Wuj Richin ri Q'axanri'il 10:29 - Kaqchiquel Bible

²⁹ Y ri Reuel ri rujinan ri Moisés k'o k'a jun ruk'ajol rubini'an Hobab. Y ri Moisés xch'on rik'in ri Hobab y xubij chire: Roj jare' yojbe chupan ri ruwach'ulew ri rusujun ri Jehová chiqe. Rija' kan rubin chiqe chi kan utz xtuben qik'in. Jo' k'a qik'in y roj chuqa' kan utz k'a xtiqaben awik'in, xcha' chire.

Wuj Richin ri Q'axanri'il 10:29 ပူးပေါင်းရင်းမြစ်များ

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Rutikeribel 13:15

roma ronojel la ulew natz'et, xtinya' chawe rat y chike ri awijatzul richin q'asen.

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

Wuj Richin ri Rutikeribel 17:8

Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.

Wuj Richin ri Rutikeribel 32:12

Y rat xabij chuqa' chuwe: Yin janila jebel xtinben chawe y ri awijatzul ri xkebek'oje' kan achi'el ri sanayi' ri k'o chuchi' ri palou ri man jun nitikir najlan kichin, xacha' chuwe, xcha' ri Jacob chire ri Dios.

Wuj Richin Bix Chire ri Dios 100:1

Kixbixan k'a rik'in kikoten chire ri Dios, chi'iwonojel rix ri ixk'o chuwech re ruwach'ulew.

Wuj Richin Bix Chire ri Dios 34:8

Titejtobej y titz'eta' chi kan utz-wi ri Jehová. Jebel ruwa-ruq'ij ri wineq ri nukuquba' ruk'u'x rik'in.

Wuj Richin Bix Chire ri Dios 95:1

Kixanpe, qojch'on rik'in kikoten chire ri Jehová. Rik'in kikoten qabixala' bix chire ri qatobal y qakolonel.

Ex 18:1

Ri Jetro ri rujinan ri Moisés, ri sacerdote richin ri Madián xapon k'a rutzijol rik'in ronojel ri rubanon ri Dios rik'in ri Moisés, y kik'in konojel ri israelita y achike rubanik toq xerelesaj-pe pan Egipto.

Ex 18:12

Y k'ari' ri Jetro xusuj jun poron kamelabel y ch'aqa' chik kiwech kamelabel chire ri Jehová. Y ri Aarón y konojel ri rijita'q taq achi'a' ri kan k'o kiq'ij chikikojol ri israelita, xe'apon richin xbekitija' kiway rik'in ri Jetro, ri chiri' chuwech ri Jehová.

Ex 18:27

Y toq ri Jetro k'o k'a chi nitzolin-el, ri Moisés xbe richin chi xberujacha' kan, k'a nej juba' chire ri rubey. Rija' xujech k'a el ri rujinan y xbe pa ruruwach'ulew.

Ex 2:18

Y toq xetzolin rik'in ri kitata', rija' xubij chike: ¿Achike xiben-pe, achike roma chi'anin xixtzolej-pe wakami?, xcha'.

Ex 2:21

Y keri' toq ri Moisés kan xqa' chuwech richin xk'oje' kan chiri' pa rachoch ri achin ri'. Y toq ik'owineq chik juba' q'ij, ri Jetro xuya' k'a jun chike ri rumi'al chire richin nok rixjayil. Ri xten ri' rubini'an Séfora.

Ex 3:1

Toq ri Moisés yeruyuq'uj ri karne'l e richin ri Jetro, ri rujinan, ri sacerdote chuqa' richin Madián, k'o k'a jun q'ij xeruk'uaj-el ri karne'l k'a pa tz'iran ruwach'ulew y xapon k'a chunaqaj ri juyu' richin ri Dios ri rubini'an Horeb.*f2*

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.

Ex 6:4

Chuqa' xinjikiba' chike chi ninya' ri ruwach'ulew richin ri Canaán chike, ri akuchi xeq'ax yan juba'.

Wuj Richin ri Isaías 2:3

Janila chi winaqi' xke'apon y xtikibij k'a chikiwech: Kixanpe, qojjote-el pa ruwi' la juyu' richin ri Jehová. Jo' chupan ri rachoch ri ki-Dios ri israelita. Chiri' ri Jehová xtiberuk'utu' ri rubey chiqawech, y roj kan xqojtikir xqojbiyin chupan. Roma chiri' pa Sión xtel-wi-pe ri rutijonik ri Jehová, y chiri' pa Jerusalem xtibeq'alajin-wi ri ruch'abel, xkecha'.

Wuj Richin ri Jeremías 50:5

Rix xtik'utuj ri akuchi k'o-wi ri bey ri nibe pa tinamit Sión. Y keri' k'a xkixbe y xtibij chi nijunamatej-iwech wik'in. Xtiben k'a jun jikibel-tzij richin q'asen, richin chi man jun bey xkinimestaj.

Wuj Richin ri Q'axanri'il 10:28

Kere' xkiben toq xe'el-el ri e rijatzul kan ri Israel, kan pa taq tzobaj k'a ri xe'el-el y cholan k'a ri e beneq.

Wuj Richin ri Q'axanri'il 23:19

Ri Dios man junan ta rubanik rik'in jun achin y nutz'uk ta tzij, rija' man wineq ta richin chi nujel ruch'obonik. Ronojel ri nusuj rija', kan nuben-wi. Toq nich'on k'a rija', kan nibanatej-wi.

Hechos 7:5

Ri Dios kan man jun k'a ulew xuya' ta kan chire ri Abraham chupan re ruwach'ulew re', stape' ta xaxe richin nipa'e-wi. Jak'a ri Dios kan xusuj-wi k'a chire chi re ruwach'ulew re' xtok richin rija' y qichin roj ri oj riy-rumam. Kere' xubij ri Dios chire ri Abraham, stape' man jun ralk'ual chiri'.

Deut 30:5

Xkixrumol chik k'a chupan ri ruwach'ulew ri akuchi xek'oje-wi ri qati't-qamama', richin keri', rix chuqa' xtiwichinaj ri ruwach'ulew ri' y kan utz xkixk'oje' y kan xkixwinaqir más chikiwech ri qati't-qamama'.

Deut 4:40

Roma ri' kan titaqej k'a ri rupixa' ri ninya' chiwe wakami, richin chi utz yixk'ase' rix y ri iwijatzul; y kan xkixk'ase' k'iy juna' chuwech ri ruwach'ulew ri xtuya' chiwe ri Jehová ri qa-Dios richin jantape', xcha' ri Moisés.

Tito 1:2

Y rik'in ri' kan qoyoben k'a ri utzilej k'aslen ri man jun bey xtik'is. Y ja k'aslen ri' ri sujun roma ri Dios ojer kan toq k'a man jani k'o ta re ruwach'ulew. Y kan nuya-wi, roma ri Dios kan nuben-wi ri rubin.

Hebreos 6:18

Ri Dios, kan qitzij wi ri nubij y man nitikir ta nutz'uk-tzij chirij ri rusujun y ri ya'on-tzij ri rubanon. Roma ri' k'o oyobenri'il qik'in roj pa ruwi' ri peteneq chiqawech.

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

Wuj Kichin ri To'onela' 1:16

Ri e rijatzul ri Jetro, rujinan ri Moisés, xe'el-el chupan ri Tinamit Richin Palmera ri chuqa' nibix Jericó chire, y xebe chikij ri e rijatzul ri Judá pa tz'iran ruwach'ulew ri k'o pa xokon, ri k'o chunaqaj ri tinamit Arad, y xebek'oje' k'a chiri' pan Arad, chikikojol ri aj chiri'.

Wuj Kichin ri To'onela' 4:11

Y k'o k'a jun achin rubini'an Héber, rija' jun achin quenita, y rijatzul kan ri Hobab jun ach'alalri'il richin kan ri Moisés. Rija' ruyon k'a k'o, ruch'aron-el-ri' chike ri ch'aqa' chik winaqi' quenita, y rupaban-q'anej rachoch ri banon rik'in tzieq, ri chiri' akuchi ek'o-wi ri paten-che' richin Saanaim, ri k'o chunaqaj ri Quedes.

1 Sam 15:6

Y ri Saúl xuteq rubixik chike ri winaqi' quenita chi tikijech'ej-ki' kik'in ri amalecita richin chi man yek'is ta junan kik'in rije', roma ri quenita xkijoyowaj kiwech ri israelita toq e jotol-pe pan Egipto. Y ri winaqi' quenita xe'el k'a pe chikikojol ri amalecita.