San Mateo 7:26 - Kaqchiquel Bible

²⁶ Jak'a xabachike wineq ri nak'axan ri ch'abel ri ninbij yin, y xa man nuben ta ri ninbij chire, kan ninjunamaj k'a rik'in jun nakanik achin ri xupaba' jun rachoch pa ruwi' sanayi'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁶ Pero ri ndakꞌaxan ri tzij ngitajin chubꞌixik y ma ndubꞌen ta ri nibꞌij chare, nijunumaj rikꞌin jun achi ri ma ndikaney ta runoꞌoj, ri pariꞌ sanayiꞌ xupabꞌaꞌ ri rachoch.

Kaqchikel Santa Maria de Jesus

²⁶ Pero chica-na ri joꞌc nraꞌxaj ri niꞌej inreꞌ y man nuꞌon ta ri niꞌej cha, junan riqꞌuin jun ache nacanic ri xuꞌon ri rachuoch pa sanayeꞌ.

Kaqchikel Central Guatemala

²⁶ Y xabachique c'a vinek ri nac'axan ri ch'abel ri c'ari' ninbij-ka, y xa man nuben ta ri ninbij chire, can junan c'a riq'uin ri jun nacanic achin ri xupaba' jun rachoch pa sanayi'.

Re C'ac'a Testamento pa Kach'abal

²⁶ Pero re vinak re nuc'axaj re nuch'abal y man nuban-ta re nimbij cha, junan riq'uin re jun ache nacanic re xupoba' jun rachoch, y manak ru-cimiento xuban, xaxe tal choj xutz'uyuba-ka pa rue' ulef.

Kaqchikel Western Solola

²⁶ Y xabachique c'a winek ri nac'axan re ch'abel re xinbij ka, y xa ma nuben ta ri nbij chare, can junan c'a riq'ui ri jun nacanic achi ri xuben jun rachoch pa ruwi' sanayi'.

San Mateo 7:26 ပူးပေါင်းရင်းမြစ်များ

San Lucas 6:49

Jak'a ri wineq ri nrak'axaj ri nuch'abel, y man nuben ta ri ninbij chire, xa junan rik'in ri jun achin ri xupaba' jun rachoch, y xa man jebel ta xuben chire ri ruxe'. Y toq ri raqen-ya' xbek'iy-pe, xberila' ri jay rik'in uchuq'a'; ri jay ri' xtzaq y xk'is chiri', xcha'.

Wuj Richin ri Jeremías 8:9

Jak'a rix ri ix aj-na'oj xa xtiqasex iq'ij y kan xkixk'ixbitej. Xa kan xtiben achi'el ri chikopi' ri nikiya-ki' pa jun pikbel. ¿Akuchi kami k'o-wi ri ina'oj roma xa man xik'ul ta chi utzil ri nuch'abel?

Santiago 2:20

Rat xa yalan at nakanik rik'in ri ach'obonik. Xtink'ut na pe chawech wakami, chi wi nabij chi kuqul chik ak'u'x rik'in ri Dios y xa man naben ta ri utzilej taq banobel, xa man jun k'a nik'atzin-wi ri nabij.

1 Sam 2:30

Roma ri', yin Jehová ri i-Dios ninbij chi stape' yin xibin chi ri aj pan awachoch y ri aj pa rachoch ri atata' ye'ok nu-sacerdote richin q'asen, jak'a re wakami ninbij chi man jun bey chik xtinben kere'. Wakami k'a, ri xtuya' nuq'ij xtinya' ruq'ij, y ri xkinketzelaj, kan xtinben chike chi man jun kejqalen. Ja yin Jehová ri yibin.

Wuj Richin Etamabel-Tzij 14:1

Jun ixoq aj-na'oj kan nitikir-wi nuben chi kow yek'oje' ri aj pa rachoch; jak'a ri xa maneq runa'oj, xa ja rija' yetalun-el kichin.

Wuj Richin ri Achin Job 22:16

Rije' kan chi'anin yan k'a xeken-el, y xa man jani kiq'ij ta; achi'el xa ta xpe jun raqen-ya', xuk'ot-el ri ulew ri kipaliben y xeruk'uaj-el.

San Mateo 7:24

Y xabachike k'a wineq ri nak'axan y nuben ri ch'abel ri ninbij, yin xtinjunamaj k'a rik'in jun nowineq achin ri xupaba' jun rachoch pa ruwi' abej.

San Mateo 7:25

Xqaqa k'a job, xepe raqen taq ya' y kaq'iq' chirij ri jun jay ri', jak'a ri jay man xtzaq ta, roma ri ruxe' kan chupan ri abej tikil-wi.

San Mateo 7:27

Xqaqa k'a job, xpe k'a raqen taq ya' y ri kaq'iq' xberupaxij-ri' chirij ri jay; y ri jay ri' xa xtzaq; y xwuluwu' jumul roma xa man jikil ta ri ruxe', xcha' ri Jesús.