Wuj Richin ri Q'axanri'il 12:14 - Kaqchiquel Bible

¹⁴ Y ri Jehová xubij chire: Wi ta ri itata' xchuban chupalej ri María, k'o chi nel-el wuqu' q'ij chi'ikojol roma ri ruk'ix. Y roma ri' yin ninbij chi ri María nel-el ri chiri' chi'ikojol richin wuqu' q'ij y k'ari' titzolej chik jun bey iwik'in, xcha' ri Jehová.

Wuj Richin ri Q'axanri'il 12:14 ပူးပေါင်းရင်းမြစ်များ

Deut 25:9

ri ixoq xtijel-apo rik'in ri rechan chikiwech ri achi'a' ri k'o kiq'ij. Y chikiwech rije' chiri' chuchi' ri tinamit xtrelesaj jun ruxajab chiraqen ri rechan y xtuchubaj rupalej, y xtubij: Kere' xtiban chire ri achin ri man nrajo' ta richin nik'oje' rijatzul ri ánima rach'alal chuwech ri ruwach'ulew, xticha'.

Wuj Richin ri Achin Job 30:10

Kan janila itzel yinkitz'et y k'a nej yek'oje-wi chuwe yin, y kan man nikiq'et ta juba' ki' richin nikichubaj nupalej.

Wuj Richin ri Isaías 50:6

Kan xinya' k'a ri ruche'el-wij chikiwech ri yech'ayon wichin, y chuqa' kan xinya' ri nupalej chikiwech ri xe'elesan ri rusumal-nuchi'. Kan man xinwewaj ta nupalej chikiwech ri janila xinkiyoq' y ri xinkichubaj.

Hebreos 12:9

Toq roj k'a oj kokoj na, ri qatata' xojkipixabaj, y man xeqetzelaj ta roma ri'. Xa kan xqaya' kiq'ij. ¿Y man más ta kami ruk'amon chi niqanimaj rutzij ri qatata' Dios, richin niqil ri k'aslen?

San Mateo 26:67

Xkichubala' k'a kan rupalej ri Jesús, y xkich'ey rik'in k'olon-q'a'. Chuqa' xkitz'apej ruwech y xkipaq'ila' ri rupalej.

Wuj Richin ri Achin Job 17:6

Xa banon k'a chuwe chi kan xaxe chik yin ri yinkitzijoj ri winaqi' y nuyek kitze'en, y chikiwech rije' xa kan ruk'amon chi yin nichubex ri nupalej.

Wuj Richin ri Chojmirisabelri'il 14:8

Ri wineq ri nuch'ajch'ojirisaj-ri' k'o chi nuch'ej rutziaq, natin y xtujos-el ronojel ri rusumal, y k'ari' nich'ajch'ojir. Y k'ari' utz napon chik akuchi k'o-wi-qa ri tinamit, stape' man nok ta pa rachoch wuqu' q'ij.

Wuj Richin ri Q'axanri'il 5:1

Ri Jehová xuya' chik k'a re jun ruchojmilal re' chire ri Moisés richin nuq'axaj chike ri ruwinaq y xubij: Konojel ri winaqi' ri k'o yabil chikij ri nutaluj-ri' o k'o ri yabil chike ri nipujan-pe, keri' chuqa' ri man e ch'ajch'oj ta roma xkichop jun kamineq, keri' chi achi'a' chi ixoqi' k'o chi xke'iwelesaj-pe chi'ikojol, richin man nok man ch'ajch'oj ta ri akuchi ixk'o-wi-qa y ri akuchi ink'o-wi yin chi'ikojol, xcha' ri Jehová.

2 Rey 15:5

Jak'a ri Jehová xuya' jun yabil chirij ri rey, ri nutaluj-ri'. Y kan xk'oje' k'a chirij k'a xken na, y roma ri' kan xya'ox k'a pa jun jay ruyon. Y ja ri Jotam ri ruk'ajol ri xk'oje' pa ruwi' ri q'atbel-tzij.

Wuj Richin ri Chojmirisabelri'il 13:4

Jak'a wi ri rutz'umal k'o seq'eseq-seq chirij y man sobosik ta qa y chuqa' man saqirineq ta ri rusumal, jari' k'a toq ri sacerdote xtubij chi titz'ape' pa jun jay ri wineq ri', wuqu' q'ij.