Wuj Richin ri Q'axanri'il 13:33 - Kaqchiquel Bible

³³ Y chiri' chuqa' xeqatz'et kan ri achi'a' ri e rijatzul kan ri Anac, ri achi'a' ri más nima'q kipalen chikiwech ri ch'aqa' chik. Y roj roma kan taq oj kokoj ok, xqana-qa-qi' chi oj achi'el ok taq sak' y achi'el xa kan keri' ri xojkitz'et rije', xecha'.

Wuj Richin ri Q'axanri'il 13:33 ပူးပေါင်းရင်းမြစ်များ

Wuj Richin ri Rutikeribel 6:4

Chupan ri q'ij ri', toq ri e ralk'ual ri Dios xek'ule' kik'in ri xtani' ri', y xe'alk'ualan k'a, ek'o k'a achi'a' ri nima'q kipalen*f8* chuwech ri ruwach'ulew ri yekiya' pa k'ayew ri ch'aqa' chik. Y chikij k'a rije' ek'o k'a chuqa' ch'aqa' chik itzel taq achi'a' ri kan e achi'el ri xeq'ax yan ri xek'uluyaj-pe. Jare' ri itzel taq achi'a' ri maneq xibinri'il chikiwech ri yalan xenatex ri ojer kan.

1 Crón 11:23

Y chuqa' xukamisaj jun achin aj-Egipto ri k'o jun jaj rik'in wo'o' q'a'aj ri rupalen, ri nuk'uaj jun rukum ri janila nim rupan. Ri Benaías xuk'uaj jun ch'ich' pa ruq'a' y rik'in ri' xtikir xumej ri kum pa ruq'a' ri aj-Egipto, y rik'in ri' xukamisaj-wi.

Wuj Richin ri Isaías 40:22

Ja rija' k'a ri tz'uyul chupan ri rutz'uyubal richin q'atoj-tzij, chila' chikaj. Chuwech rija' konojel winaqi' xa kan e achi'el ok ri sak'. Y rija' kan xurik' k'a ri kaj, achi'el toq nirik' jun nimalej tzieq, achi'el jun tzieq richin jun jay richin yek'oje' chupan.

Wuj Richin ri Q'axanri'il 13:22

Rije' xe'ok k'a el ri chiri' pa xokon chire ri ruwach'ulew Canaán y pa jun tinamit rubini'an Hebrón, chiri' xe'apon-wi nabey. Y ja ri chiri' ek'o-wi oxi' achi'a' ri e rijatzul kan ri Anac. Y ri achi'a' ri' kibini'an Ahimán, Sesai y Talmai. Ri tinamit Hebrón wuqu' juna' nabey xban-q'anej chuwech ri tinamit Soan ri k'o pan Egipto.

Wuj Richin ri Q'axanri'il 13:28

Jak'a ri winaqi' ri e chapayon ri ruwach'ulew ri', janila kuchuq'a'; y ri tinamit janila e nima'q y e tz'apen-kij chi tz'aq; y ri chiri' xeqatz'et chuqa' kan ri e rijatzul kan ri Anac, ri janila nima'q kipalen.

Wuj Richin ri Q'axanri'il 14:1

Y roma ri' ri winaqi' israelita xesik'in chi oq'ej y chijun ri chaq'a' ri' janila xe'oq'.

Deut 1:28

Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.

Deut 2:10

Ojer kan xek'oje' ri winaqi' emita chiri'. Ri winaqi' ri' janila e k'iy, kan janila kuchuq'a' y nima'q kipalen, kan e achi'el ri e rijatzul kan ri Anac.

Deut 3:11

Kan xaxe chik k'a ri rey Og ri k'o kan chike ri e refaíta. Ri raqen ri ruch'at*f1* ka'i' jaj rik'in ka'i' q'a'aj y ri ruwech jun jaj rik'in jun q'a'aj, y re' kan rik'in ch'ich' banon-wi. Y ri ch'at ri' k'o k'a pa kitinamit ri amonita kela' pa Rabá k'a re wakami.

Deut 9:2

Ri winaqi' ri ek'o chiri' kan nima'q kipalen y e rijatzul kan ri achin rubini'an Anac, rix kan iwak'axan k'a chi kere' nibix: Kan man jun nitikir kik'in ri e rijatzul kan ri Anac, yecha'.

Wuj Richin ri Josúe 11:21

Chupan k'a ri q'ij ri', ri Josué chuqa' xeruk'is konojel ri e rijatzul kan ri Anac ri nima'q kipalen ri ek'o chuwi' taq juyu' richin Hebrón, richin Debir, richin Anab, y ri ek'o chuwi' taq juyu' richin Judá y richin chijun ruwach'ulew Israel. Ri Josué kan xeruk'is k'a konojel ri winaqi' ri ek'o chiri' y chuqa' ri kitinamit.

Wuj Richin ri Josúe 14:12

Taya' k'a chuwe re chuwi' taq juyu' re' achi'el xubij kan ri Jehová chupan ri q'ij ri'. Rat kan xawak'axaj chupan ri q'ij ri', chi ri nima'q kipalen achi'a' ri e rijatzul kan ri Anac ek'o chiri' y kan k'a ek'o na chiri' chupan ri nima'q taq tinamit ri e sutin-kij rik'in tz'aq; rik'in ri ruto'onik ri Jehová xkenwelesaj-pe achi'el rubin rija', xcha' ri Caleb.

Wuj Richin ri Josúe 15:14

Ri Caleb xerelesaj k'a pe chi e oxi' rijatzul kan ri Anac: Ri Sesai, ri Ahimán y ri Talmai.

1 Sam 17:24

Y konojel k'a ri achi'a' ri aj-Israel, toq nikitz'et ri Goliat, ye'animej chuwech, y janila nikik'en rukiy.

1 Sam 17:42

Y toq ri Goliat xutz'et ri David chi xa jun k'ajol ala', kaqkoj nitzu'un y kan jebejoj ok rubanik, man xuya' ta rejqalen.