San Mateo 8:5 - Kaqchiquel Bible

⁵ Toq ri Jesús xapon pa tinamit Capernaum, xapon k'a jun achin aj-Roma uk'uey kichin ri aj-labal. Y xuk'utuj k'a jun utzil chire.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Atoq ri Jesús xbꞌeqaqa pa tinamit Cafarnaúm, kꞌo jun ki-jefe 100 soldados xjel apu apeꞌ kꞌo ri Jesús y kereꞌ rukamelal xukꞌutuj chare:

Kaqchikel Santa Maria de Jesus

⁵ Antok ri Jesús xuoc pa tanamet Capernaum, xalka jun capitán riqꞌuin y xucꞌutuj jun favor cha.

Kaqchikel Central Guatemala

⁵ Y tok ri Jesús c'o chic c'a ri pa tinamit Capernaum, c'o c'a jun achin ri xapon riq'uin. Y ri achin ri' jun Capitán y xuc'utuj c'a jun utzil chire ri Jesús.

Re C'ac'a Testamento pa Kach'abal

⁵ Y tak re Jesús c'o chic pa tenemit Capernaum, c'o jun ache xapon riq'uin. Y re ache re' jun capitán y xuc'utuj jun utzil cha.

Kaqchikel Western Solola

⁵ Y tek ri Jesús xoc c'a pa tinamit Capernaum, c'o c'a jun achi ri xapon riq'ui. Y ri achi ri' jun capitán y xuc'utuj c'a jun utzil chare ri Jesús.

San Mateo 8:5 ပူးပေါင်းရင်းမြစ်များ

San Mateo 27:54

Ri aj-labal aj-Roma y ri aj-raqen pa kiwi', toq xkitz'et ri xuben ri silonel, y kitz'eton chuqa' ri ch'aqa' chik ri xebanatej, rije' kan janila k'a xkixibij-ki' y xkibila': Kan qitzij na wi chi re jun achin re' ruk'ajol ri Dios, xecha'.

Hechos 27:43

Jak'a ri aj-raqen pa kiwi' ri aj-labal rubini'an Julio, man xrajo' ta chi xkiben keri', richin chi nikolotej ri Pablo. Xa xubij k'a chi janipe' ri kan yetikir yemuxan tikik'aqa-el ki' y kebe nabey k'a chuchi' ri ya'.

Hechos 27:31

Roma ri' ri Pablo xberuya' k'a rutzijol chire ri Julio y chuqa' chike ri aj-labal chi wi xtikiya' q'ij chi ye'animej-el ri kan ye'uk'uan-wi richin ri lancha, man jun chiqe roj y ri ek'o pa lancha ri xqojkolotej ta chuwech ri kamik.

Hechos 23:17

Toq ri Pablo xrak'axaj ri', xroyoj k'a jun aj-raqen, y xubij chire: Tak'uaj juba' re ala' re' k'a chuwech ri uk'uey kichin ri aj-labal, roma k'o jun nrajo' nubij chire, xcha'.

San Mateo 4:13

Xq'ax-el pa Nazaret, y xbek'oje' pa tinamit Capernaum; jun tinamit ri k'o chuchi' ri choy chukojol ri kulew ri e kiy-kimam kan ri Zabulón y ri Neftalí.

Hechos 27:13

Toq xpe k'a ri xokomil, rije' xkich'ob chi utz nikiben-el rutzijol chi yojbe k'a ri pa Fenice. Toq xojel k'a el, xaxe k'a ri ruchi' ri ya' richin ri Creta oj beneq-wi.

Hechos 23:23

Kan jari' k'a toq rija' xeroyoj e ka'i' aj-raqen, y xubij chike chi chupan ri beleje' hora chire ri chi'aq'a' ri', nrajo' k'a chi kichojmirisan chik ki' oxk'al lajuj aj-labal ri yebe chirij kiej, y 200 aj-labal ri yebe chikaqen y nikik'uaj-el kikum, richin yebe k'a pa Cesarea.

Hechos 22:25

Jak'a toq ximon chik ri Pablo richin nich'ay, rija' xubij chire ri aj-raqen ri k'o pa kiwi' ri aj-labal: Yin in richin chuqa' ri ajawaren richin ri Roma. ¿Ruk'amon kami chi yinich'ey, toq xa man jani tiq'at tzij pa nuwi'?, xcha'.

Marcos 15:39

Chuwech-apo akuchi k'o-wi ri Jesús k'o k'a jun aj-raqen pa kiwi' ri aj-labal aj-Roma. Rija' xrak'axaj k'a toq ri Jesús rik'in ruchuq'a' xch'on, y jari' toq xken. Roma ri' rija' xubij: Kan qitzij na wi chi re achin re' kan ruk'ajol ri Dios, xcha'.

Marcos 2:1

Toq ik'owineq chik k'a ka'i-oxi' q'ij, ri Jesús xtzolin chik jun bey pa tinamit Capernaum. Y toq ri janila chi winaqi' xkak'axaj chi rija' k'o pa jun jay ri chiri' pa tinamit,

San Mateo 9:1

K'ari' ri Jesús y ri e tzeqelibeyon richin, xe'ok chik el pa barco, y xebe ri juk'an chik ruchi' ri choy, y xe'apon pa tinamit ri kan tik'oje-wi rija'.

San Mateo 11:23

Y rix aj-Capernaum, ri kan ix beneq pa jotol roma janila inimirisan iq'ij, man rik'in ri' xa xtiqasex k'a iq'ij y xa k'a pa jul akuchi k'o ri tijoj-poqonal xkixbeqaqa-wi. Roma xa ta ronojel ri meyel taq banobel ri xbanatej iwik'in ja ta ri' ri xbanatej chikiwech ri aj-Sodoma, rije' xa kan xkinimaj ta y man ta xek'is rachibilan ri kitinamit. Y xa k'a ek'o ta na re q'ij re'.

Hechos 9:38

Ri Jope man nej ta k'a kikojol rik'in ri Lida. Y ri qach'alal ri ek'o pa Jope, toq xkak'axaj chi ri Pedro k'o ri pa Lida, xekiteq k'a el ka'i' achi'a' rik'in, richin xbekibij chire: Tabana' utzil katanpe chi'anin pa Jope, roma yak'atzin chiqe, xecha' chire.