Wuj Richin ri Q'axanri'il 11:27 - Kaqchiquel Bible

²⁷ Y k'o k'a jun ala' ri junanin xapon rik'in ri Moisés richin xberuya' rutzijol chire, chi ri Eldad y ri Medad kichapon ruq'alajirisaxik ri ruch'abel ri Dios ri chiri' ri akuchi ek'o-wi-qa.

Wuj Richin ri Q'axanri'il 11:27 ပူးပေါင်းရင်းမြစ်များ

Marcos 9:38

K'o k'a jun q'ij chi ri Juan xubij chire ri Jesús: Tijonel, k'o jun achin man qachibil ta ri qatz'eton kan. Y re achin re', pan abi' rat yerelesala' itzel taq espíritu. Jak'a roma xa man qachibil ta, xqabij chire chi man chik tuben keri', xcha' rija'.

Wuj Richin ri Q'axanri'il 11:26

Y xbanatej k'a chi ek'o e ka'i' achi'a' ri kibini'an Eldad y Medad, ri xek'oje' kan ri akuchi ek'o-wi-qa y man xe'apon ta chupan ri molojri'il. Y rije' kan xqaqa chuqa' ri Espíritu pa kiwi' y xkichop k'a yech'on achi'el yech'on ri e oxk'al waqxaqi' achi'a'. Y rije' ek'o k'a chikikojol ri xecha'ox roma ri Moisés.

Wuj Richin ri Q'axanri'il 11:28

Y ri Josué ri ruk'ajol ri Nun, kan k'a ala' na k'a toq ruchapon-pe nuto' ri Moisés; y xch'on k'a rik'in y xubij chire: ¡Moisés wajaw yin, ke'aq'ata' ri achi'a' ri' richin chi man nikiben ta chik keri'!, xcha'.

San Lucas 9:49

Jak'a ri Juan xubij chire ri Jesús: Tijonel, k'o jun achin man qachibil ta ri qatz'eton kan. Y re achin re', pan abi' rat yerelesala' itzel taq espíritu. Jak'a roma xa man qachibil ta, xqabij chire chi man chik tuben keri', xcha' rija'.