Wuj Richin ri Q'axanri'il 13:32 - Kaqchiquel Bible

³² Y rije' kan xkitaluj k'a rutzijol chikikojol ri winaqi' chirij ri xbekitz'eta' kan ri pa ruwach'ulew y xkibila' k'a chike: Ri ruwach'ulew ri xbeqanik'oj kan roj, jun ruwach'ulew ri akuchi xa kan xaxe qakamik xtibeqila'; y konojel ri winaqi' ri xeqatz'et kan chiri' kan janila nima'q kipalen.

Wuj Richin ri Q'axanri'il 13:32 ပူးပေါင်းရင်းမြစ်များ

Am 2:9

Ri amorreo kan janila e nima'q kipalen; kan e nima'q achi'el ri tiox-che'. Rije' kan janila kuchuq'a'; kan e kow achi'el ri tuq. Man rik'in ri' yin xenwelesaj-el pa kiruwach'ulew. Kan xenk'is k'a jumul achi'el nik'is jun che'; ri nitiker-pe pa rutum y k'a pa ruxe-qa.

San Mateo 23:13

¡Toq'ex iwech rix etamanela' chirij ri pixa' y rix fariseo ri xa ka'i' ipalej! Roma xa kan iq'aton kibey ri winaqi' richin man ye'ok ta chupan ri aj-chikajil ajawaren. Kan man utz ta k'a ri ibanon, roma man niya' ta q'ij chike ri winaqi' richin ye'ok, y ni chuqa' rix man yixok ta.

1 Crón 20:6

Chuqa' xbanatej jun chik oyowal chiri' pa Gat, y k'o k'a jun achin nim rupalen k'o kablajuj ruwi-ruq'a' y kablajuj ruwi-raqen.

2 Sam 21:20

Y xbanatej chik k'a jun oyowal ri pa tinamit Gat. Y chiri' k'o k'a jun achin ri janila nim rupalen, y k'o k'a kablajuj ruwi-ruq'a' y kablajuj ruwi-raqen.

Deut 1:28

Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.

Wuj Richin ri Q'axanri'il 13:28

Jak'a ri winaqi' ri e chapayon ri ruwach'ulew ri', janila kuchuq'a'; y ri tinamit janila e nima'q y e tz'apen-kij chi tz'aq; y ri chiri' xeqatz'et chuqa' kan ri e rijatzul kan ri Anac, ri janila nima'q kipalen.

Wuj Richin Bix Chire ri Dios 106:24

Stape' keri', ri winaqi' xa kan xketzelaj k'a ri ruwach'ulew ri kan rayixel. Man xkikuquba' ta kik'u'x rik'in ri ruch'abel rija'.

Ez 36:12

Xtinben k'a chi ri nutinamit Israel xtok chik kichin re ruwach'ulew re', richin chi xkek'oje' kan chiri' y xtikichinaj kan. Y man jun bey chik xtinya' q'ij chi xkeken ta roma wayjal ri kalk'ual.

Am 2:10

Jak'a ri kati't-kimama' ri israelita xenwelesaj-pe pan Egipto. Y kawineq k'a juna' xenk'uaj pa tz'iran ruwach'ulew. Yin xinben ronojel re' richin xinya' ri kiruwach'ulew kan ri amorreo chike.