San Mateo 7:12 - Kaqchiquel Bible

¹² Keri', ronojel k'a ri niwajo' rix chi nikiben ta ri winaqi' iwik'in, kan keri' k'a chuqa' tibana' rix nabey kik'in rije'. Keri' ri xutz'ibaj kan ri Moisés y ri e q'alajirisey ruch'abel ri Dios ri xek'oje' ojer.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Romariꞌ, tibꞌanaꞌ chake ri wineq achel ndirayij rix chi ndikibꞌen rejeꞌ chiwa. Porque jareꞌ rukꞌuꞌx ri ndubꞌij ri ley y rukꞌuꞌx ri kitzꞌibꞌan kan ri profetas.

Kaqchikel Santa Maria de Jesus

¹² Incheꞌl ri ntivajoꞌ ixreꞌ chi ri vinak niquiꞌan chiva, quireꞌ jeꞌ tibꞌanaꞌ quiqꞌuin ijejeꞌ. Quireꞌ ri tzꞌibꞌan can chupan ri ley ri xuyaꞌ ri Dios cha ri Moisés. Quireꞌ jeꞌ quiꞌeꞌn can ri profetas ri xaꞌcꞌujieꞌ ojier can tiempo.

Kaqchikel Central Guatemala

¹² Rix ruyon chuka' utz tibana' quiq'uin ri vinek, roma rix man c'a nika' ta chivech chi ri vinek itzel quina'oj iviq'uin. Queri' ri tz'ibatel chupan ri ley ri richin ri Moisés, y que chuka' ri' quibin can ri xek'alajirisan ri ruch'abel ri Dios ojer can.

Re C'ac'a Testamento pa Kach'abal

¹² Yex can otz ina'oj tibana' quiq'uin re vinak, roma yex man nika-ta chivach che re vinak itzel quina'oj niquiban iviq'uin. Quire' nubij re tz'iban chupan re ley chin re Moisés, y quire' chuka' nubij re quitz'iban can re rusamajela' re Dios re xe'c'ue' ajuer can, re xbex profetas chique.

Kaqchikel Western Solola

¹² Rumac'ari' ri achi'el niwajo' riyix chi ri winek utz niquiben iwuq'ui, can quec'ari' tibana' riyix quiq'ui riye'. Ruma queri' ri tz'ibatal chupan ri ley riche (rixin) ri Moisés, y queri' chuka' quibin ca ri profetas ri xek'alajsan ri ruch'abel ri Dios ojer ca.

San Mateo 7:12 ပူးပေါင်းရင်းမြစ်များ

San Lucas 6:31

Rix utz tibana' kik'in ri winaqi', richin keri' ri winaqi' utz nikiben iwik'in rix.

Wuj Richin ri Chojmirisabelri'il 19:18

Man tiben ruk'exel chike ri yebanon itzel chiwe rix, ni man k'a tich'upun ik'u'x chikij ri iwinaq; xa kan tiwajo-iwi', achi'el niwajo-qa-iwi' rix. Yin Jehová ri yibin.

Wuj Richin ri Miqueas 6:8

Ri Jehová kan ruq'alajirisan chik k'a chiqe ri utz ri k'o chi niqaben. ¿Achike k'a nrajo' chiqe roj? Rija' nrajo' k'a chi roj xaxe ta ri ruchojmilal ri niqaben. Nrajo' chi niqajoyowaj ta kiwech ri ch'aqa' chik winaqi', y rik'in qasanri'il niqanimaj rutzij ri Dios.

1 Timoteo 1:5

Ronojel re' ninbij chawe, richin kan ta konojel qach'alal nikajo-ki' rik'in ch'ajch'oj kánima ri nuna' chi utz k'o chuwech ri Dios, y rik'in jun qitzij kuqubabel-k'u'x.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Ez 18:21

Y wi ta ri banoy etzelal nuchojmirisaj ruk'aslen y man nuben ta chik ri achi'el rubanon-pe y nutaqej ronojel ruwech pixa' y nuben ronojel pa ruchojmilal, kan xtik'ase' k'a kan y man xtinwelesaj ta ri ruk'aslen.

San Mateo 5:17

Man k'a tich'ob chi yin xipe chuyojik ri pixa' ri ruya'on kan ri Moisés, y ri wuj ri kitz'iban kan ri ojer taq q'alajirisey ruch'abel ri Dios. Yin xipe richin ninben ronojel ri kibin kan rije'.

Santiago 2:8

Ri pixa' ri k'o más rejqalen nubij chi achi'el niwajo-qa-iwi' rix, keri' chuqa' ke'iwajo' ri iwachpochel. Y wi kan niben keri', kan yalan utz.