San Mateo 9:23 - Kaqchiquel Bible

²³ Y toq ri Jesús xapon pa rachoch ri achin janila ruq'ij, xutz'et chi ek'o chik ri yexupun xul, y ri winaqi' janila yech'ujlan.

နောက်ထပ်ဗားရှင်းများ

Kaqchikel Santo Domingo (Xenacoj)

²³ Atoq ri Jesús xbꞌeqaqa chirachoch ri achi nim ruqꞌij, xerutzꞌet ri ngexulan aj, y chuqaꞌ ekꞌiy ri ngesikꞌiyaj chi oqꞌej.

Kaqchikel Santa Maria de Jesus

²³ Y antok ri Jesús ntuoc-oc pa rachuoch ri ache ri principal, xutzꞌat chi ri vinak ncaꞌchꞌujuyan y icꞌo chic ri niquixupuj ri flautas.

Kaqchikel Central Guatemala

²³ Y tok ri Jesús noc c'a apo pa rachoch ri achin janíla ruk'ij, ri Jesús xutz'et chi yech'ujlan y ec'o chic c'a ri yexupun xul.

Re C'ac'a Testamento pa Kach'abal

²³ Y tak xoc-apo re Jesús pa rachoch re ache camas ruk'ij, re Jesús xutz'at che re vinak can je'elinak ch'o'j y chuka' jec'o chic re musiqueros chin ne'muk can re xtan.

Kaqchikel Western Solola

²³ Y tek ri Jesús ntoc c'a apo pa rachoch ri achi ri principal, xutz'et chi ri winek yech'ujlan y yec'o chic c'a ri yebano xul.

San Mateo 9:23 ပူးပေါင်းရင်းမြစ်များ

2 Crón 35:25

Y ri Jeremías kan xuben k'a jun bix richin bis. Y k'a re q'ij re' konojel ri bixanela' chi alaboni' chi xtani' noqaqa chikik'u'x ri rey Josías toq nikibixaj ri bix richin bis; y re' kan xok k'a kan jun ruchojmilal chiri' pan Israel, y re bix re' xtz'ibatej kan chupan ri wuj richin bis.

Hechos 9:39

Ri Pedro kan xbe k'a kik'in k'a pa Jope. Toq rija' xapon, xukusex k'a pa jay ri li'an-wi ri kamineq. Ri malkani' taq ixoqi' xe'apon rik'in; ye'oq' y nikik'utula' k'a apo chuwech ri tzieq ri xerubanala' ri Dorcas toq k'a k'es na.

San Lucas 7:32

Rije' xa e junan kik'in ri alaboni' ri ek'o pa taq bey. Roma rije' rik'in kuchuq'a' yech'on chikiwech, y nikibij k'a chupan ri ketz'anen: Xojq'ojoman rik'in xul rik'in kikoten chiwech, jak'a man xixxajo' ta. Xqabixaj bix richin bis chiwech, jak'a man xixoq' ta, yecha'.

San Mateo 11:17

y nikibij: Xojq'ojoman rik'in xul ri ruk'amon-pe kikoten, jak'a man xiwajo' ta xixxajo'. Xqabixaj bix richin bis chiwech y man xixoq' ta, yecha'. Y xa ix keri' k'a rix ri ixk'o wakami; kan man jun k'a niqa' chiwech.

Wuj Richin ri Jeremías 16:6

Kan chi ch'uti'q chi nima'q xkeken chupan re ruwach'ulew re' y man jun xtimuqun, ni man jun xtoq'en kichin, ni man jun xtibison chikij y xtusok ta ri' o nusokaj ta ri rusumal-ruwi' retal richin bis.

Ez 24:17

Jak'a pan ewel ninya' q'ij chawe chi yajiq'ijo'x chirij. Man tak'ut chi yabison ni man tawelesaj ri kuchubel-ajolon, ni ri axajab. Chuqa' man tatz'apej apalej, ni man tatej q'utun richin bis, xcha' ri Jehová chuwe.

Hechos 20:10

Jak'a ri Pablo xbeqaqa-pe y xjupe' chirij ri ruch'akul ri ala', y xuq'etej. K'ari' xubij k'a chike ri qach'alal: Man tixibij-iwi'. Re ala' xa xk'astej yan pe, xcha'.

Apocalipsis 18:22

Ni man jun bey chik xtik'ases ta ri pa taq rubey rik'in ri kich'abel ri arpa, ri trompeta y ri xul. Chuqa' man xkek'oje' ta chik samajela' ri yebanon jalajoj ruwech samaj y man xkeq'ajan ta chik ri ka'.