Wuj Richin ri Q'axanri'il 13:31 - Kaqchiquel Bible

³¹ Jak'a ri achi'a' ri xebe junan rik'in ri Caleb chunik'oxik ri Canaán, xa xkibij: ¡Ni, man yojtikir ta yojbe-el y nibeqabana' oyowal kik'in ri winaqi' ri', rije' más kuchuq'a' chiqawech roj!, xecha'.

Wuj Richin ri Q'axanri'il 13:31 ပူးပေါင်းရင်းမြစ်များ

Deut 1:28

Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.

Wuj Richin ri Josúe 14:8

Ri qachibil ri xepe qik'in richin xoqanik'oj re ruwach'ulew re' xa xkiben chire ri tinamit richin xmayamo-qa ri kánima; jak'a yin xinben achi'el rubin ri Jehová ri qa-Dios.

Hebreos 3:19

Y rik'in ri', roj niqetamaj chi rije' man xetikir ta xe'ok akuchi k'o uxlanen, roma man xkikuquba' ta kik'u'x rik'in ri Dios.

Wuj Richin ri Q'axanri'il 32:9

Rije' xe'apon k'a ri kojol taq juyu' Escol y k'ari' xbekitz'eta' ri ruwach'ulew. Jak'a toq xetzolej-pe, xa xkiben chike ri qawinaq richin xkimalij kik'u'x richin man xe'ok ta chupan ri ruwach'ulew ri'.

Deut 9:1

Tiwak'axaj rix nuwinaq israelita: Wakami nibeq'axaj ri raqen-ya' Jordán richin niwichinaj ri nima'q taq ruwach'ulew, ri e k'iy winaqi' ri ek'o chupan y más kuchuq'a' chiwech rix, kan nima'q taq ruwach'ulew y e sutin-kij chi tz'aq ri janila nej e jotol.

Wuj Richin ri Q'axanri'il 13:30

Y roma xewolol-q'anej ri winaqi' ri ek'o-apo chuwech ri Moisés, roma ri' ri Caleb xuben chike chi ketane-qa chi ch'owen, y xubij chike: Roj kan qitzij chi kan yojtikir chikij. Qojjote-el y tiqamaja' ri ruwach'ulew chikiwech, xcha'.

1 Sam 17:33

K'ari' ri Saúl xubij k'a chire ri David: Rat man yabe ta. Man yatikir ta rik'in ri achin ri' roma rat xa k'a at k'ajol ala' na, y rija' jun achin ri kan richin-wi labal y kan k'a ala' na toq ruchapon-pe, xcha'.

Wuj Richin ri Q'axanri'il 32:7

¿Achike roma nimalij kik'u'x ri qawinaq richin man yeq'ax ta apo chupan ri ruwach'ulew ri xuya' yan chiwe ri Jehová?