San Mateo 7:14 - Kaqchiquel Bible

¹⁴ Jak'a kan janila ok latz' ri okibel y ko'ol ok ruwech ri bey ri nik'amon-pe ri k'aslen, y man e k'iy ta ri ye'ilo richin.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Pero ri puerta y ri bꞌey ri ndukꞌuan chin ndawil ri kꞌaslen ma ndikꞌis ta, kaꞌal ok kiwech, y ma ekꞌiy ta ndikil ri bꞌey riꞌ, porque kꞌayew ngabꞌiyin chupan.

Kaqchikel Santa Maria de Jesus

¹⁴ Pero coꞌl-oc roch ri puerta y coꞌl-oc roch ri bꞌay ri niꞌa richin ri cꞌaslien, y man iqꞌuiy ta ri ncaꞌilo richin.

Kaqchikel Central Guatemala

¹⁴ Pero janíla latz' ri ruchi-jay y co'ol oc ruvech ri bey ri nic'amon-pe c'aslen, y man e q'uiy ta ri ye'ilon richin.

Re C'ac'a Testamento pa Kach'abal

¹⁴ Pero re bey y re puerta re camas co'ol-oc quivach, ja bey re' re nic'amo-pa c'aslen, y man je q'uiy-ta re ye'vilo richin.

Kaqchikel Western Solola

¹⁴ Pero xa co'ol ri puerta y co'ol oc ruwech ri bey ri yatuc'uan pa utzilaj c'aslen, y ma ye q'uiy ta oc ri ye'ilo.

San Mateo 7:14 ပူးပေါင်းရင်းမြစ်များ

Wuj Richin Bix Chire ri Dios 16:11

Xtak'ut k'a chinuwech ri bey richin k'aslen. Awik'in rat kan k'o kikoten richin jantape'. Kan jebel k'a ri k'aslen awik'in rat

Wuj Richin Etamabel-Tzij 8:20

Ri bey ri nuk'uan yin kan jun bey richin ruchojmilal, chuqa' ri nubey yin kan pa rubeyal k'a.

Wuj Richin ri Isaías 30:21

Y wi xtichop xtich'er kan iwi' rik'in, jari' toq xtiwak'axaj chi xtuk'ut ri rubey chiwech.

Wuj Richin ri Isaías 35:8

Y chiri' xtik'oje' jun nimalej bey, y xtubini'aj Bey Kichin ri Winaqi' ri Janila e Ch'ajch'oj. Man jun wineq ri man ch'ajch'oj ta rik'in ri ruk'aslen ri xtiq'ax ta chiri', jak'a kichin ri ch'ajch'oj kik'aslen chuwech ri Dios. Y ri achike xkebe chupan ri bey ri', stape' man nel ta kánima, man xkesach ta.

Wuj Richin ri Isaías 57:14

Y xtak'axatej re ch'abel re': Tiban jun choj laj bey, y tijosq'ix jebel richin niq'ax-pe ri nutinamit chupan.

Wuj Richin ri Jeremías 6:16

Yin Jehová ninbij chiwe: Kixpa'e' pa taq bey; titz'eta' y tik'utuj ri akuchi ek'o-wi ri utzilej taq bey richin ojer richin xtiwil uxlanibel-k'u'x. Jak'a rix xa xibij chi ni, roma rix man niwajo' ta nitzeqelibej ri bey ri'.

San Mateo 20:16

Wakami e k'iy k'a ri janila kiq'ij, jak'a xa kan xtapon ri q'ij toq xa maneq chik kiq'ij xtiban chike. Chuqa' e k'iy ri xa maneq ok kiq'ij, y kan xtapon ri q'ij toq ja rije' ri xtiya'ox kiq'ij. Roma kan e k'iy ri xe'oyox, jak'a xa e juba' ok ri xkecha'ox kan, xcha'.

San Mateo 22:14

Roma kan e k'iy ri xe'oyox, jak'a xa e juba' ok ri xkecha'ox kan, xcha' ri Jesús.

San Mateo 7:13

Kixok k'a chupan ri okibel richin ri bey ri janila latz'. Roma xa kan nim ruwech ri okibel ri rubey ri itzel k'aslen, y ri bey ri nik'amon-pe ri kamik janila nim ruwech; y e janila k'a winaqi' ri ye'ok ri chiri'.

San Mateo 7:15

Kan nik'atzin k'a chi nichajij-iwi' chikiwech ri man e qitzij ta q'alajirisanela'. Roma toq k'ari' ye'apon iwik'in, ri k'aslen ri nikik'ut, kan janila jebel, achi'el kibanik ri taq karne'l. Jak'a toq nikik'ut-pe ri etzelal ri k'o pa taq kánima, xa kan e achi'el chik ri itzel taq utiwa'.

Marcos 8:34

Ri Jesús xeroyoj k'a pe ri winaqi' y ri ch'aqa' chik rutijoxela'. Y xubij chike: Wi k'o jun nrajo' nitzeqeliben wichin, tuqasaj-ri', man tupoqonaj-ri' richin nuk'owisaj tijoj-poqonal y kirutzeqelibej.

San Lucas 12:32

Roma ri' man tixibij-iwi' rix ri yixtzeqeliben wichin, roma stape' xa ix juba' ok, kan rurayibel-wi k'a ri aj-chikajil qatata' richin niq'et-tzij pa rajawaren rija'.

San Juan 16:2

Xkixoqotex k'a pe ri chiri' pa taq jay akuchi nimol-wi-iwi' richin niwak'axaj ri ruch'abel ri Dios. Y kan xtapon-wi k'a chuqa' ri q'ij toq ri winaqi' xtikich'ob chi rusamaj ri Dios nikiben rije' toq yixkikamisaj.

San Juan 16:33

Ronojel k'a re', kan ninq'alajirisaj yan kan chiwe, richin chi kan k'o ta k'a ri uxlanen pa taq iwánima roma rix itunun chik iwi' wik'in. Y ninbij k'a chuqa' kan chiwe, chi kan xtiwil-wi tijoj-poqonal. Jak'a yin xich'akon yan chirij ri Itzel-Wineq ri chapayon richin re ruwach'ulew. Roma ri' kan tikuquba' ik'u'x iwik'in, xcha'.

Hechos 14:22

Ri tinamit ri xebeq'ax-wi-pe, xkikuqubala' k'a kan kik'u'x ri qach'alal, y xkibila' kan chike chi tikuqer kik'u'x rik'in ri Jesucristo. Nikibila' k'a chi rik'in tijoj-poqonal ye'ok pa rajawaren ri Dios.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Romanos 9:32

¿Y achike roma? Roma man kikuquban ta kik'u'x rik'in ri Dios. Roma ri' rije' xkipajk'ij kaqen y xetzaq chirij ri jun achi'el abej. Y ri abej ri' ja ri Jesucristo.