey kichin ri aj-Canaán ri ek'o chunaqaj ri palou, toq xkak'axaj chi ri Jehová xuben chire ri ya' richin ri Jordán chi xpa'e' y xumol-ri' chikiwech ri e rijatzul kan ri Israel y xkiq'axaj, jari' toq xmayamo-qa ri kánima y man xk'oje' ta chik uchuq'a' kik'in rije' chikiwech ri e rijatzul kan ri Israel.

Wuj Richin ri Q'axanri'il 12:8

Roma ri', rik'in rija' kan yojtzijon-wi chiqawech y niqatzu-qi'; y richin chi niq'ax chuwech ri ninbij chire, yin ninkusaj ri ch'abel ri niq'ax chuwech rija'. Y wi ri nusamajel Moisés kan in rutz'eton toq in tzijowineq rik'in, ¿achike k'a roma man jun rukiy chiwech y janila itzel yixch'on chirij rija'?, xcha'.

Wuj Richin ri Q'axanri'il 10:34

Y ri sutz' richin ri Jehová kan beneq k'a pa kiwi' rije' ri paq'ij, toq kan kichapon k'a ri kibey.

Ex 40:38

Ri sutz' ri richin ri Dios kan xk'oje' k'a pa ruwi' ri rachoch ri richin molojri'il y ri chi'aq'a', ri sutz' ri' nok ruxaq q'aq' chikiwech konojel ri e rijatzul kan ri Israel, chupan ri kibinen. Janipe' k'a juna' ri xebiyin ri israelita, xkitz'et ri sutz' jotol chikaj pa ruwi' ri rachoch ri Dios y ri chi'aq'a' ri sutz' ri' kan nok ruxaq q'aq'.

Wuj Richin ri Rutikeribel 32:30

Y ri Jacob xubij Penuel*f28* chire ri tinamit ri', roma xinwetamaj ruwech ri Dios y k'a in k'es na kan, xcha'.

1 Corintios 13:12

Re wawe' chuwech re ruwach'ulew man e tz'aqet ta ri etamabel ri ek'o qik'in. Kan junan rik'in ri yojtzu'un ta pa jun espejo ri xa tz'il ruwech, y man kan ta niq'alajin ri achike niqatz'et. Jak'a xtapon ri q'ij toq kan xtiq'alajin-wi ri niqatz'et. Chupan ri q'ij ri' kan xtiqetamaj jebel ruwech ri Dios, kan achi'el rija' retaman qawech roj wakami.

San Juan 14:9

Jak'a ri Jesús xubij chire: Felipe, ¿man jani awetaman nuwech? Yin, kan k'o yan k'a juna' kik'oje-pe iwik'in. Ri tz'eteyon wichin yin, rutz'eton k'a chuqa' ri nata'. ¿Achike k'a roma toq rat nabij chi nink'ut ri nata' chiwech?

Wuj Richin Bix Chire ri Dios 105:39

Ri Jehová xurik' k'a jun sutz' pa kiwi' ri qati't-qamama' richin xok kimujal. Rik'in k'a jun nimalej ruxaq q'aq' xerusaqirisaj ri chi'aq'a'.

Deut 34:10

Kan man jun bey chik k'a xk'oje' jun q'alajirisey ruch'abel ri Dios chikikojol ri israelita achi'el ri Moisés ri achoq ik'in xch'on-wi ri Jehová naqaj y kan xtzijon rik'in.

1 Juan 3:2

Wach'alal ri yalan yixinwajo', wakami oj ralk'ual chik ri Dios. Jak'a man jani tiq'alajin ri achike xqojbeok. Xaxe qetaman chi toq xtipe chik jun bey ri Jesucristo, xqojok achi'el rija' roma xtiqatz'et achike rubanik rija'.

Ex 33:16

Roma wi rat xa man xkabe ta qik'in, xa man xtetamex ta chi yin y ri atinamit qilon utzil chawech. Jak'a wi kan xkabe qik'in xtiq'alajin k'a chi kan oj atinamit y kan ja k'a rat ri at ch'arayon-pe qichin chikikojol ri ch'aqa' chik tinamit, ri ek'o chuwech re ruwach'ulew, xcha' ri Moisés chire.

Deut 1:19

Roj kan xojel k'a pe pan Horeb y xojpe pa ruchojmilal ri k'echelaj ri k'o pa kiruwach'ulew ri winaqi' amorreo, achi'el ri xubij ri Jehová ri qa-Dios chiqe. Xqaq'axaj k'a ri itzel y ri nimalej tz'iran ruwach'ulew, y keri' xojoqaqa pa Cadés-barnea.

Deut 5:24

y xkibij chuwe: Kan qitzij na wi ri Jehová ri qa-Dios xuk'ut ri ruq'ij-ruk'ojlen y ri ruchuq'a' chiqawech, y chuqa' xqak'axaj ri ruch'abel pa runik'ajal ri q'aq'. Roma ri' qetaman chi ri Jehová xch'on qik'in y k'a oj k'es na.