Wuj Richin ri Q'axanri'il 13:29 - Kaqchiquel Bible

²⁹ Y ri keri' pa xokon chire ri Canaán, chiri' ek'o-wi ri amalecita; y ri chuwi' taq juyu', chiri' ek'o-wi ri winaqi' hitita, ri jebuseo y ri amorreo; y chunaqaj ri palou, chiri' ek'o-wi ri winaqi' cananeo y rije' chuqa' kiq'atapun ronojel ri ruwach'ulew k'a chuchi' ri raqen-ya' Jordán, xecha'.

Wuj Richin ri Q'axanri'il 13:29 ပူးပေါင်းရင်းမြစ်များ

Wuj Richin ri Q'axanri'il 14:43

Roma ri amalecita y chuqa' ri cananeo xa kan xtikipaba-ki' chiwech, richin xtikiben oyowal iwik'in y xkixkikamisaj chi espada. Ri Jehová kan man xtibe ta iwik'in, roma rix xa man xiwajo' ta chik xitzeqelibej rija', xcha'.

Wuj Kichin ri To'onela' 6:3

Y ri israelita keri' xkiben, roma jantape' toq nikiben-qa ri kitiko'n y jebel rubanon-pe, jari' toq yejote-q'anej ri e rijatzul ri Madián, ri e rijatzul ri Amalec y ri winaqi' ri ek'o pa relebel-q'ij, richin yekichop chi oyowal.

Wuj Richin Bix Chire ri Dios 83:7

ri guebalita, ri amonita, ri amalecita, ri aj-Filistea y ri aj-Tiro.

1 Sam 30:1

Chupan k'a ri rox q'ij jari' toq ri David y ri achi'a' ri e beneq rik'in xe'apon pa Siclag. Jari' toq xkitz'et chi ri amalecita xe'eleq' yan el chiri' y ri pa Négueb, y kan xkiya' kan ruq'aq'al.

1 Sam 14:48

Xerumol k'a jun tzobaj aj-labal, y xekich'ek k'a ri amalecita ri ye'eleq'an kik'in, y keri' xerukol ri ruwinaq pa kiq'a' ri winaqi' ri'.

Wuj Richin ri Q'axanri'il 24:20

Y k'ari' ri Balaam xtzu'un ri akuchi ek'o-wi ri ruwach'ulew richin ri Amalec y xuq'alajirisaj k'a ri ruch'abel y xubij: Ri pa nabey ja ri winaqi' amalecita ri k'o kejqalen, jak'a ri pa ruk'isibel xa xtipe wululen chikij y xkek'is,

Wuj Richin ri Q'axanri'il 14:45

Jak'a ri amalecita y ri cananeo xebeqaqa-pe chikij ri winaqi' israelita richin xekich'ek. Y e koqotan-pe k'a toq xe'oqaqa k'a chiri' pa tinamit Hormá.

Wuj Richin ri Q'axanri'il 14:25

Naqaj chik k'a ek'o-wi-apo ri winaqi' amalecita y ri winaqi' cananeo, ri chiri' pa taq taq'aj; jak'a rix, chua'q k'a xkixtzolej chik ri pa tz'iran ruwach'ulew y choj xkixbe pa ruchojmilal ri Kaqa-Palou, xcha'.

Ex 3:17

Xubij k'a chi yixrelesaj-el chupan ri tijoj-poqonal, y yixruk'uaj k'a chupan ri ruwach'ulew ri wakami k'o pa kiq'a' ri winaqi' aj-Canaán, ri heteo, ri amorreo, ri ferezeo, ri heveo, y ri jebuseo, ruwach'ulew akuchi niwachin-wi ronojel ruwech tiko'n, kere' xubij chuwe, xkacha' chike.

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.

Wuj Richin ri Rutikeribel 14:7

Y xetzolej k'a pe y xepe pa tinamit En-mispat ri chuqa' nibix Cadés-barnea chire. Y xkich'ek kan ri ruwach'ulew ri xtibe'ok kichin ri rijatzul ri Amalec y chuqa' ri ruwach'ulew ri rijatzul ri Hamor ri k'o pan Hasesón-tamar.

Wuj Richin ri Q'axanri'il 13:17

Y ri Moisés xeruteq k'a el ri achi'a' richin nibekinik'oj jebel ri ruwach'ulew y xubij-el chike: Kixbiyin-q'anej chunik'oxik ri ruwach'ulew Canaán. Tinik'oj kan jebel ri pa xokon chire ri ruwach'ulew ri' y k'ari' kixjote-el chuwi' taq juyu'.

Wuj Richin ri Q'axanri'il 13:30

Y roma xewolol-q'anej ri winaqi' ri ek'o-apo chuwech ri Moisés, roma ri' ri Caleb xuben chike chi ketane-qa chi ch'owen, y xubij chike: Roj kan qitzij chi kan yojtikir chikij. Qojjote-el y tiqamaja' ri ruwach'ulew chikiwech, xcha'.

Wuj Richin ri Josúe 5:1

Konojel ri rey kichin ri amorreo ri ek'o re juk'an-pe chire ri ruchi' ri raqen-ya' Jordán pa qajbel-q'ij y konojel ri rey kichin ri aj-Canaán ri ek'o chunaqaj ri palou, toq xkak'axaj chi ri Jehová xuben chire ri ya' richin ri Jordán chi xpa'e' y xumol-ri' chikiwech ri e rijatzul kan ri Israel y xkiq'axaj, jari' toq xmayamo-qa ri kánima y man xk'oje' ta chik uchuq'a' kik'in rije' chikiwech ri e rijatzul kan ri Israel.

Wuj Richin ri Josúe 9:1

Y xk'uluwachitej k'a chi toq konojel ri winaqi' aj-Canaán xkak'axaj ronojel ri xbanatej, jari' toq ri rey ri ek'o pa qajbel-q'ij chire ri raqen-ya' Jordán, ri ek'o pa taq'aj kojol juyu', y chuwa taq juyu', y ri taq'aj ri k'o chuchi' ri palou; ri ek'o pe kere' chuwech ri juyu' Líbano, ri hitita, ri amorreo, ri cananeo, ri ferezeo, ri heveo y ri jebuseo,

Wuj Richin ri Josúe 10:5

Xepe k'a ri wo'o' rey ri' kichin ri amorreo; xkimol k'a ki' y xekik'uaj-el konojel ri aj-labal y xebe-q'anej chunaqaj ri Gabaón, richin nibekibana' oyowal kik'in.

Wuj Richin ri Josúe 10:6

K'ari' ri aj-Gabaón xkiteq rubixik chire ri Josué ri ek'o chiri' akuchi ek'o-wi-qa pa Guilgal y xkibij-el: Man qojamalij kan. Chi'anin kajote-pe qik'in richin yojato', roma konojel ri rey kichin ri amorreo ri ek'o chuwa taq juyu' xkitun-ki' richin nokibana' oyowal qik'in, xecha'.

1 Sam 7:14

Ri israelita xkikol chik k'a kan ri kiruwach'ulew pa kiq'a' ri aj-Filistea y ri amorreo, ri nitiker-pe pan Ecrón y napon k'a pa Gat. Y kan xk'oje' k'a uxlanen kik'in.

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Deut 20:17

Konojel k'a re winaqi' re' xa kan ke'ikamisaj kan jumul: Ri hitita, ri amorreo, ri cananeo, ri ferezeo, ri heveo y ri jebuseo, y tibana' chike achi'el ri rubin ri Jehová ri qa-Dios,

Wuj Richin ri Josúe 3:10

Y chuqa' xubij: Rik'in ri xtitz'et wakami xtiwetamaj chi ri k'aslik Dios kan k'o-wi chiqakojol roj y kan ja rija' xtelesan-el chiqawech ri winaqi' cananeo, ri hitita, ri heveo, ri ferezeo, ri gergeseo, ri amorreo y ri jebuseo.

Wuj Kichin ri To'onela' 3:5

Keri' k'a ri israelita xek'oje' chikikojol ri winaqi' cananeo, ri hitita, ri amorreo, ri ferezeo, ri heveo y ri jebuseo.

1 Sam 27:8

Rija' y ri aj-labal, xebe richin yebekik'isa' ri winaqi' aj-Guesur, ri aj-Guézer y ri amalecita. Re winaqi' re' kan ojer yan ri' ek'o-pe chupan ri ruwach'ulew ri', nitiker-pe pa ruchojmilal ri Sur y napon k'a pan Egipto.

Wuj Richin ri Nehemías 9:8

Y xatz'et k'a, chi rija' kan xukuquba' ruk'u'x awik'in. Chuqa' kan xajikiba-atzij chire chi naya' chike ri rijatzul rija', ri ruwach'ulew kichin ri cananeo, ri hitita, ri amorreo, ri ferezeo, ri jebuseo y ri gergeseo. Y kan keri' k'a xaben roma rat kan naben ri nabij.