San Mateo 7:2 - Kaqchiquel Bible

² Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.

နောက်ထပ်ဗားရှင်းများ

Kaqchikel Santo Domingo (Xenacoj)

² Porque achel ri castigo xtirayij rix chi ndiqaqa pa kiwiꞌ chꞌaqa chik, keriꞌ xtirayix chi ndiqaqa pa iwiꞌ rix. Y achel runikꞌoxik kikꞌaslen ri wineq xtibꞌen rix, keriꞌ chuqaꞌ xtibꞌan chiwa.

Kaqchikel Santa Maria de Jesus

² Ruma xa ixreꞌ nquiꞌan juzgar ri vinak, quireꞌ xtiꞌan chiva ixreꞌ. Can incheꞌl ri ntiꞌan ixreꞌ chica ri vinak, quireꞌ xtiꞌan chiva ixreꞌ.

Kaqchikel Central Guatemala

² Roma vi xtiben chi ye'itzu' ri vinek xaxe richin chi itzel yixch'on chiquij, can que c'a chuka' ri' ri xtiban chive rix. Can achi'el vi c'a rubanic ri niben rix chique ri vinek, queri' chuka' xtiban chive rix.

Re C'ac'a Testamento pa Kach'abal

² Roma vo xa xtiban che ye'tzu' re vinak y c'are' itzel yixch'o chiquij, can quire' chuka' xtuban re Dios chiva yex. Can ancha'l rubanic niban yex chique re vinak, can quire' chuka' rubanic xtiban chiva yex.

Kaqchikel Western Solola

² Ruma wi ye'itzu' ri winek xaxu (xaxe wi) riche (rixin) chi itzel yixtzijon chiquij, can queri' chuka' xtiban chiwe riyix. Can achi'el wi c'a rubanic ri niben riyix chique ri winek, can queri' chuka' xtiban chiwe riyix.

San Mateo 7:2 ပူးပေါင်းရင်းမြစ်များ

2 Sam 21:5

Jari' toq ri gabaonita xkibij chire: Ja ri Saúl ri xrajo' ta chi xojruk'is-el richin chi kan man jun chik chiqe roj nik'oje' kan chuwech re iruwach'ulew rix.

Wuj Richin Bix Chire ri Dios 109:17

Rija' ja ri etzelanik ri xqa' chuwech y jari' ri xqaqa pa ruwi'. Man xqa' ta chuwech ri urtisanik, roma ri' kan man xqaqa ta urtisanik pa ruwi' rija'.

Ex 21:24

roma ri nelesan runaq'-ruwech jun wineq xtelesex chuqa' runaq'-ruwech ri xbanon, ri nelesan rey jun wineq xtelesex chuqa' rey rija', ri nelesan ruq'a' jun wineq xtelesex chuqa' ruq'a' rija', ri xtelesan raqen jun wineq xtelesex chuqa' raqen rija',

Wuj Richin ri Isaías 33:1

Toq'ex iwech rix aj-Asiria ri ye'ik'is konojel winaqi', jak'a chiwe rix man jun bey kibanon keri'. Chuqa' kan ye'iq'ol, jak'a rix man jun bey ix q'olon. Jak'a toq rix xkixtane' richin ye'ik'is, chuqa' rix kan xkixk'is. Y toq xkixtane' richin ye'iq'ol rije', chuqa' rix xkixq'ol.

Wuj Richin ri Jeremías 34:17

Roma ri' yin ninbij chi roma rix kan man xiniwak'axaj ta k'a richin chi xiya' ta el q'ij chike ri isamajela' richin xetotej, roma ri' re wakami yin kan xtinya' q'ij chi xtipe ri labal, ri wayjal y ri nima-yabil chiwij; kan xtinben chike konojel tzobaj winaqi' richin re ruwach'ulew, chi xtikixibij-ki' chiwech.

Wuj Richin ri Jeremías 51:24

Chikiwech k'a ri nuwinaq israelita, xtinya' ri rutojbalil-mak pan iwi' rix aj-Babilonia, achi'el ri ruk'amon roma ri itzel ri xiben chiri' pa tinamit Sión.

Wuj Richin ri Abdías 1:15

Achi'el ri xiben rix aj-Edom, keri' chuqa' xtiban chiwe rix, ri itzel ibanobal xtitzolix k'a ruk'exel chiwe. roma ri' naqaj chik k'o-wi ri q'ij richin ri Jehová; q'ij richin oyowal pa kiwi' konojel ajawaren.

San Mateo 6:14

Roma ri' wi rix ye'ikuy ri winaqi' ri k'o etzelal nikiben chiwe, ri aj-chikajil qatata' kan xkixrukuy chuqa' rix.

Marcos 4:24

Ri Jesús xubij chuqa': Toq rix niwak'axaj ri ruch'abel ri Dios, kan tiwak'axaj k'a jebel ri nubij. Roma achike rubanik ri xiben rix kik'in ri winaqi', kan keri' chuqa' xtiban chiwe; y xa kan xtiya'ox ch'aqa' chik pa ruwi' roma rix kan xiwak'axaj.

San Lucas 6:38

Wi rix rik'in ronojel iwánima ye'ito' ri winaqi' rik'in ri nik'atzin, ri Dios xtuya' chuqa' ri rajel-ruk'exel chiwe, achi'el toq nanojisaj jun chakech rik'in ixin. Kan nasiloj jebel richin k'iy nibe chupan. K'ari' jebel napitz'-qa, y napulisaj. Kan achi'el ri niben rix kik'in ri winaqi', kan keri' chuqa' xtuben ri Dios iwik'in rix.

2 Corintios 9:6

Yin ninwajo' k'a ninnataj chiwe: Chi jun tikonel ri xa juba' ok nutik-qa, xa juba' ok chuqa' nrelesaj. Jak'a ri tikonel ri k'iy nutik-qa, kan k'iy k'a nrelesaj.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

Apocalipsis 18:6

Jak'a rix*f6* kan tibana' k'a ruk'exel chire achi'el xuben rija' chike ch'aqa' chik. Ka'i' k'a bey más k'ayew tibana' chire, ke chuwech ri xuben rija' chike ri ch'aqa'. Rija' xa jun qumbel chire ri retzelal ri xuya', jak'a rix ka'i' qumbel tiya' chire richin niben ruk'exel chire.

Wuj Kichin ri To'onela' 1:7

Y ri Adonisédec xubij: Nabey yin xintzak'ij ri nima'q rupan ruwi-kiq'a' y ri nima'q rupan ruwi-kaqen ri oxk'al lajuj rey, y k'ari' xinqasaj kiq'ij y xinben chike chi xkimol ri ruk'aj kaxlan-wey chuxe' ri nu-mesa. Jak'a re wakami, kan achi'el k'a ri xinben yin, keri' xuben chuwe ri i-Dios, xcha'. Y rija' chiri' k'a pa Jerusalem xuk'uex-wi y chiri' xken-wi.

Wuj Kichin ri To'onela' 5:27

Ri Sísara kan nukototila-ri' chiraqen ri Jael. Nubak'ak'ela-ri' xtzaq pan ulew roma ri rukiy. Akuchi xtzaq-wi, chiri' xken-wi kan.

1 Sam 15:33

Y ri Samuel xubij: Rik'in ri a-espada xe'akamisaj k'iy kal ri qate'. Keri' chuqa' xtuk'uluwachij ri ate' rat, xcha'. Jari' toq ri Samuel xuqupij y xuk'ajij ri Agag chuwech ri Jehová chiri' pa Guilgal.