San Mateo 7:21 - Kaqchiquel Bible

²¹ Man konojel ta k'a ri winaqi' ri yebin chuwe ¡Wajaw! ¡Wajaw! ri xke'ok chupan ri aj-chikajil ajawaren. Roma xa kan xaxe ri winaqi', ri rik'in ronojel kánima nikiben ri rurayibel ri nata' ri k'o chila' chikaj, ri xke'ok chupan ri ajawaren ri'.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Ma konojel ta ri ngebꞌiꞌin Ajaw, Ajaw chuwa, xkeꞌok chupan ri aj chikaj reino, xa kin xe wi ri ngebꞌanun ri rurayibꞌel ri Nataꞌ Dios kꞌo chikaj.

Kaqchikel Santa Maria de Jesus

²¹ Man quinojiel ta ri ncaꞌeꞌn chuva: Ajaf, Ajaf, xcaꞌuoc chupan ri reino ri cꞌo chicaj. Ri xcaꞌuoc chireꞌ, xa ja ri niquiꞌan riqꞌuin nojiel cánima ri nrajoꞌ ri Nataꞌ Dios ri cꞌo chicaj.

Kaqchikel Central Guatemala

²¹ Can e q'uiy vi c'a vinek ri yebin ¡Ajaf! ¡Ajaf! chuve yin, pero man conojel ta chique rije' ri ye'oc pa ruk'a' ri Dios o chupan ri aj-chicajil ajavaren. Roma ri ye'oc richin ri Dios xaxe c'a ri can riq'uin ronojel cánima niquiben ri rurayibel ri Nata' Dios.

Re C'ac'a Testamento pa Kach'abal

²¹ Camas je q'uiy vinak re ye'bin ¡Ajaf! ¡Ajaf! chua, pero man conojel-ta chique reje' xque'oc pa ruk'a' re Dios. Roma re xque'oc pa ruk'a' re Dios xaxe re can riq'uin ronojel cánma niquiban re nurayij re Nata' Dios.

Kaqchikel Western Solola

²¹ Ma quinojel ta ri yebin ¡Ajaf! ¡Ajaf! chuwe, ri ye'oc pa rajawaren ri caj. Ruma xaxu (xaxe) wi c'a ri can riq'ui ronojel cánima niquiben ri ruraybel ri Nata' ri c'o chila' chicaj ri ye'oc chiri'.

San Mateo 7:21 ပူးပေါင်းရင်းမြစ်များ

San Mateo 12:50

Roma kan konojel k'a ri yebanon ri rurayibel ri nata' ri k'o chila' chikaj, jari' ri nte', wana' y ri wach'alal, xcha' ri Jesús.

San Mateo 16:17

K'ari' ri Jesús xubij: Utz ruwa-aq'ij rat Simón Pedro ruk'ajol ri Jonás. Ri xabij, man wineq ta k'a ri xq'alajirisan chawech, xa kan jak'a ri nata' Dios ri k'o chila' chikaj.

San Mateo 18:10

Man k'a tiwetzelaj ri más ruqasan-ri' chike ri nutijoxela', roma rije' kan e chajin-pe koma ángel ri ek'o rik'in ri nata'.

San Mateo 18:19

Chuqa' ninbij chiwe: Wi chuwech re ruwach'ulew ek'o e ka'i' chiwe rix ri junan kiwech richin chi nikiben xabachike k'utunik chire ri Dios, ri nata' Dios ri k'o chila' chikaj kan xtuben k'a ri nik'utux chire koma ri e ka'i' winaqi' ri'.

San Mateo 18:3

Y xubij chike: Kan qitzij k'a ninbij chiwe, chi wi rix man nijel ta ri ich'obonik, y man yixok ta achi'el re ti ak'ual re', man xkixok ta pan ajawaren.

San Mateo 18:35

Kan keri' k'a xtuben iwik'in rix ri nata' ri k'o chila' chikaj, wi man rik'in ta ronojel iwánima nikuy kimak ri iwach'alal toq k'o itzel nikiben chiwe, xcha' ri Jesús.

San Mateo 19:24

Ninbij k'a jun bey chik chiwe chi más la'eq man k'ayew ta niq'ax jun camello pa ti rujulil jun baq, ke chuwech jun beyom nok ta pa rajawaren ri Dios, xcha'.

San Mateo 25:10

Jak'a toq ri wo'o' xtani' ri' e beneq chuloq'ik aceite, jari' toq xok'ulun ri ala' ri xtik'ule'. Ri wo'o' xtani' ri kan ek'o-wi-apo koyoben ri ala', xe'ok k'a pa jay akuchi niban ri k'ulubik, y xtz'apex k'a kan ri ruchi' ri jay.

San Mateo 25:21

Y ri rajaw xubij chire: Rat, at utzilej nusamajel ri kan naben ri nibix chawe. Stape' xa ti juba' ok xaben ri xinbij chawe, kan k'iy k'a xtak'ul. Roma re' katanpe k'a, katok y kakikot k'a wik'in, xcha'.

San Mateo 26:39

Rija' xbiyin chik apo juba' y chiri' xxuke-wi-qa. Kan xuqasaj qa ri' k'a pan ulew, xch'on rik'in ri Dios. Y xubij: Nata' yin, wi kan tikirel, tabana' k'a chi man ta nink'owisaj re jun tijoj-poqonal re', jak'a man taben ri ninrayij yin. Xa kan tabana' ri arayibel rat, nicha'.

San Mateo 26:42

Ri Jesús xbe chik apo richin xbech'on chik ruka'n bey rik'in ri Dios y xubij: Nata' yin, wi kan k'o chi nink'owisaj ri tijoj-poqonal ri', kan tibanatej k'a ri arayibel rat.

Marcos 3:35

Roma kan konojel k'a ri yebanon ri rurayibel ri Dios, jari' ri ye'ok nte', wana' y wach'alal, xcha' ri Jesús.

Marcos 9:47

Wi ta jun chike ri runaq'-awech nibanon chawe chi yamakun, más utz nawelesaj. Roma más utz chi xaxe jun runaq'-awech k'o y yatapon pa rajawaren ri Dios, ke chuwech ka'i' runaq'-awech k'o y xa chi tz'aqet yabetorix kan chupan ri q'aq',

San Lucas 11:28

Jak'a ri Jesús xubij: Kan más k'a jebel ruwa-kiq'ij ri ye'ak'axan ri ruch'abel ri Dios y kan nikiben ronojel ri nubij, xcha'.

San Lucas 13:25

Roma toq ri rajaw jay xtiyakatej-pe y xtorutz'apej kan ri okibel ri', rix ri man jani ix okineq-apo rik'in, xkixoyon k'a apo y xtibij: Qajaw, qajaw, tajaqa' ri ruchi-jay chiqawech, xkixcha'. Jak'a rija' xtubij-pe chiwe: Man wetaman ta akuchi kixpe-wi, xticha'.

San Lucas 18:25

Xa más la'eq man kan ta k'ayew chi niq'ax jun camello pa ti rujulil jun baq, ke chuwech jun beyom nok ta pa rajawaren ri Dios, xcha'.

San Lucas 6:46

¿Achike roma toq rix nibij chi yin in iwajaw, y xa man niben ta ri ninbij chiwe?

San Juan 14:7

Wi kan iwetaman nuwech yin, kan iwetaman k'a chuqa' ruwech ri nata'. Re wakami kan itz'eton chik, y roma ri' iwetaman chik ruwech, xcha' chike.

San Juan 15:23

Ri kan ye'etzelan wichin yin, chuqa' niketzelaj ri nata'.

San Juan 3:5

Ri Jesús xubij: Yin kan qitzij wi k'a re ninbij chawe: Ri k'ak'a' alaxik ri xinnataj, jari' ri niban roma ri Loq'olej Espíritu y ri ya', y ri man k'a xtikik'uaj ta ri jun k'ak'a' alaxik ri', man xke'ok ta pa rajawaren ri Dios.

San Juan 5:17

Jak'a ri Jesús xubij chike: Ri nata' Dios kan k'a nisamej re q'ij re', y keri' chuqa' yin, k'o chi yisamej, xcha'.

San Juan 6:40

Roma ri nata', ri taqayon-pe wichin, nrajo' chi nikil ri k'aslen konojel ri yetz'eton ri nusamaj, y chi nikikuquba' chuqa' kik'u'x wik'in. Y yenk'asoj-el chikikojol ri e kaminaqi' chupan ri ruk'isibel q'ij, xcha'.

San Juan 7:17

Ri wineq ri kan k'o rayibel rik'in richin nuben ri nrajo' ri Dios, ri wineq ri' kan xtretamaj k'a wi ri tijonik ri ninya' yin, kan rik'in ri Dios peteneq-wi o xa nuyon nutz'ukun-el.

Hechos 14:22

Ri tinamit ri xebeq'ax-wi-pe, xkikuqubala' k'a kan kik'u'x ri qach'alal, y xkibila' kan chike chi tikuqer kik'u'x rik'in ri Jesucristo. Nikibila' k'a chi rik'in tijoj-poqonal ye'ok pa rajawaren ri Dios.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Romanos 2:13

Ri Dios man nuben ta chi ri winaqi' man jun kimak yek'ulun chuwech xaxe roma rije' nikak'axaj ri nubij ri pixa'. Jak'a nuben chi man jun kimak yek'ulun chuwech wi kibanon ronojel ri nubij.

Efesios 6:6

Man tiben chi xaxe toq ek'o-apo iwik'in yixsamej, xaxe richin kixnimex chi ix utz taq samajela'. Rix kan rik'in ronojel iwánima kixsamej achi'el xa ta kan rusamaj ri Cristo ri niben, roma jari' ri rurayibel ri Dios.

Colosenses 4:12

Ri Epafras nuteq-el rutzil-iwech. Y rix jebel iwetaman ruwech rija' roma chila' iwik'in rix peteneq-wi, y jun utzilej rusamajel ri Cristo. Rija' rik'in ronojel ránima nich'on rik'in ri Dios iwoma rix, richin chi rix kan xtikuqer ta ik'u'x, chi kan ta xtitz'aqet ri ik'aslen y kan ta xtiben ronojel ri nrajo' ri Dios.

1 Tesalonicenses 4:3

Qach'alal, ri Dios nrajo' k'a chi rix nich'er ta iwi' chuwech ronojel ri man utz ta, ri achi'a' y ri ixoqi' man tikikanola-ki' richin yemakun.

1 Tesalonicenses 5:18

Kixmatioxin chire ri Dios toq utz ixk'o, y toq ixk'o pa jun ruk'ayewal, roma keri' nrajo' ri Dios chi niben rix ri ix richin chik ri Cristo Jesús.

Tito 1:16

Nikibij chi ketaman ruwech ri Dios, jak'a kan niq'alajin chi man qitzij ta, roma ri itzel ri nikiben. Rije' itzel yekitz'et konojel, y man yeniman ta tzij. Chuqa' man jun utz ri yetikir nikiben.

Hebreos 13:21

xtuya' ta k'a ronojel rutzil chiwe, y xkixtikir ta xtiben ri utzilej taq banobel richin niben ri rurayibel rija'. Y nuben ta qik'in roj ri niqa' chuwech rija' rik'in ri rusamaj ri Jesucristo ri ruk'amon chi nuk'ul ruq'ij-ruk'ojlen richin jantape'. Keri' ta k'a.

Hebreos 4:6

Ri qati't-qamama' xkak'axaj ri utzilej ruch'abel ri Dios, jak'a man xkinimaj ta ri xkak'axaj, y roma ri' man xe'ok ta chupan ri uxlanen. Y roma ri' roj kan xya'ox q'ij chiqe chi yojtikir yojok chupan.

Santiago 1:22

Y man xaxe k'a tiwak'axaj ri ruch'abel ri Dios, xa kan tibana' chuqa' ri nubij. Roma wi xaxe niwak'axaj ri ruch'abel ri Dios y man niben ta ri nubij, xa iyon rix niq'ol-qa-iwi'.

1 Pedro 2:15

Ri Dios kan nrajo' k'a chi rix ja ta ri utz ri niben ronojel bey, richin keri' man jun yetikir nikibij chiwij ri winaqi' ri man jun ketaman y man yech'obon ta jebel.

1 Pedro 4:2

richin keri' janipe' chik q'ij ri xkixk'ase-el, ja ta ri rurayibel ri Dios ri niben-el y man ja ta ri nirayij rix.

Apocalipsis 2:27

Kan achi'el ri rubanon-pe ri Nata' chuwe yin, ri kan rujachon-pe uchuq'a' pa nuq'a' pa kiwi' ri ruwach'ulew, keri' rije' xtikiq'et-tzij pa kiwi' ri ruwach'ulew rik'in ronojel uchuq'a', achi'el xa ta kan jun ch'ich' ri k'o pa kiq'a', richin man k'ayew ta yekipaxila', achi'el niban chike ri bojo'y.

Apocalipsis 22:14

Kan jebel ruwa-kiq'ij ri nich'ajch'ojirisex kik'aslen; richin k'o kiq'a' chire ri ruwech ri che' ri niya'on k'aslen, y richin yetikir ye'ok chupan ri okibel ri e richin ri tinamit.

Apocalipsis 3:5

Ri xtich'akon, kan xtinwiq k'a rik'in seq taq tzieq. Y man xtinwelesaj ta ri rubi' chupan ri wuj ri richin k'aslen. Y kan xtinbij k'a chire ri Nata' y chike ri ángel, chi ri wineq kan wichin yin.