San Mateo 7:6 - Kaqchiquel Bible

⁶ Ronojel ri e jachon chik chuwech ri Dios, man ke'iya' chike ri tz'i', roma rije' xa xkepe chiwij rix. Y man tiya' chike ri aq, ri k'o janila rejqalen, roma xa xtikibech chi'aqen.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Rix ma ndiyaꞌ ta chikiwech tzꞌiꞌ jun achike ri kin loqꞌolej wi, porque ma ketaman ta ri reqalen y kꞌo cheꞌel xkepuꞌun chiwij y xkixkixil chi eyaj. Keriꞌ chuqaꞌ, ma ndiyaꞌ ta perlas chikiwech aq, porque ma ndikiyaꞌ ta cuenta chare ri keqalen, xa ngekiyeqꞌ chi aqen. Keriꞌ chuqaꞌ ma tiyaꞌ ri qetzij chin ri Dios chikiwech wineq ri iwetaman chi ma xtikiyaꞌ ta cuenta chare ri nimalej reqalen, y xa xkeyakatej chiwij.

Kaqchikel Santa Maria de Jesus

⁶ Ri can richin ri Dios, man tayaꞌ chica ri tzꞌeꞌ; y ri perlas, man tayaꞌ chiquivach ri ak. Ruma ri tzꞌeꞌ y ri ak, mesque jun kax altíra rakalien, choj ncaꞌkꞌax paroꞌ y cꞌo mul ncaꞌa chirij ri niyoꞌn reꞌ chica y niquicꞌux.

Kaqchikel Central Guatemala

⁶ Ri ruch'abel ri Dios y ronojel ri janíla quejkalen, ri achi'el quejkalen ri abej nibix perla chique, man que'iya' chiquivech ri vinek ri xa niquiben achi'el niquiben ri tz'i' y ri ak. Roma ri chicop ri', stape' janíla rejkalen ri nuya' jun vinek chique, rije' niquipalibela' y c'o bey yeyacatej chirij ri xyo'on chique y niquiker chi eyaj.

Re C'ac'a Testamento pa Kach'abal

⁶ Re ruch'abal re Dios y ronojel re camas quijkalen, ancha'l re aboj nibex perlas chique, man tiya' chique re vinak re niquiban ancha'l niquiban re tz'e' y re ak. Roma re chicop re', astapa' camas rajkalen re nuya' jun vinak chique, reje' xa niquixak'ela' rue' y hasta c'o bey ye'yacataj chij re xyi'o-apo chique chin che niquijixc'aj che eyaj.

Kaqchikel Western Solola

⁶ Ri lok'olaj ruch'abel ri Dios y ronojel ri c'o quejkalen, ri achi'el quejkalen ri abej ri nibix perla chique, ma que'iya' ta chiquiwech ri winek ri xa ye achi'el ri tz'i' y ye achi'el ri ak. Ruma ri chicop ri', astape' sibilaj quejkalen ri niya'ox (nya') chique, riye' xa niquipalbela' chi aken y c'o jantek yeyacatej chrij ri xya'o chique y niquic'ajij chi eyaj.

San Mateo 7:6 ပူးပေါင်းရင်းမြစ်များ

Wuj Richin Etamabel-Tzij 11:22

Achi'el jun wiqobel ri banon rik'in q'anapueq y xa chirutza'n jun aq k'o-wi, xa keri' k'a ri jun jebejoj ok jun ixoq y xa nuk'ut chi maneq retamabal.

Wuj Richin Etamabel-Tzij 23:9

Kan man k'a katzijon rik'in jun wineq ri xa man jun ok retaman, roma ri na'oj ri natzijoj chire rat, chuwech rija' xa man jun rejqalen, xa rutze'en nuya'.

Wuj Richin Etamabel-Tzij 26:11

Ri wineq ri xa maneq runa'oj, ri nitzolin chik chubanik ri itzel taq banobel, kan junan rik'in ri tz'i' toq nitzolin ri akuchi xxa'a' wi kan, richin niberutija' chik pe ri ruxa'on kan.

Wuj Richin Etamabel-Tzij 26:4

Toq ri wineq ri xa maneq runa'oj, k'o ch'abel ri yerubila' chawe, rat kan man taben chuqa' keri', man xa tibek'ulun-pe chi rat at junan rik'in rija'.

San Mateo 15:26

Jak'a ri Jesús xubij chire: Ri rutzil ri Dios man utz ta chi chire xabachike ninya-wi. Achi'el ri kiway ri alk'ualaxela' ri man ruk'amon ta chi nelesex chike rije' richin niya'ox chikiwech ri tz'i', xcha' ri Jesús.

San Mateo 24:10

E k'iy k'a ri kan xketzaq chik kan, ek'o chuqa' xtikisujula-ki' y ek'o ri xtiketzelaj-ki'.

San Mateo 7:5

Xa ka'i' apalej. Nabey k'o chi nawelesaj ri che' pa runaq'-awech rat richin chi natz'et jebel ri ti q'ayis ri k'o pa runaq'-ruwech ri jun chik.

2 Corintios 11:26

K'iy k'a ri e nuk'owisalon-pe: Pa raqen taq ya', pa kiq'a' eleq'oma', ri nuwinaq judío ri ye'etzelan wichin y keri' chuqa' ri ch'aqa' chik winaqi' ri xa man e nuwinaq ta. Wilon ruk'ayewal pa taq tinamit, pa taq tz'iran ruwach'ulew, pa ruwi' ri palou, y pa kiq'a' ri man e qitzij taq qach'alal ta.

Filipenses 3:2

Kan tichajij k'a iwi' chikiwech ri nuwinaq ri xaxe nokibana' itzel taq banobel. Yin ninch'ob chi rije' achi'el ri e itzel taq tz'i'. Rije' nikibij chi richin nikolotej jun wineq, kan nik'atzin chi niqupix richin jun retal chi niq'alajin chi richin ri Dios.*f3*

Hebreos 10:29

Y wi keri', ¿man nich'ob ta kami rix chi xa más ruk'ayewal niqaqa pa ruwi' ri wineq ri nuxolq'otij ri rubi' ri Ruk'ajol ri Dios, y nuben chi man jun rejqalen ri rukik'el ri xya'on rejqalen ri jikibel-tzij?, roma ja kik' ri' ri xch'ajch'ojirisan ri ruk'aslen. Chuqa' ri wineq ri nixolq'otin richin, kan nretzelaj chuqa' ri Loq'olej Espíritu ri niya'on utzil pa qawi'.

2 Pedro 2:22

Y re wawe' kan qitzij na wi chi nibanatej achi'el ri nubij jun tzij: Ri tz'i' nuberutija' chik pe ri ruxa'oj. Chuqa' achi'el ri nubij: Ri aq, stape' jebel atinisan chik el, niberukicha' chik pe ri' pa ch'abeq jun bey.*f2*

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.