Wuj Richin ri Q'axanri'il 13:20 - Kaqchiquel Bible

²⁰ Chuqa' kan titzu' kan chi utzil ri qasanbel-ulew, wi e utz o xa yalan chaqi'j, wi ek'o che' chuwech o xa man jun. Man tixibij-iwi' richin nik'en-pe kiwech ri che' ri richin ri ruwach'ulew ri', xcha-el chike. Y chupan ri q'ij ri' jari' toq ri uva nuchop nuya' ruwech.

Wuj Richin ri Q'axanri'il 13:20 ပူးပေါင်းရင်းမြစ်များ

Deut 31:23

K'ari' ri Jehová xuya' ri ruchojmilal chire ri Josué, y xubij chire: Kan kow k'a kak'oje' y tatija' aq'ij, roma ja rat k'a ri xkatukusan-apo kichin ri awinaq chupan ri ruwach'ulew ri kan nuya'on chik nutzij chi kan ninya' chike; y yin kan xkik'oje' k'a awik'in rat, xcha' ri Jehová chire.

Ez 34:14

Xtinya' chike ronojel ri nik'atzin, achi'el nuben jun yuq'unel toq nuk'uaj ri rukarne'l ri akuchi k'o jebel q'os y chuqa' pa taq soq'olbel ri ek'o-q'anej pa taq k'echelaj. Y chiri' xtikina' ch'uch'ujil, achi'el ye'uxlan ri karne'l toq nikitej jebelej q'os y man jun xtinaqo kichin.

Wuj Richin ri Nehemías 9:35

Man xatkisamajij ta, stape' rije' xekikot rik'in ri utzilej taq ulew richin tiko'n ri xaya' chike.

Wuj Richin ri Nehemías 9:25

Y rije' xekich'ek chuqa' ri tinamit ri e sutin-kij chi tz'aq y ulew richin tiko'n. Chuqa' xok kan kichin ri kachoch ri winaqi' aj chiri', jay e nojineq rik'in beyomel. Chuqa' xok kan kichin ri ralaxbel taq ya', utzilej taq qejoj ri tikon uva y che' olivo, chuwech y ronojel che' ri nuya' ruwech. Xkitej k'a ronojel ri' y janila k'a xeti'ojir. Y xekikot k'a roma ri awutzil rat.

Hebreos 13:6

Y roma ri' kan rik'in k'a ronojel ik'u'x yixtikir nibij:*f28* Yin ja ri ajaw ri nito'on wichin. Roma ri' man xtinxibij ta wi' chuwech ri itzel ri xtuben ri wineq chuwe.

Wuj Richin ri Miqueas 7:1

Kan maneq chik winaqi' chuwach'ulew ri kan choj ta kik'aslen; maneq chik ri kuqul ta kik'u'x rik'in ri Dios. Kan toq'ex k'a nuwech yin roma yenkanoj y man yenwil ta. Yin in achi'el jun ri nukanoj uva toq xa xk'ol yan el ronojel. Yin kan xinrayij ta k'a xintej ri nabey taq ruwech ri wíkix, jak'a xa maneq. Konojel k'a ri winaqi' xa kan xaxe ri kamik nikajo' nikiben. Chi kach'alal-ki' nikiyala' tzaqibel pa taq kibey.

1 Crón 22:11

Wakami k'a, nuk'ajol yin; kan ja ri Jehová ri xtik'oje' awik'in richin xtapaba-q'anej ri rachoch, achi'el ri rubin chi ja rat xkabanon.

Wuj Richin ri Josúe 2:3

K'ari' ri rey ri' xuteq rubixik chire ri Rahab y xubij-el: Ke'awelesaj-pe ri achi'a' ri ek'o pan awachoch y ke'ajacha-pe, roma xa e peteneq wawe' richin chi nokinachaj chijun re qaruwach'ulew, xcha'.

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

Wuj Richin ri Josúe 1:6

Kow k'a kak'oje' y man taxibij-awi', roma ja rat xkajachon ri ulew chike ri awinaq, ri ulew ri xtikichinaj kan, ri xinya' nutzij chire chi kan chike ri ite-itata' ninya-wi.

Deut 1:25

Y xekik'amala-pe ri yewachin chiri' y xokik'utu' chiqawech y xokitzijoj chiqe. Y xkibij k'a chi ri ruwach'ulew ri nuya' ri Jehová Dios chiqe, kan janila jebel.

Wuj Richin ri Q'axanri'il 13:19

Titz'eta' kan chi utzil ri akuchi ek'o-wi, wi utz o xa man utz ta. Chuqa' titzu' kan jebel ri achike kibanik ri nima'q taq tinamit, wi sutin-kij chi tz'aq, o xa maneq.

Deut 1:24

Y ri achi'a' xebe k'a chuwi' taq juyu' y xe'apon k'a pa taq'aj Escol y xketamaj k'a jebel ri achike rubanik ri ruwach'ulew.

Dn 11:24

Re rey re' kan xtuben k'a ri man jun bey xkiben ri ch'aqa' chik rey ri xek'oje' ojer: Kan xtok k'a chupan jun ruwach'ulew ri akuchi k'o-wi janila chi beyomel y uxlanibel-k'u'x, y ronojel k'a ri k'o rejqalen ri xtuk'uaj-el chiri', xtuch'er k'a chikiwech ri aj-labal ri ek'o rik'in, y kan xkeruchop k'a ri tinamit ri e sutin-kij chi tz'aq. Y re rey re' kan man xtiyaloj ta k'a ri keri' xtuben.

Wuj Richin ri Josúe 2:1

Toq ri tinamit Israel k'a ek'o na chiri' pa k'echelaj Sitim, ri Josué ri ruk'ajol kan ri Nun, xeruteq-el ka'i' achi'a' pan ewel richin yebe chupan ri ruwach'ulew Canaán richin nibeketamaj kan jebel ri tinamit rubini'an Jericó. Y ri achi'a' xebe k'a y xe'ok pa rachoch jun ixoq itzel ruk'aslen rubini'an Rahab y chiri' xkiq'axaj-wi ri aq'a'.