Wuj Richin ri Q'axanri'il 14:11 - Kaqchiquel Bible

¹¹ Ri Jehová xubij chire ri Moisés: ¿K'a jampe' k'a xketane' re winaqi' richin yinketzelaj? ¿K'a jampe' xtapon ri q'ij richin chi rije' nikikuquba' ta kik'u'x wik'in, stape' rije' kan kitz'eton ri meyel taq banobel ri nubanon chikiwech?

Wuj Richin ri Q'axanri'il 14:11 ပူးပေါင်းရင်းမြစ်များ

Wuj Richin Bix Chire ri Dios 106:24

Stape' keri', ri winaqi' xa kan xketzelaj k'a ri ruwach'ulew ri kan rayixel. Man xkikuquba' ta kik'u'x rik'in ri ruch'abel rija'.

Wuj Richin Bix Chire ri Dios 78:22

Kere' k'a xuben ri Dios roma kan man xkinimaj ta, y man xkikuquba' ta k'a kik'u'x rik'in ri rukolotajik.

Wuj Richin Bix Chire ri Dios 78:32

Man rik'in ri', xa xemakun chik; stape' xuben meyel taq banobel chikikojol, man xkikuquba' ta kik'u'x rik'in.

Wuj Richin Bix Chire ri Dios 95:8

Man k'a tikowisiraj ri iwánima achi'el xbanatej ri ojer chiri' pa Meribá, achi'el ri chiri' pa Masá pa tz'iran ruwach'ulew.

Ex 10:3

K'ari' ri Moisés y ri Aarón xebe rik'in ri rey y xkibij chire: Ri Jehová ri qa-Dios roj israelita nubij: ¿K'a janipe' k'a xtaqasaj-awi' chinuwech? Taya' q'ij chire ri nutinamit richin nel-el wawe' richin chi yiberusamajij.

Ex 16:28

Y jari' toq ri Jehová xubij chire ri Moisés: ¿K'a janipe' k'a yixtane' richin man nitaqej ta ri ruchojmilal y ri pixa' ri nuya'on chiwe?

Ex 23:21

Rix, kan tichajij k'a iwi' rik'in ri ibanobal chuwech rija' y tiwak'axaj ri rutzij. Man kixyakatej chirij, roma rija' maneq kuyubel-mak chuwech, roma kan pan nubi' yin beneq-wi.

Ex 32:9

Y chuqa' ri Dios xubij chire ri Moisés: Yin kan nutz'eton k'a pe chi re winaqi' re' kan man nikiqasaj ta ki'.

Wuj Richin Etamabel-Tzij 1:22

Rix ri kan man k'iy ta ok iwetaman, ¿kan jantape' k'a xtiqa' chiwech chi man k'iy ta iwetaman? Rix ri xa maneq ik'ix, ¿kan jantape' k'a xtiqa' chiwech ri xa k'ixbel chikiwech ri winaqi'? Rix ri nik'atzin chi k'o ta iwetamabal, ¿kan jantape' k'a xtiwetzelaj ri etamabel?

Wuj Richin ri Jeremías 13:10

Re tinamit re' kijachon-ki' chubanik etzelal y kan man xkajo' ta xkinimaj ri ninbij yin. Kan xkiben ri rurayibel ri kánima y kan xekitzeqelibej k'a ch'aqa' chik dios, richin chi man yinkisamajij ta yin y man nikiya' ta nuq'ij. Roma ri' kan xtinben chike achi'el ri ximibel, ri man jun chik nik'atzin-wi.

Wuj Richin ri Jeremías 4:14

Winaqi' richin Jerusalem, tich'ajch'ojirisaj k'a ri iwánima richin xkixkolotej. Tiya' kan ri itzel taq ich'obonik,

Ez 20:13

Yin kan xinya' ri ruchojmilal chike richin chi wi nikitaqej kan xkek'ase'. Man rik'in ri', xa xeyakatej chuwij chiri' pa tz'iran ruwach'ulew y man xkinimaj ta ri nupixa', jak'a xa xkixowaj, y chuqa' man xkiya' ta rejqalen ri q'ij richin uxlanen. Roma ri' xinch'ob chi ninwelesaj woyowal chikij y yenk'is kan chiri' pa tz'iran ruwach'ulew.

Os 8:5

Rix aj-Samaria, ri ruwachibel ri achij wákix ri xiben, jari' k'a ri xixjik'on kan wik'in yin. Yin kan yakatajineq k'a woyowal chiwij rix. ¿K'a janipe' k'a xtich'ajch'ojirisaj-iwi' rix israelita?

Wuj Richin ri Zacarías 8:14

Yin Jehová ri yibin. Ri ojer kan xinben itzel chike ri iwati't-imama' toq rije' xkiyek woyowal, y man xintzolij ta wi' chuwij.

Wuj Richin ri Q'axanri'il 14:23

Y roma ri' kan konojel k'a rije' man xtibekitz'eta' ta ri ruwach'ulew ri', ri kan nuya'on nutzij chi ninya' chike ri ite-itata'. Kan man jun k'a chike ri xetzelan wichin, ri xtitz'eton ta ri ruwach'ulew ri'.

Wuj Richin ri Q'axanri'il 14:27

¿K'a jampe' k'a xketane' re itzel taq winaqi' re', ri e rijatzul kan ri Israel chi itzel yech'on chuwij? Yin xenwak'axaj toq rije' yech'ojin.

Wuj Richin ri Q'axanri'il 32:10

Y ri Jehová xyakatej janila royowal chupan ri q'ij ri'; k'ari' xuya' rutzij y xubij chi

San Mateo 17:17

Y ri Jesús xubij k'a chi ri winaqi' ri ek'o chiri' jun sol winaqi' ri xa man kuqul ta kik'u'x. Rija' xa man jantape' ta xtik'oje' kik'in y man nukoch' ta nutz'et chi keri' nikiben. K'ari' xubij chi tikik'ama-pe ri ala' chuwech.

Marcos 9:19

Ri Jesús xubij chike ri winaqi': Kan man jun chiwe rix ri kuqul ta ruk'u'x rik'in ri Dios. ¿Rix nich'ob chi yin kan jantape' yik'oje' iwik'in? ¿Chi kan jantape' k'o chi yixinkoch'? Tik'ama-pe ri ala', xcha'.

San Juan 10:38

Jak'a wi kan ninben ri ruchilaben-pe ri Dios chuwe, tikuquba' ik'u'x wik'in roma ri', stape' man nikuquba' ta ik'u'x roma ri nubin chiwe; richin chi tiwetamaj chi ri nata' Dios jun rubanon wik'in yin y yin chuqa' jun nubanon rik'in rija', xcha'.

San Juan 12:37

Ri Jesús kan xerubanala-wi janila meyel taq banobel chikiwech ri winaqi'. Man rik'in ri' rije' man xkikuquba' ta kik'u'x rik'in.

San Juan 15:24

Stape' rije' xkitz'et re nusamaj, jak'a xa yinketzelaj yin y chuqa' ri nata'. Nubanalon k'iy meyel taq banobel. Y wi man ta kitz'eton re banobel re', man ta niq'alajin chi e aj-maki'.

Deut 1:32

Y man rik'in ri' man xikuquba' ta ik'u'x rik'in ri Jehová ri qa-Dios.

Hebreos 3:16

¿Achike ta k'a ri xebanon chi toq kan kak'axan chik ri ruch'abel ri Dios, xa xeyakatej chirij? Konojel ri xe'el-pe ri pa ruwach'ulew Egipto, ri xekol-pe roma ri Moisés.

Hebreos 3:18

¿Achike ta k'a winaqi' ri xa kan xuya' rutzij ri Dios chike chi kan man xke'ok ta chupan ri uxlanen ri nuya'? Ja ri winaqi' ri xa man xeniman ta tzij.

Hebreos 3:8

man k'a tikowirisaj ri iwánima achi'el xkiben ri iwati't-imama' ojer kan, toq xeyakatej chuwij ri chiri' pa tz'iran ruwach'ulew.